Fréttablaðið - 10.02.2008, Side 8

10. febrúar 2008 SUNNUDAGUR
A
T
A
R
N
A
Nóatúni 4 · Sími 520 3000
www.sminor.is
VÍSINDI Pör sem eru skyld í fjórða
ættlið, það er eiga sama langa-
langafa og -ömmu, eignast fleiri
afkomendur en önnur pör. Þetta er
niðurstaða rannsóknar sem vís-
indamenn Íslenskrar erfðagrein-
ingar gerðu, og nær yfir ættartöl-
ur Íslendinga tvö hundruð ár aftur
í tímann.
Sem dæmi eignuðust konur
fæddar á árunum 1925 til 1949,
sem áttu maka sem var skyldur
þeim í fjórða ættlið, að meðaltali
3,27 börn og 6,64 barnabörn. Þær
konur sem áttu maka í áttunda
ættlið eða fjarskyldari voru tals-
vert minna frjósamar; eignuðust
aðeins 2,45 börn og 4,86 barna-
börn.
Rannsóknin er sú fyrsta sem
svarar spurningunni um tengsl
skyldleika og frjósemi á afgerandi
hátt, og þykir ljóst að niðurstöð-
urnar eiga sér líffræðilegar skýr-
ingar. Hverjar skýringarnar sjálf-
ar eru liggur hins vegar ekki fyrir.
Niðurstöðurnar benda meðal
annars til þess að flutningur
íslensku þjóðarinnar úr dreifbýli í
þéttbýli gæti orðið til þess að
hægði á fólksfjölgun. Íbúar í þétt-
býli velji sér maka úr mun breið-
ari hópi og því ólíklegra að við-
komandi sé ættingi. - sþs
Vísindamenn Íslenskrar erfðagreiningar finna tengsl milli skyldleika og frjósemi:
Fjórmenningar frjósamastir
FJÖLSKYLDA Vísindamennirnir rannsök-
uðu ættartölu Íslendinga frá 1800 og til
dagsins í dag. Greinin var birt í vísinda-
tímaritinu Science sem kom út í gær.
RÚSSLAND, AP Kosningaeftirlits-
skrifstofa Öryggis- og samvinnu-
stofnunar Evrópu (ÖSE) sagðist í
fyrradag ekki ætla að hafa eftir-
lit með forsetakosningunum í
Rússlandi 2. mars næstkomandi.
Í yfirlýsingu frá ÖSE segir að
rússnesk stjórnvöld hafi sett
eftir litstarfinu of ströng skilyrði,
bæði varðandi fjölda eftirlitsfull-
trúa og tilhögun eftirlitsstarfs
þeirra.
„Við berum ábyrgð gagnvart
öllum 56 aðildarríkjunum til að
uppfylla skyldur okkar og rússn-
esk stjórnvöld hafa sett slíkar
hömlur að ekki er hægt að fram-
fylgja kosningaeftirliti eins og
vera ber,” sagði Christian Stro-
hal, yfirmaður Mannréttinda- og
lýðræðisstofnunar ÖSE.
ÖSE hugðist hefja kosninga-
eftirlit sitt í desember en því var
hafnað af rússneskum stjórn-
völdum. 28. janúar var ÖSE boðið
að hefja kosningaeftirlit en með
ströngum skilyrðum varðandi
umfang. Tímaramminn sem ÖSE
var gefinn hefur þegar komið í
veg fyrir eftirlit með mikilvæg-
um stigum kosningaferlisins til
dæmis skráningu frambjóðenda
og aðkomu fjölmiðla að sögn
Strohal.
ÖSE sleppti því alveg að fylgj-
ast með framkvæmd þingkosn-
inganna í Rússlandi í desember
vegna strangra hamla sem
rúss nesk yfirvöld settu við eftir-
litinu. - gb/aa/sdg
Of ströng skilyrði rússneskra stjórnvalda fyrir eftirliti með þingkosningunum:
ÖSE ætlar ekki að hafa eftirlit
KOSNINGAAUGLÝSINGAR Í MOSKVU Forsetakosningarnar munu fara fram 2. mars
næstkomandi. NORDICPHOTOS/AFP