Fréttablaðið - 11.01.2008, Qupperneq 25

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Brauð er best að kaupa nýtt
og gott að geyma það í frysti
og taka bara út sneiðar eftir
þörfum. Þannig geymist það
betur og helst lengur ferskt.
Sætar kartöflur geta
verið gott meðlæti og
til dæmis getur verið
sniðugt að skera þær í
bita og baka í ofni með
venjulegum kartöflum og
öðru grænmeti.
Harðfiskur er hollur og
góður og tilvalinn á kvöld-
verðarborðið þegar
verið er að snarla.
Eins er harðfiskur
sniðugur kostur
í nestisbox
skólabarna.
Jórunn Birgisdóttir eldar hollan og staðgóðan
mat fyrir börnin á leikskólanum Sólhlíð.
Jórunn Birgisdóttir er matreiðslumaður á leikskól-
anum Sólhlíð og reynir eftir fremsta megni að bjóða
upp á hollan mat. „Ég er ekki með neinar unnar
matvörur, nota lítið hveiti, nær engar mjólkurvörur
og baka allt brauð sjálf,“ útskýrir Jórunn. Hún
leggur ríka áherslu á grænmetisfæði og kaupir
einungis fyrsta flokks kjöt og fisk.
Jórunn segir börnin oft duglegri að borða græn-
metisrétti og gefur nokkur dæmi um mat sem hún
býður þeim upp á. „Þau eru til dæmis mjög hrifin af
pasta. Ég nota eingöngu heilhveitipasta en úr því fá
þau meiri trefjar. Þegar ég geri sósuna mauka ég
kjúklingabaunir, spínat og sólþurrkaða tómata og
læt krauma í potti ásamt tómötum úr dós. Síðan bæti
ég sojakjöti við en því má hella beint út í og þarf
ekki að liggja í bleyti. Ég nota svo kryddjurtir sem
ég blanda sjálf, sjávarsalt og jurtarjóma,“ útskýrir
Jórunn.
Með þessu hefur Jórunn gjarnan kartöflur sem
hún sker niður í báta. „Ég leyfi hýðinu að vera á og
steiki bátana í ofni ásamt ólífuolíu og hvítlauk. Svo
býð ég alltaf upp á salat og set oft apríkósur og
döðlur út í og eins ýmiss konar fræ sem ég rista í
ofni. Síðan erum við með ávaxtastund og bjóðum
upp á lýsi svo börnin fá mat úr öllum fæðu-
hringnum.“
Jórunn hefur ávallt haft áhuga á heilsufæði og
segir hún ekki mikla fyrirhöfn fylgja matreiðslunni.
„Ég er svo vön því að elda svona mat og er því enga
stund að þessu.“
Jórunn hefur starfað hjá Leikskólum Reykja-
víkur í rúm fjögur ár og segir börnin og starfsfólk-
ið ánægt með matinn hennar. „Það tekur smá tíma
að fá börnin til að smakka en þegar þau hafa vanist
þessu vilja þau ekki unninn mat. Ég held að það sé
mikilvægt að venja börnin snemma við að borða
hollt því það verður erfiðara eftir því sem þau
eldast. Ég tel líka mikilvægt að forðast aukaefni
því þau eru ekki góð fyrir börn og geta valdið
ofnæmi.“
vera@frettabladid.is
Borða allt með bestu lyst
Börnin á leikskólanum Sólhlíð eru mjög dugleg að borða grænmeti, ávexti, baunir og fræ. FRÉTTABLAÐIÐ/GVA
Hollu sælkera skyndibitarnir frá Ávaxtabílnum fást nú
í Nóatúni og 11-11.
– Verið þið sæl
Sæl verið þið
www.avaxtabillinn.is
Nú allar peysur á 1000 og 2000 kr á bæði dömur og herra
Jakkatilboð 2 fyrir 1 og einnig mikil verðlækkun á öðrum vörum.
DÚNDUR
ÚTSALA
www.friendtex.is Sími 568 2870
Opnunartími mánudaga - föstudaga 10.00 - 18.00
Laugardaga 11.00 - 16.00, lokað sunnudaga
Opið virka daga 10-18 og laugardaga 11-16.
Útsala