Fréttablaðið - 16.08.2007, Blaðsíða 48

16. ÁGÚST 2007 FIMMTUDAGUR6 fréttablaðið menningarnótt
Sirkustvíeykið Hand in hand
verður með námskeið fyrir
börn á menningarnótt auk
þess sem tvíeykið leikur listir
sínar.
Tvíeykið og sirkuslistamennirnir
Katja Korström og Mattias And-
ersson hafa ferðast um heiminn
með Cirkus Cirkör. Þau kalla sig
Hand in hand og hafa slegið í gegn
í Svíþjóð það sem þeim er hrósað
fyrir ótrúlega færni og húmor. Ný-
verið samdi Katja sirkusverk sem
fléttað var saman við söngleik í
Gautaborg í Svíþjóð og hlaut það
afar góðar viðtökur og er Katja
stjarna þar um slóðir. Þau verða í
Norræna húsinu á menningarnótt
þar sem norræna menningarhá-
tíðin Reyfi mun hefjast sama dag.
„Þau verða með sirkusnámskeið
fyrir börn og unglinga. Ásamt því
sem þau verða með óvænt atriði,
en það er algert leyndarmál sem
ég get ekki greint frá núna,“ segir
Max Daager hjá Norræna húsinu.
Þau munu endurtaka óvænta at-
riði nokkrum sinnum yfir daginn
svo enginn ætti að missa af því.
„Þau eru svakalega góð og hafa
vakið heilmikla athygli í föður-
landi sínu Svíþjóð, þau eru alger-
ar stjörnur þar,“ segir Max.
Upplýsingar um þau Kötju og
Mattias er að finna á vefsíðunni
handinhand.se. -keþ
Sirkusstjörnur frá Svíþjóð
Katja Kortström og Mattias Andersson sýna hér smjörþefinn af því sem koma skal á
laugardag. FRÉTTABLAÐIÐ/HÖRÐUR
Mattias rúllar um í hring eins og ekkert sé auðveldara.
HULIN LJÓSVERK
Haukur
Snorrason
ljósmynd-
ari opnar
sýning-
una Hulin
ljósverk á
Kaffi Sólon
í Banka-
stræti á
menning-
arnótt. Um
er að ræða
myndir af
óþekktum
formum
og litum úr
náttúrunni
sem fólki eru hulin á jörðu niðri en hann hefur náð að fanga úr lofti á síð-
ustu misserum. Stemningin er mitt á milli málverks og ljósmyndar en ekki
eins og í landslagsmyndum sem við eigum að venjast. Sýningin verður
uppi á opnunartíma kaffihússins til 14. september.
Ljósverk Hauks eru listaverk.
Það má búast við miklu stuði,
miklum tónlistarmönnum og
miklum mannfjölda á Mikla-
túni á menningarnótt þegar
Landsbankinn, Rás 2 og Menn-
ingarnótt bjóða til stórtónleika
í þeim fagra almenningsgarði.
Tónarnir byrja að streyma um
loftin blá klukkan 16; síðan
verður pásað í matarhléi milli
18 og 20, en þá byrjar tóna-
flóðið aftur og stendur til
22.30.
„Eftir 20 ára „comeback“ hljóm-
sveitarinnar Mezzoforte á horni
Pósthússtrætis og Austurstrætis
í fyrra var ljóst að staðsetningin
væri sprungin sem tónleikastað-
ur Landsbankans á menningar-
nótt,“ segir Jóhannes Ásbjörns-
son, sérfræðingur í markaðsdeild
Landsbankans. „Þá var orðið mjög
erfitt að hreyfa sig í mannþröng-
inni og því einstaklega hentugt
og kærkomið þegar Reykjavíkur-
borg bauð okkur að eiga samstarf
við Rás 2 um stórtónleika á Mikla-
túni,“ segir Jóhannes, en nú sem
endranær verður Landsbankinn
með opið hús í Austurstræti með
tilheyrandi karnivalstemningu,
barnadagskrá, listaverkarúnti og
fagurri tónlist fyrir gesti og gang-
andi.
„Miklatún hefur sannað sig
sem okkar eigið Central Park og
hefur Reykjavíkurborg þá sýn
að garðurinn sé besti vettvang-
urinn fyrir stórtónleika af þessu
tagi. Fyrri partinn stíga á stokk
Mínus, Ampop, Pétur Ben, Von-
brigði og Ljótu hálfvitarnir, en
eftir matarhléið skemmta gest-
um Sprengjuhöllin, Eivör ásamt
færeyskri hljómsveit sinni, Á
móti sól, Megas og Senuþjófarn-
ir, og síðast en ekki síst Manna-
korn ásamt Ellen Kristjánsdótt-
ur, sem af þessu tilefni koma aftur
fram í upprunalegri mynd,“ segir
Jóhannes og bætir við að allir ald-
urshópar muni finna eitthvað við
hæfi á Miklatúni.
„Kannski verður ívið meiri
rokktónlist að smekk yngri kyn-
slóðanna að deginum til, en ör-
uggt að allir finna sitt eyrnakon-
fekt um kvöldið. Ég er ekki viss
um að yngsta fólkið átti sig á hve
dásamlega smelli Mannakorn
eiga í fórum sínum en þau eru
ófá lögin sem allir þekkja og geta
tekið undir með í. Svo skemmir
ekki hve umgjörð tónleikanna er
yndisleg á síðsumarskvöldi með
öllum sínum marglitu blómum
og ilmandi gróðri. Vonandi mæta
sem flestir og njóta þess að hafa
það ógleymanlega gaman saman,“
segir Jóhannes fullur tilhlökkun-
ar, en þess má geta að fjölmenn-
ustu útitónleikar Íslandssögunnar
voru haldnir á Hafnarbakkanum á
menningarnótt 2004 þegar hundr-
að þúsund gestir hlustuðu á lista-
menn kvöldsins.
Miklir á Miklatúni
Séð yfir mannþröngina á tónleikum Landsbankans á menningarnótt í fyrra
FRÉTTABLAÐIÐ/LANDSBANKINN
haust 2007
Verslun Rauðarárstíg 14 sími: 551 5477