Fréttablaðið - 11.01.2008, Síða 70

38 11. janúar 2008 FÖSTUDAGUR
folk@frettabladid.is
> KATE OG CALVIN
Leikkonan Kate Bosworth
verður andlit Calvin Klein í
nýrri auglýsingaherferð. Hún
bætist þannig í fríðan flokk
frægðarfólks, en á meðal fyrr-
verandi fyrirsæta fyrir tísku-
merkið eru Brooke Shields,
Mark Wahlberg og Kate Moss.
Fríða Sóley Hjartardóttir
heldur til New York í dag
þar sem hún mun taka þátt í
Ford-keppninni Supermodel
of the World. Í verðlaun er
fimmtán milljóna króna
samningur við Ford.
Hin sautján ára gamla Fríða Sóley
fór með sigur af hólmi í íslensku
Ford-keppninni sem haldin var í
Iðnó í september. Hún öðlaðist þar
með þátttökurétt í alþjóðlegu Ford-
keppninni, sem fram fer í New
York næsta miðvikudag. Fríða
keppir þar við um fimmtíu stúlkur,
víðs vegar að úr heiminum, um tit-
ilinn Supermodel of the World. Í
fyrstu verðlaun er samningur við
hina virtu módelskrifstofu að and-
virði um fimmtán milljónir
íslenskra króna.
Fríða Sóley var að vonum spennt
þegar Fréttablaðið náði tali af henni
í gær. „Þetta byrjar allt á laugar-
deginum [á morgun]. Við förum í
gönguæfingar og í myndatökur og
undirbúum okkur fyrir keppnina.
Mér skilst að það verði prógramm
allan daginn fram að keppni,“ segir
Fríða. „Ég held að keppnin sjálf
verði með svipuðu sniði og hérna
heima, en ég fæ örugglega að vita
allt um það á morgun. Þá hitti ég
líka hinar stelpurnar. Ég hef aðeins
fylgst með þeim á myspace-síðunni
sem keppnin heldur úti, en ég þekki
þær náttúrlega ekki neitt,“ bætir
hún við.
Frá því í september hefur Fríða
búið sig undir alþjóðlegu keppnina,
bæði með myndatökum og göngu-
æfingum. „Í síðustu viku fór ég svo
í vax hjá Toni og Guy og hand- og
fótsnyrtingu hjá snyrtistofunni
Eygló, svo ég er að verða tilbúin,“
segir Fríða og hlær við. Þegar
Fréttablaðið náði tali af henni var
hún einmitt stödd í Gyllta kettinum
að sækja kjól fyrir keppnina, og því
í þann veginn að leggja lokahönd á
undirbúninginn.
Fríða segist hlakka til keppninn-
ar og segir gengi sitt í henni hafa
áhrif á framhaldið. „Ef það gengur
vel úti gæti vel verið að ég hellti
mér út í fyrirsætustörfin, en þetta
kemur allt í ljós. Ég er alveg ný í
þessu og byrjaði ekkert að velta
þessu fyrir mér fyrr en í sumar. Ég
er í skóla líka, svo það er alveg nóg
að gera,“ segir Fríða, sem stundar
nám á félagsfræðabraut Kvenna-
skólans í Reykjavík. Hún segist
vona að framtíðin innihaldi sitt lítið
af hvoru, fyrirsætustörfum og
félagsfræði. „Það væri gaman að
geta gert bæði, unnið svolítið sem
fyrirsæta og farið svo að læra,“
segir Fríða. sunna@frettabladid.is
Keppir um fimmtán milljóna Ford-samning
NÆSTA OFURFYRIRSÆTA? Fríða Sóley Hjartardóttir etur kappi við fimmtíu aðrar Ford-
fyrirsætur í alþjóðlegri fyrirsætukeppni í New York á miðvikudaginn. FRÉTTABLAÐIÐ/VALLI
Pamela Anderson er ólétt, samkvæmt
heimildum vefsíðunnar tmz.com. Faðir
barnsins er núverandi eiginmaður
hennar, Rick Salomon, sem er hvað þekkt-
astur fyrir að hafa „leikið“ í kynlífs-
myndbandi með partíprinsessunni Paris
Hilton. Pamela og Rick gengu í það heil-
aga í Las Vegas í byrjun október, en
strandvarðargellan fyrrverandi sótti um
skilnað fyrir tæpum mánuði. Örfáum
dögum síðar lýsti hún því yfir að þau
myndu reyna að vinna úr vandamálum
sínum og laga sambandið, en nú hefur
Pamela aftur skipt um skoðun, og það
þrátt fyrir þungunina. Salomon hefur
sagt vinum sínum að hann telji ástæðuna
fyrir ósk Pamelu um skilnað vera þá að
hún „láti eins og geðsjúklingur“ út af
þunguninni. Hann kveðst vona að hún fái
aftur áhuga á að bjarga sambandinu. Á
skilnaðarpappírunum, sem Tmz hefur
undir höndum, fer Anderson fram á að
Salomon greiði henni framfærslu, en
minnist ekki á meðlag.
Hjónabandið er þriðja hjónaband
beggja, en Anderson hefur áður verið
gift rokkurunum Kid Rock og Tommy
Lee sem einmitt er væntanlegur hingað
til lands. Með Tommy á hún synina Brand-
on Thomas og Dylan Jagger, sem nú eru
tíu og ellefu ára gamlir. Seinna hjóna-
bandið, sem var með Kid Rock, varði í
tæpa fjóra mánuði.
Pamela er ólétt en vill skilnað
SKILNAÐUR Í VÆNDUM Pamela Ander-
son vill skilnað frá eiginmanni sínum
til nokkurra mánaða, Rick Salomon.
Hún ber barn hans undir belti.
NORDICPHOTOS/GETTY
Mig langar til að …
… nota tímann núna eftir hátíðarnar
til að koma mér í form eftir barns-
burð. Ég er svolítil dellukona og hef
gaman af að taka á hlutunum. Ég
byrja líka í nýrri vinnu og hlakka
mikið til að fást við ný verkefni.
Eva Ýr Gunnlaugsdóttir, hjúkrunarfræðingur
Kellogg's Special K
kemur mér á sporið
Það er svo frábært þegar sólin hækkar á ný eftir hátíðarnar að hlaða
batteríin og finna kraftinn streyma um æðarnar. Fara á fullt í ræktina
og rifja upp allt sem ég auðvitað veit um næringu og hollustu.
Kellogg's Special K er eitt af því sem kemur mér auðveldlega á
sporið á ný, bragðgóður en fitusnauður morgunmatur, fullur af
vítamínum og steinefnum. Svo er líka frábært að eiga
ljúffenga stöng af Special K við höndina, ef mann
langar í eitthvað sætara, bara 90 hitaeiningar.
F
í
t
o
n
/
S
Í
A

F
I
0
2
4
2
9
1
specialk.is