Fréttablaðið - 26.07.2007, Síða 55

[Hlutabréf]
Bandaríska álfyrirtækið Century
Aluminum tapaði 60,7 milljónum
Bandaríkjadala á öðrum ársfjórð-
ungi. Það jafngildir 3,6 milljörðum
íslenskra króna. Til samanburðar
nam hagnaður félagsins á öðrum
ársfjórðungi í fyrra 45,8 milljónum
Bandaríkjadala.
Tekjur Century námu 464
milljónum Bandaríkjadala. Þær
jukust um 3,7 prósent frá fyrsta
ársfjórðungi þessa árs. Sá var
metfjórðungur í sögu fyrirtækis-
ins.
Century Aluminum er móðurfé-
lag Norðuráls sem rekur álverið á
Grundartanga. Félagið er skráð í
bandarísku kauphöllina Nasdaq og
í Kauphöll Ísland. Bréf félagsins
lækkuðu um 5,3 prósent í Kauphöll
Íslands í gær. Á Nasdaq í gær
höfðu bréfin lækkað um rúm tvö
prósent á hádegi.
Century tapar
3,6 milljörðum
„Nánast er óskiljanlegt hvernig
krónan getur verið svona sterk,
meðan viðskiptahallinn er jafn
mikill og raun ber vitni. Eina hugs-
anlega skýringin er náttúrlega hið
háa vaxtastig,“ sagði Hreiðar Már
Sigurðsson, forstjóri Kaupþings, á
kynningarfundi bankans í gær.
Hreiðar sagði óvissutíma fram-
undan í íslensku efnahagslífi og
tók Bandaríkin sem dæmi „Við
munum hvernig fór fyrir Banda-
ríkjadalnum. Mikill viðskiptahalli
varð á endanum til þess að dalur-
inn veiktist hratt.“
Verðbólga, sterk staða krónunn-
ar og mikil viðskipti á mörkuðum
voru helstu ástæður góðrar
afkomu þess hluta starfsemi
Kaupþings sem hér fer fram, að
sögn Hreiðars. Hreinar vaxtatekj-
ur bankans hér námu til dæmis
tæplega 12,5 milljörðum króna á
fyrri hluta árs og jukust um fimm-
tíu prósent milli ára.
Starfsmönnum Kaupþings hefur
fjölgað hratt og eru nú 2.970 tals-
ins. Þrjú hundruð hafa verið ráðn-
ir það sem af er ári og kvaðst
Hreiðar hlakka til að ráða þann
þrjúþúsundasta.
Krónan óskilj-
anlega sterk
Exista hf. fer nú með A-hluti í
finnska tryggingafélaginu
Sampo sem nema 19,93 pró-
sentum af heildarhlutafé í
félaginu, samkvæmt tilkynn-
ingu til kauphallarinnar í
Helsinki. Exista kynnir í dag
hálfsársuppgjör félagsins.
Samkvæmt finnskum
lögum má félagið eiga allt að
20 prósentum án þess að til
þurfi sérstakt leyfi ISA,
finnska tryggingaeftirlitsins.
Fram kemur í tilkynningunni að Exista og
samstæðufélög hafi í gær nýtt réttindi sam-
kvæmt afleiðusamningum sem áður höfðu
verið tilkynntir og farið þar með yfir 15 pró-
senta flöggunarmörk. „Nemur hlutur félags-
ins nú 15,58 prósentum af útgefnu hlutafé í
Sampo. Í tilkynningunni kemur einnig fram
að Exista Trading ehf., dóttur-
félag Exista, hefur gert sam-
bærilega samninga sem gefur
því tilkall til 4,35 prósenta
hlutafjár í Sampo til viðbót-
ar,“ segir í tilkynningu til
Kauphallarinnar hér. Haft er
eftir Lýði Guðmundssyni
stjórnarformanni Exista að
litið sé á Sampo sem kjöl-
festueign til langs tíma, en
félagið sé hlutdeildarfélag í
reikningum Exista. „Því er
rökrétt að við aukum hlut okkar í Sampo
sem þessu nemur og undirstrikum þannig
enn frekar trú okkar á félaginu.“
Sampo Oyj er leiðandi á norrænum trygg-
ingamarkaði auk þess að vera umsvifamik-
ill fjárfestir. Félagið er skráð á OMX Nordic
Exchange í Helsinki.
Með fimmtungshlut í Sampo
Kringlunni • sími 553 3536