Fréttablaðið - 11.01.2008, Page 12

12 11. janúar 2008 FÖSTUDAGUR
RÓLEGAR MÆÐGUR Órangútan-
unginn Eirina sefur vært í öruggum
faðmi móður sinnar Tobu í dýragarð-
inum í þýsku borginni Dortmund.
Eirina fæddist 30. desember síðast-
liðinn. NORDICPHOTOS/AFP
BRETLAND, AP Breska ríkisstjórnin
tilkynnti í gær að hún hefði ákveð-
ið að styðja smíði nýrra kjarnorku-
vera í landinu, með þeim rökum að
kjarnorka væri umhverfisvæn
orkulind sem gagnaðist vel í bar-
áttunni gegn loftslagsbreytingum
af völdum gróðurhúsaáhrifa.
John Hutton viðskiptamálaráð-
herra sagði í þingræðu að kjarn-
orka „ætti að gegna hlutverki í
framtíðarsamsetningu orkubú-
skapar þessa lands, ásamt öðrum
kolefnislágum orkulindum“. Hann
sagði að kjarnorka væri „prófuð
og reynd, örugg og trygg“ orku-
lind.
„Ég býð í dag orkufyrirtækjum
að setja fram áform um byggingu
og rekstur nýrra kjarnorkuvera,“
sagði ráðherrann.
Talsmenn umhverfisverndar-
samtaka fordæmdu ákvörðunina
og sögðu kjarnorku vera hættu-
lega og að veðja á hana myndi
minnka fjárfestingar á öðrum og
umhverfisvænni valkostum.
„Við þörfnumst betri orkunýtni,
umhverfisvænni notkunar jarð-
efnaeldsneytis, endurnýjanlegrar
orku og orkuvera af nýjustu gerð
og minna miðstýrðrar orkufram-
leiðslu eins og í Skandinavíu. Það
er leiðin til að kljást við loftslags-
breytingar og að tryggja orkuör-
yggi,“ sagði John Sauven, fram-
kvæmdastjóri Grænfriðunga.
Eins og er framleiða kjarnorku-
ver um fimmtung raforkuþarfar
Breta, en fyrirhugað er að loka
þeim öllum fyrir árið 2023, að einu
undanskildu.
Hutton sagðist vonast til að sjá
fyrstu nýju kjarnorkuverin komin
í gang „vel fyrir árið 2020“.
Hann sagði að ekki yrði sett neitt
fast þak á það hve hátt hlutfall raf-
orkuframleiðslu landsins mætti
koma frá kjarnorku, en stjórnin
myndi jafnframt fjárfesta í þróun
endurnýjanlegra orkulinda.
Breska stjórnin hefur sett sér
það markmið að Bretar dragi úr
losun gróðurhúsalofttegunda um
60 prósent fram til ársins 2050,
miðað við losun ársins 1990. Hún
álítur kjarnorku vera mikilvægan
hluta orkulinda sem valda lág-
marks-loftmengun ásamt endur-
nýjanlegum orkulindum á borð við
vindorku og virkjun sjávarfalla.
audunn@frettabladid.is
NÝ KJARNORKUVER Kæliturnar gamla
kjarnorkuversins í Sellafield. Nú vill Bret-
lansdsstjórn að ný kynslóð kjarnaofna
rísi í gömlu verunum. NORDICPHOTOS/AFP
Kjarnorka fær
uppreisn æru
Breska stjórnin styður áframhaldandi nýtingu
kjarnorku. Það sé nauðsynlegt til að ná markmiðum
um minni losun gróðurhúsalofttegunda. Talsmenn
umhverfisverndarsamtaka fordæma ákvörðunina.
Með tilkynningu gærdagsins stillti
ríkisstjórn breska Verkamanna-
flokksins undir forystu Gordons
Brown sér upp í lið Evrópuþjóða
sem treysta á kjarnorku til framtíðar.
Hart hefur verið deilt um hlut-
verk kjarnorkunnar í Bretlandi og
mörgum öðrum löndum álfunnar á
liðnum árum.
Stutt yfirlit yfir hvar Evrópuþjóðir
standa í þessu efni:
■ Frakkland Í heimsforystu í
nýtingu kjarnorkunnar. 59
kjarnakljúfar sjá Frökkum fyrir 70
prósentum af raforkuþörf þeirra.
Nicolas Sarkozy forseti hefur hvatt
aðrar þjóðir til að nýta kjarnorku
í baráttunni gegn gróðurhúsa-
áhrifunum.
■ Þýskaland Núverandi ríkisstjórn
hefur samþykkt að halda sig við
ákvörðun fyrri stjórnar um að
öllum kjarnorkuverum landsins,
17 að tölu, skuli lokað fyrir árið
2021.
■ Holland Eitt kjarnorkuver enn í
rekstri. Því átti að loka árið 2013
en ríkisstjórnin fékk því framgengt
árið 2003 að líftími þess yrði
framlengdur til 2033.
■ Spánn Sex kjarnorkuver í rekstri,
en 23 ára gömul ákvörðun um að
ekki skuli byggð nein ný er í gildi.
■ Svíþjóð Ákvað árið 1997 að
hætta í áföngum nýtingu kjarn-
orkunnar, sem enn sem komið
er sér landinu fyrir um helmingi
raforkuþarfar sinnar. Fram til
þess hefur aðeins tveimur af tólf
verum verið lokað.
■ Finnland Fjórir kjarnakljúfar
framleiða um fjórðung raforku-
þarfar landsins; einn í viðbót er í
smíðum.
■ Ítalía bannaði kjarnorku eftir
þjóðaratkvæðagreiðslu árið 1987.
Ýmis önnur Evrópulönd hafa kosið
að sneiða hjá kjarnorkunni, þar á
meðal Austurríki, Danmörk, Noregur
og Portúgal.
BRETAR ÁFRAM KJARNORKUÞJÓÐ
LEIKSKÓLAR Sjö leikskólar borgarinnar senda
börnin heim þessa dagana, að sögn Ragn-
hildar Erlu Bjarnadóttur, sviðsstjóra
Leikskólasviðs í Reykjavík. Sumir leikskólar
neyðast til að láta sækja börnin fyrr á daginn
eða vera heima einn dag þar sem ekki er nóg
starfsfólk til að sinna öllum. Fjörutíu
starfs umsóknir hafa borist skrifstofu
Leikskólasviðs. Fleiri umsóknir hafa borist á
leikskólana.
„Okkur vantar fyrst og fremst leikskóla-
kennara. Það eru ekki nógu margir leikskóla-
kennarar til á landinu,“ segir Ragnhildur
Erla. „Mjög hröð uppbygging hefur átt sér
stað í leikskólamálum á undanförnum árum.
Atvinnuleysi er ekkert. Foreldrar vilja að
börnin byrji yngri og séu allan daginn þannig
að við reynum að koma til móts við það. Svo
er bara ekki til fólk á höfuðborgarsvæðinu.“
Ragnhildur Erla segir að aðgerðir borgar-
yfirvalda frá því í haust, til dæmis ellefu
prósenta launahækkun og ókeypis í sund og á
söfn, hafi fyrst og fremst skilað ánægju
starfsmanna. Nokkrir starfsmenn hafi hætt
við að hætta en aðgerðirnar virðist ekki hafa
skilað nýjum starfsmönnum svo um muni.
„Það vitum við ekki. Við erum með fjörutíu
umsóknir sem eru góðar; frá leikskólakenn-
urum, grunnskólakennurum og fólki sem
hefur hætt í háskóla um áramótin. Það eiga
sér stað ráðningar akkúrat núna,“ segir hún.
Ragnhildur Erla telur að ástandið verði
mun betra eftir nokkrar vikur. Þótt allir
verði ráðnir dugi það ekki til að fullmanna
leikskólana. Það gefi þó allt aðra stöðu á
leikskólunum. - ghs
Sjö leikskólar borgarinnar þurfa að skera niður þjónustu þessa dagana:
Tugir umsókna hafa borist
EKKI TIL NÓG FÓLK Um sjö leikskólar skera niður
þjónustu þessa dagana vegna manneklu. Ekki til nóg
fólk, að sögn Ragnhildar Erlu Bjarnadóttur, sviðsstjóra
Leikskólasviðs. Myndin er úr safni og tengist efni fréttar-
innar ekki beint.
OPNUNARMYND
:
PERSEPOLIS
www.graenaljosid.is
www.af.is
LÖGREGLUMÁL Rúmlega fertugur
karl var handtekinn við Kringluna
um kvöldmatarleytið í fyrrakvöld.
Í fórum hans fundust fíkniefni
sem talin eru vera amfetamín og
kókaín. Klukkutíma síðar stöðvaði
lögreglan bíl tæplega þrítugs karls
á Sæbraut. Maðurinn var án öku-
réttinda. Í bíl hans fannst fíkni-
efni sem talið er vera kókaín.
Maðurinn var handtekinn og
leitaði lögregla á heimili hans. Þar
fannst meira af efni í neyslu-
pakkningum sem einnig er talið
vera kókaín. Þá fann lögregla þar
öflugan riffil, haglabyssu og skot.
Maðurinn var ekki skráður eig-
andi að vopnunum og lagði lög-
regla því hald á þau.
Nokkru fyrir miðnætti hafði
lögreglan svo afskipti af átján ára
pilti við Smáratorg en hann er
sömuleiðis grunaður um fíkni-
efnamisferli.
Víðar á landinu voru menn
teknir vegna gruns um fíkniefna-
brot. Á níunda tímanum í gær-
morgun stöðvaði lögreglan á Vest-
fjörðum ungan ökumann. Hann
var með útrunnin ökuréttindi.
Grunur vaknaði um að hann
hefði nýlega neytt fíkniefna. Hann
var tekinn höndum og færður á
lögreglustöð. Við sýnatöku úr
manninum komu fram upplýsing-
ar er renna enn frekari stoðum
undir grun lögreglunnar.
- jss
Nokkrir handteknir vegna gruns um fíkiniefnabrot:
Með kókaín, riffil,
haglabyssu og skot
VINNUMARKAÐUR Undirbúa þarf að
flýta opinberum framkvæmdum
og skipuleggja nýjar svo hægt
verði að bregðast
við ef atvinnu-
leysi fer að grafa
um sig í haust.
Þetta segir
Vilhjálmur
Egilsson,
framkvæmda-
stjóri Samtaka
atvinnulífsins, á
vef samtakanna.
Þar vísar hann til niðursveiflu á
fjármálamarkaði, sem hann segir
geta leitt til aukins atvinnuleysis.
Hann segir mikilvægt að stjórn-
völd og aðilar vinnumarkaðarins
ræði strax hvernig bregðast megi
við ef sú staða komi upp. - bj
Líkur á auknu á atvinnuleysi:
Þarf að undir-
búa opinberar
framkvæmdir
VILHJÁLMUR
EGILSSON