Fréttablaðið - 16.08.2007, Blaðsíða 93

„Þetta eru eiginlega fyrstu eiginlegu Hjaltalín tón-
leikarnir. Við höfum bara verið að spila frekar stutta
tónleika með öðrum, en þessir verða langir og góðir,“
segir Guðmundur Óskar Guðmundsson, bassaleikari
hljómsveitarinnar Hjaltalín.
Hjaltalín hefur vakið nokkra eftirtekt síðustu miss-
erin. Hljóðfæraskipan hennar er frekar óhefðbundin
því fyrir utan hin hefðbundnu rokkhljóðfæri, tromm-
ur, bassa og gítar eru innanborðs fiðla, selló, fagott og
klarinett. Söngvararnir eru líka tveir.
„Við erum langt komin með plötu og ætlum að gefa
hana út í haust.“ segir Guðmundur. Hann segir að
upptökurnar hafi tekið töluverðan tíma, ekki síst
vegna þess hve erfitt það er að samstilla níu manna
hljómsveit. „Við erum svo mörg, og öll í okkar verk-
efnum en það sér fyrir endann á þessu núna.“
Guðmundur segir að þau muni flytja ný lög á tón-
leikunum, þar á meðal eitt glænýtt sem sumir hljóm-
sveitarmeðlimir voru ekki enn búnir að heyra í gær.
Með Hjaltalín á tónleikunum á morgun spilar hljóm-
sveitin Hvíti Elvis, sem spilar á sínum fyrstu tónleik-
um, og James Wallace. Hvíti Elvis samanstendur
mestmegnis af liðsmönnum Senuþjófanna sem spil-
uðu á nýju plötunni með Megasi og flytja þeir lög eftir
Tony Joe White sem kallaður hefur verið „Hvíti-
Elvis“. James Wallace er Bandaríkjamaður af íslensk-
um ættum sem kemur fram einn síns liðs.
Tónleikarnir hefjast kl. 22 og miðaverð er 500 kr.
Fyrstu alvöru tónleikar Hjaltalín
Breska blaðið The Guardian gerir
piltunum í Jakobínarínu góð skil á
heimasíðu sinni í vikunni í hinum
daglega dálki um nýjar og áhuga-
verðar hljómsveitir sem vert er að
fylgjast vel með á næstunni. Með-
limir Jakobínarínu eru kynntir til
leiks sem byltingarsinnar sem
vinni að því að halda uppi heiðri
táningapönksins.
Sagt er frá uppruna hljómsveit-
arinnar, hvernig hún varð til og
hvernig hún náði að skapa sér nafn
úti í heimi. Greinarhöfundur gerir
góðlátlegt grín að lagatitlum sveit-
arinnar en viðurkennir að lög sem
heita I´m in vain, This is an advert-
isement, I´ve got a date with my
television og fleiri beri vott um
sjaldséðan frumleika.
Jakobínarína kynnt
69.900-
Flott fartölva frá Acer með björtum kristal skjá,
Intel örgjörfa, hraðvirku vinnsluminni, þráðlausu
netkorti og geymsluplássi fyrir fleiri þúsund
ritgerðir og lög. Innbyggð vefmyndavél og 3 ára
ábyrgð er síðan rúsínan í pylsuendanum.
Öflug fartölva frá Acer með björtum kristal
skjá, tveggja kjarna örgjörfa, sem vinnur allt
að 50% hraðar en hefðbundinn örgjörfi,
nóg af hraðvirku vinnsluminni, þráðlaust
netkort og enn meira gagnapláss.
Innbyggð vefmyndavél, 3 ára ábyrgð og
Windows Vista Home Premium gerir
þessa að meiru en bara skólafélga!