Fréttablaðið - 26.07.2007, Qupperneq 27

Sara Andrínudóttir flæktist heimshorna á milli
með gulu kápuna áður en hún varð að uppáhaldi.
„Stóra systir mín keypti þessa kápu einhvers staðar
á Íslandi fyrir mörgum árum síðan. Þetta er „second
hand“ kápa, framleidd hérlendis og kostaði víst ekki
mikið. Kápan er alls ekki í takt við það sem systir
mín annars gengur í og þess vegna lenti hún hjá
mér. Síðan þvældist hún um, flutti og ferðaðist en
vakti ekki athygli mína fyrr en nýlega. Núna er hún
hins vegar í miklu uppáhaldi, svolítið haustleg og
mjög falleg á litinn,“ segir Sara Andrínudóttir, stíl-
isti og verslunarstjóri hjá Companys í Kringlunni,
Sara er nýútskrifuð úr tískufræðum frá Toronto
og hefur alla tíð haft gríðarlegan áhuga á fötum og
tísku. „Þegar ég hugsa til baka lá þetta alltaf í spil-
unum. Ég flækist mikið með mömmu, sem vann
meðal annars við útstillingar, og man hvað mér
fannst það gaman,“ segir Sara og bætir við: „Draum-
urinn er að gerast stílisti og geta lifað af því.“
Sara á gríðarlega mikið af fötum og segir ekki
inni í myndinni að losa sig við eina einustu flík.
„Ég tók mig til fyrir fjórum árum og hélt fata-
markað á Prikinu ásamt vinkonum mínum. Ég seldi
fullt af fötum en fann síðan að ég hafði ekki verið til-
búin að láta þau fara. Sérstaklega þegar ég sá annað
fólk í þeim. Þá reyndi ég að kaupa sum fötin aftur og
lærði mína lexíu. Héðan í frá losa ég mig aldrei við
fötin mín,“ segir Sara hlæjandi.
Reyndi að kaupa
fötin mín aftur
...opið alltaf,
allsstaðar.
Náttúran.is er
náttúrumarkaður
með lífrænar og
umhverfisvottaðar
vörur...
07
-2
00
7
N
át
tú
ra
n
.is
www.natturan.is