Fréttablaðið - 16.08.2007, Blaðsíða 18

nær og fjær
„ORÐRÉTT“
Um 70 manns, þar af hátt í 40 útlend-
ingar frá þremur heimsálfum, ætla
að taka þátt í Reykjavíkurmaraþoni
Glitnis til minningar um Paul Nabil
sem lést fyrir tæplega ári síðan eftir
tólf ára baráttu við illkynja æxli.
„Hann var fullur af lífsgleði og tók öllum sínum
áföllum með fullri reisn,“ segir Þórarinn Alvar
Þórarinsson, frændi Nabils. Þórarinn og Nabil
voru systrasynir.
„Ísland var hans annað heimili. Hann kom
reglulega til Íslands og átti hér stóran hóp af
vinum sem hann hélt góðu sambandi við,“ segir
Þórarinn.
Paul Nabil fæddist 21. júlí 1973 í Pittsfield í
Massachusetts í Bandaríkjunum, þar sem
móðir hans, Laufey Vilhjálmsdóttir, bjó. Þegar
Nabil var 21 árs, á lokaárinu í verkfræði,
greindist hann með slíðursarkmein sem er
sjaldgæft illkynja æxli í mjúkvef. Ásamt því
að berjast við slíðursarkmeinið í læknismeð-
ferðum lauk hann verkfræðináminu. Hann
lauk síðan MBA-námi við Stern-viðskiptahá-
skólann í New York. Á þeim tíma kynntist hann
verðandi eiginkonu sinni Asu Okyay. Að loknu
MBA-náminu hóf hann störf hjá HBO kvik-
myndaframleiðandanum í New York þar sem
hann starfaði sem markaðsstjóri.
Nítjánda ágúst 2006, eftir tólf ára baráttu við
slíðursarkmeinið, lést Nabil 33 ára gamall.
Eftir dauða Nabils ákváðu aðstandendur og
vinir að stofna styrktarsjóð sem veitir fé til
rannsókna á slíðursarkmeini. Sjálfur hafði
Nabil lagt drög að því að stofna slíkan sjóð, þar
sem mjög fáar rannsóknir hafa verið gerðar á
sarkmeinum, en gafst ekki tími til þess.
Nú ætla um 70 manns að taka þátt í maraþon-
inu og heita á Minningarsjóð Nabils með hlaup-
unum.
Tæplega 40 útlendingar koma til að taka þátt
í hlaupinu. Þeir koma frá Evrópu, Asíu og
Ameríku og eru af átta þjóðernum. Allt eru það
vinir og kunningjar úr lífshlaupi Nabils.
„Ekkja Nabils, hún Okyay, er ekki mikil
íþróttamanneskja. Þegar þetta var ákveðið
fékk hún sér þjálfara og hefur æft af krafti
síðan og ætlar að hlaupa heilt maraþon.
Þetta maraþon er ákveðinn tákngervingur
fyrir Nabil. Hann var mikill íþróttamaður og
kunni alltaf best við sig í mannfögnuði þar sem
hann var ávallt hrókur alls fagnaðar,“ segir
Þórarinn.
Heimasíða sjóðsins er pnbustanyfund.org
Hlaupa til minningar um látinn vin
„Þeir settu upp skálann á
nokkrum dögum en hann verður
sendur aftur úr landi í september,“
segir Ragnheiður Harvey, kynn-
ingarfulltrúi Norræna hússins.
Skálinn var leigður frá Hollandi í
tilefni af hátíðinni Reyfi menn-
ingargnægð sem verður opnuð
ásamt menningarnótt Reykjavík-
ur kl. 13 þann 18. ágúst í Norræna
húsinu.
Ragnheiður segir Norræna
húsið ekki hafa verið mjög sýni-
legt síðastliðin ár og þess vegna
hafi þau viljað halda stóra hátíð
nú. „Í raun er þetta byrjunin á
miklum hátíðarhöldum sem verða
á næsta ári þegar Norræna húsið
verður fjörutíu ára í ágúst. Húsið
hefur nú verið lokað í tvo mánuði
þar sem við höfum verið að endur-
nýja lagnir í húsinu. Fleiri breyt-
ingar verða gerðar á næstu vikum
og mánuðum svo húsið verði orðið
fallegt fyrir sjálft afmælið á næsta
ári.“ Ragnheiður segir það eiga
eftir að koma í ljós hvort skálinn
verði settur upp að ári þegar Nor-
ræna húsið á afmæli. „Að stað-
aldri er húsið nógu og stórt en auð-
vitað fer það eftir hvaða viðburður
er í gangi hverju sinni. En í þetta
skiptið var ákveðið að halda virki-
lega mikla hátíð,“ segir Ragnheið-
ur. Reyfi menningargnægð stend-
ur frá til 18.-26. ágúst.
Risaglerskáli reistur á mettíma
Hús sem minnisvarðar Hver er ég?
Allt saman leyndó
Þurfum að
passa okkur á
Norsurum