Fréttablaðið - 31.05.2007, Qupperneq 2

Gunnar, er þetta stýrislaus
Strætó?
Robert Zoellick,
fyrrverandi
aðstoðarutan-
ríkisráðherra
Bandaríkjanna,
tekur væntan-
lega við af Paul
Wolfowitz sem
bankastjóri
Alþjóðabankans
í byrjun júlí.
George W.
Bush Banda-
ríkjaforseti sagðist í gær vilja fá
Zoellick í embættið og enn sem
komið er bendir ekkert til annars
en að 24 manna framkvæmda-
stjórn bankans muni fallast á það.
Nýs bankastjóra bíður erfitt
verkefni við að endurvekja traust
og bæta samskipti, jafnt innan
bankans sem út á við.
Vill Zoellick í
stað Wolfowitz
„Ég henti öllu frá mér og
hljóp til hennar. Hún var meðvit-
undarlaus og það sást bara í hvít-
una í augunum á henni,“ segir
Jóhann Ingi Guðbergsson, sautján
ára sundlaugarvörður Íþróttamið-
stöðvarinnar að Lágafelli í Mos-
fellsbæ. Vika er liðin frá því hann
hóf störf í lauginni en í fyrrakvöld
bjargaði hann lífi tveggja ára
stúlku með snarræði.
Stúlkan var þar ásamt móður
sinni og eldra systkini að leik í
vatnsrennibraut laugarinnar og
kom ekki úr kafi eftir eina ferð-
ina.
Sundlaugargestur sá til hennar
og dreif hana upp á bakkann, en þá
var hún hætt að anda. Hringt var á
sjúkrabíl og Jóhann Ingi hóf
lífgunartilraunir samstundis á
barninu. „Hún var búin að liggja á
botninum í um það bil tvær mínút-
ur. Andaði ekki og ég fann engan
púls. Ég blés hana því og hnoðaði.
Það gekk ekkert fyrst og ég hélt
að hún væri farin. Ég vildi samt
ekki gefast upp og hélt áfram. Svo
sáum við smá lífsmark. Stuttu
síðar kastaði hún upp vatni en
komst ekki alveg strax til meðvit-
undar. Hún fór svo að gráta og það
var frábært. Það var svo gott að
heyra hana gráta. Ég vissi að það
lofaði góðu. Sjúkrabíllinn kom svo
rétt á eftir og tók við,“ segir
Jóhann, sem segist vonast til þess
að fá að hitta litlu stúlkuna þegar
allir hafa jafnað sig á áfallinu.
Ekkert reyndist ama að litlu stúlk-
unni þegar hún kom á sjúkrahús
og var hún útskrifuð af Barnaspít-
ala Hringsins skömmu eftir
komu.
„Ég er nú bara að ná áttum,“
sagði Jóhann um líðan sína eftir
atvikið. Hann segist ekki vera
ókunnugur að gæta barna og var á
leið eftir vinnu sína á bensínstöð,
þar sem hann starfar þegar hann
er ekki á sundlaugarbakkanum, til
að gæta ungra skyldmenna sinna.
„Hann er mikið lánsamur þessi
piltur,“ sagði Jóhanna Gunnars-
dóttir, forstöðumaður Íþróttamið-
stöðvarinnar, um yngsta starfs-
mann sinn sem sannaði sig svona
eftirminnilega fyrstu viku sína í
starfi. Hún segir fulla gæslu við
sundlaugina og að starfsfólkið sé
þjálfað í neyðarhjálp, meðal ann-
ars að lífga úr dauðadái.
Jóhann Ingi fer aftur í skóla í
haust. Hann segist ekki viss um
hvað hann ætli að leggja fyrir sig
en vel geti verið að lækningar eða
annað í þá átt verði fyrir valinu.
Það var svo gott að
heyra hana gráta
Sautján ára sundlaugarvörður bjargaði lífi tveggja ára stúlku eftir að hún fannst
meðvitundarlaus í lauginni. Hann hefur aðeins starfað í viku sem vörður en náð
góðum tökum á skyndihjálp og endurlífgun. Litlu stúlkuna sakaði ekki.
Reykingabann tekur
gildi á morgun á veitinga- og
skemmtistöðum landsins. Í til-
efni af því verður mikið um
dýrðir í kvöld. Sérstakt vindla-
kvöld verður haldið á Argentínu
steikhúsi en Jón Eggert Víðisson
yfirþjónn segir vindla selda á
heildsöluverði í kvöld. „Við
höfum sett saman fjögurra rétta
matseðil í tilefni dagsins þar sem
við bjóðum meðal annars upp á
tóbaksreyktan ís og Davidoff-
reykt hreindýr. Við ætlum að
kveðja þetta reykingatímabil
með hvelli,“ segir Jón Eggert.
Reykingakveðjupoolmót
útvarpsþáttarins Capone verður
haldið á Áttunni í Hafnarfirði en
verðlaunin eru sígarettukarton í
tugatali. Arnar Þór Gíslason, eig-
andi Cafe Oliver, segir sumar-
fagnað Olivers hefjast klukkan
hálfátta í kvöld. „Ég lofa því að
við munum leggja okkur fram við
að gera síðasta reykingadaginn
ógleymanlegan á Oliver,“ segir
Arnar Þór.
Á Prikinu verður svokallað
„Smokey and the Bandit-kvöld“
þar sem selt verður tóbak á vægu
verði eftir hvern rétt. Fólk verður
einnig hvatt til að kveikja sér í
um leið og orðið „smokey“ heyr-
ist í hljóðkerfinu. -
Reykingar kvaddar í kvöld
Íslenskir karl-
menn á aldrinum 18 til 23 ára hafa
meiri væntingar til launa en jafn-
öldrur þeirra fyrir sömu störf.
Jafnréttisráð kynnti í gær
niðurstöður könnunar sem
Capacent Gallup gerði. Spurt var
um viðhorf og áhuga ungmenna á
tíu störfum. „Þegar konurnar eru
spurðar um launavæntingar
verðleggja þær sig lægra en
karlar,“ segir Fanný Gunnarsdótt-
ir, formaður Jafnréttisráðs.
Læknir, kennari og lögfræðingur
eru þau störf sem flestir hafa
áhuga á.
Strákar vænta
hærri launa
Heimsóknum á Kaffistofu Samhjálpar,
þar sem utangarðsfólk og fólk sem glímir við fátækt
getur fengið fría máltíð, fjölgaði um tæpan fjórðung
milli áranna 2005 og 2006. Alls leituðu 1.243 mann-
eskjur aðstoðar á síðasta ári og eru það 224 fleiri en
árið á undan. Þetta kemur fram í nýrri ársskýrslu
samtakanna. Heiðar Guðnason, forstöðumaður
Samhjálpar, segir að ekki sé gott að festa hendur á
því hvað valdi. Þó hafi verið bent á að fjölgun hafi
verið meðal útlendinga sem leiti hjálpar vegna
fátæktar, þeir séu nú rúm sjö prósent gesta. „Konum
fjölgaði einnig mjög á milli ára eða um 138 prósent,“
segir Heiðar en bendir á að karlmenn séu og hafi
verið mikill meirihluti þeirra sem leiti aðstoðar
vegna fátæktar.
Alls voru heimsóknir á kaffistofuna rúmlega 23
þúsund í fyrra og kom hver manneskja að meðaltali
19 sinnum í leit að aðstoð.
Ríkisstjórnarflokk-
arnir skipta með sér formanns-
embættum í nefndum Alþingis
með sama hætti og ráðuneytum.
Á reglunni er þó sú undantekn-
ing að fjárlaganefnd lýtur
formennsku samfylkingarþing-
manns og utanríkismálanefnd
sjálfstæðisþingmanns.
Sjálfstæðismenn fara því með
formennsku í allsherjarnefnd,
heilbrigðisnefnd, menntamála-
nefnd og sameinaðri land-
búnaðar- og sjávarútvegsnefnd
en Samfylkingarmenn hafa
forræði yfir efnahags- og
viðskiptanefnd, félagsmála-
nefnd, iðnaðarnefnd, samgöngu-
nefnd og umhverfisnefnd.
Kosið verður í nefndir
þingsins á þingfundi í dag.
Nefndunum
skipt eins og
ráðuneytunum
Karlmaður um
þrítugt var handsamaður af
lögreglunni á Sauðárkróki um
helgina. Að sögn lögreglunnar
hafði maðurinn gengið berserks-
gang og brotið rúður í ölæði í
bænum.
Í ljós kom að maðurinn hafði
komið til landsins daginn áður og
ætlaði hann að hefja störf hjá
fyrirtæki eftir hvítasunnu.
Eftir drykkjulætin var haft
samband við vinnumiðlunina
sem útvegaði honum starfið og
var maðurinn sendur úr landi á
mánudag þar sem hann þótti ekki
heppilegur starfskraftur.
Sendur úr landi
eftir ölæði
Ásta Lovísa Vilhjálmsdóttir
lést í gær á líknardeild
Landspítal-
ans. Ásta
vakti mikla
athygli fyrir
hetjulega
baráttu sína
við krabba-
mein, en hún
hélt úti
bloggsíðu þar
sem hún
fjallaði á
opinskáan hátt um glímuna
við sjúkdóminn.
Hún var útnefnd Íslending-
ur ársins af tímaritinu
Ísafold, meðal annars fyrir að
opna umræðuna um þennan
banvæna sjúkdóm sem
þúsundir glíma við en fáir tjá
sig um. Ásta Lovísa lætur
eftir sig þrjú ung börn.
Bróðir Ástu skýrði frá
andlátinu á bloggsíðu
hennar: „Fjölskyldan vill
senda þakkarkveðjur fyrir
allan stuðninginn, hlýhug og
falleg orð.“
Ásta Lovísa
látin