Fréttablaðið - 16.08.2007, Blaðsíða 46

16. ÁGÚST 2007 FIMMTUDAGUR4 fréttablaðið menningarnótt
Færeyingar eru sérstakir gestir
menningarnætur í ár og kynna
brot af því sem er að gerast í
færeyskri myndlist og tónlist í
Tjarnarsal Ráðhússins.
„Íslendingar og Færeyingar
eiga margt sameiginlegt í list-
um og menningu, ekki síst hina
virku þátttöku almennings,“ segir
Jákup Simonsen, menningarmála-
stjóri Færeyja. „Verkmenningin
og sampil hversdag og náttúru eru
sennilega rót þess, að ógleymdu
veðrinu sem tekur á sig síbreyti-
legan ham og hefur áhrif á daglegt
líf, líðan og hugsun.“
Jákup segir vikivakana og vísna-
sönginn enn sterkan þátt í fær-
eyskri menningu. „Á mannamót-
um, svo sem brúðkaupum og stór-
afmælum, er enn „farið upp á
gólv“ eins og Færeyingar orða það
og færeyskur dans er kveðinn og
stiginn sem hluti af venjulegum
veislufagnaði. Hér eru líka hald-
in danskvæðamót þar sem fleiri
hundruð manns koma saman og
kveða og dansa heilu helgarnar
af hjartans lyst. Hluti af því sem
kemur út, bæði í bókarformi og
hljóð- og myndformi er líka sótt í
færeyska dansinn og dansmenn-
inguna. Innihald kvæðanna og óm-
urinn í stefunum endurspeglast oft
á tíðum í færeyskri nútímalist.“
Havnarkór Þórshafnar syngur og
dansar fyrir gesti í Ráðhúsinu – og
ekki síður með þeim, undir stjórn
Ólafs Hátún. Havnarkórinn er
einn elsti og vinsælasti kór Fær-
eyja og vel þekktur í nágranna-
löndunum, Danmörku og Noregi.
Hanus Gærdum Johansen er
vísnasöngvari sem fæddist og
ólst upp í Klakksvík. Hann hefur
komið víða við í hljómsveitum og
rödd hans og gítarleik má heyra
á mörgum færeyskum hljómplöt-
um. Þekktastur er hann þó sem
vísnasöngvari því hann nær vel til
áheyrenda, hvort sem hópurinn er
stór eða lítill.
Lena Andersen hefur slegið
rækilega í gegn bæði heima og
heiman. Hún gaf nýlega út disk-
inn Let Our Scars Dance og í sept-
ember heimsækir hún 19 borgir
Evrópu ásamt Ástralanum Xavier
Rudd. Byrjar í Madrid og endar í
London.
Myndlistarmennirnir Bárð-
ur Jákupsson og Eyðun av Reyni
sýna báðir verk sín í Tjarnarsaln-
um. Bárður blandar saman form-
um og litum færeyskrar náttúru í
abstrakt stíl sem minnir um margt
á skrautskrift og Eyðun málar
landslagsverk með kraftmiklum
pensilstrokum. Myndefnið spann-
ar allt frá morgunstund og ljósri
sumarnótt yfir í hvassan vetrar-
storm.
gun@frettabladid.is
Brot af því besta
færeyska
Havnarkórið syngur og dansar fyrir gesti menningarnætur – og með þeim.
Hanus G. Johansen er vinsæll
færeyskur vísnasöngvari sem
treður upp í Ráðhúsi Reykja-
víkur á menningarnótt.
Flestir kannast við bílastæða-
vandræði á menningarnótt.
Blaðamaður leitaði ráða hvar
koma ætti bílnum fyrir á meðan
menningarinnar er notið.
„Best er að reyna að leggja
bílnum á jaðri hátíðarsvæðis-
ins,“ segir Sif Gunnarsdóttir,
verkefnastjóri viðburða hjá Höf-
uðborgarstofu. „Fólk þarf ekkert
að vera að flýta sér enda er það
komið til að hafa það gaman og
njóta dagsins. Síðan verðum við
með menningarnæturstrætó sem
aka mun á jaðarsvæði hátíðar-
innar.
Hann fer alls staðar í kring-
um miðbæinn; framhjá Mikla-
túni, eftir gömlu Hringbraut-
inni, framhjá háskólasvæðinu,
út á Granda og aftur til baka.
Þannig að þótt bílnum sé lagt
hjá Háskólanum eða til dæmis
hjá Kringlunni þar sem mikið er
af bílastæðum, þá er bara hægt
að rölta niður á Miklatún og
taka menningarstrætisvagninn
þaðan,“ segir Sif en öll bílahús á
vegum Bílastæðasjóðs önnur en
Stjörnuport á Laugavegi verða
lokuð á menningarnótt.
Fátt er leiðinlegra en að fest-
ast í umferðaröngþveiti og því er
best að hafa það á hreinu hvaða
leiðir verða lokaðar á menning-
arnótt. Ekki verður hægt að aka
Bankastræti, Lækjargötu, Von-
arstræti, Tjarnargötu, Fríkirkju-
veg og Skothúsveg en einn-
ig verða sumar götur eða hlut-
ar úr þeim lokaðar part úr degi.
Þar má nefna Laugaveg, Ingólfs-
stræti, Geirsgötu, Hverfisgötu,
Sæbraut og Snorrabraut. Tæm-
andi lista er að finna á vefsíðunni
www.menningarnott.is.
Ef þessi bílavandamál vaxa
fólki í augum þá er annar mögu-
leiki í stöðunni. „Fólk getur bara
tekið strætó niður í bæ. Þá er
hægt að slappa enn frekar af
og til dæmis fá sér vínglas með
matnum án þess að hafa áhyggj-
ur af reglunni eftir einn ei aki
neinn,“ segir Sif en síðustu ferð-
ir strætisvagnanna verða um
klukkan 00.30 frá Hlemmi.
mariathora@frettabladid.is
Best að leggja á jaðri
hátíðarsvæðisins
Það er bæði einfalt og þægilegt að taka strætó á menningarnótt, þannig sleppur
maður við bílastæðavandamál og getur fengið sér vínglas með matnum. Boðið
verður upp á sérstakan menningarstrætó sem aka mun umhverfis miðbæinn, frá
Miklatúni og út á Granda. FRÉTTABLAÐIÐ/HARI
Myndlistarmaðurinn
Snorri Ásmundsson
er með nýjan gjörn-
ing í Norræna húsinu á
menningarnótt.
Inn við beinið er
hann besta skinn, heit-
ir gjörningurinn sem
myndlistarmaðurinn
mun frumflytja. Að
sögn Snorra vísar heit-
ið bæði í bangsa og
hann sjálfan. Því báðir
séu bestu skinn.
Gjörningurinn verð-
ur framinn í Norræna
húsinu og hefst klukk-
an 16.15 laugardaginn
18. ágúst. Viðburður-
inn er stranglega bann-
aður börnum. - rh
Stranglega
bannað
börnum