Fréttablaðið - 13.07.2007, Qupperneq 21

Kínverskir veitingamenn eru þekktir fyrir að
bera fram mikinn og góðan mat. Tan M.C.
Alaam á Kínamúrnum á Vesturgötu 6-8 er þar
engin undantekning.
„Uppskriftir okkar Kínverjanna þykja frekar flókn-
ar hér á Vesturlöndum því við notum það fjölbreyttar
tegundir af grænmeti, kryddi og sósum í okkar rétti,“
segir Tan í Kínamúrnum og kímir lítið eitt þegar hann
er beðinn að gefa lesendum Fréttablaðsins innsýn í
hina kínversku matargerð. Þó verður úr að hann mat-
reiðir fyrir okkur tvenns konar rétti, annars vegar
lamb í ostrusósu og hins vegar kjúkling með lauk og
engifer. Hvort tveggja er ljúffengt og langt frá því að
vera flókið í matreiðslu. Hráefnið ætti líka að vera
auðvelt að útvega eins og sést í upptalningunni á
næstu síðu.
Tan hefur innréttað og opnað glæsilegan veitingastað
á Vesturgötu 6-8 þar sem Naustið var um áratugi.
Komnir eru venjulegir gluggar í stað kýraugnanna
og innan dyra er allt opið, bjart og fágað. Nafnið á
staðnum er sótt í eitt merkasta mannvirki heims,
Kínamúrinn, og matseðillinn hljóðar upp á hátt í 100
mismunandi sérrétti fyrir utan samsetta matseðla og
hlaðborð í hádeginu.
Hráefnið sem Tan notaði í réttina er talið upp á síðu 2.
Kínversk matargerð
er margslungin