Fréttablaðið - 14.02.2008, Blaðsíða 42

14. FEBRÚAR 2008 FIMMTUDAGUR8 ● fréttablaðið ● brúðkaup
Brúðarkjóll eftir Noel Chu frá alþjóðlegri tískusýn-
ingu í Hong Kong í síðasta mánuði.
Módel sýna brúðarkjóla á tísku-
sýningu í Sófíu í Búlgaríu í síðustu
viku. Kjólarnir eru frá búlgarska
tískuhúsinu Mon Amour.
● ÁSTIN BLÓMSTRAR Á VALENTÍNUSARDAG
Í dag er 14. febrúar, sem nefndur er Valentínusardagur.
Í ýmsum löndum er hefðbundið að elskendur tjái ást
sína, til dæmis með elskendakorti, gjöfum og með því
að fara út að borða. Tækifærið er einnig notað til að senda
nafnlausa ástarjátningu til þess sem ástarinnar nýtur.
Valentínusardagur hefur notið vaxandi vinsælda hér á
landi, þrátt fyrir að bóndadagur og konudagur séu dagar
sem hafðir eru í heiðri sem séríslenskir dagar elskenda.
Sögu Valentínusardags er hægt að rekja til hátíðardags
kaþólsku kirkjunnar, til heiðurs heilögum Valentínusi. Teng-
ingin við rómantíska ást varð ekki fyrr en eftir miðaldir, en þá
fyrst þróaðist hugmyndin um rómantíska ást.
Ekki er vitað með vissu hver heilagur Valentínus var, en tveir
eða jafnvel þrír píslarvottar í sögu kirkjunnar báru þetta nafn. Einn
var rómverskur prestur og læknir. Einn lést vegna ofsókna Kládíus-
ar II Rómarkeisara á kristnum mönnum. Annar var biskupinn af Terní
á Ítalíu. Um þann þriðja er lítið annað vitað en að hann hafi dáið í Afríku.
Fyrstu skráðu heimildirnar sem tengja Valentínusardag við rómantíska ást
eru enskar og franskar heimildir frá 14. öld. Á þeim tíma var 14. febrúar hefð-
bundinn dagur fyrir mökun fugla. Á 14. öld varð algengt að elskendur skiptust á
skilaboðum þennan dag og kölluðu hvort annað „Valentínusinn“ sinn. Á breska
bókasafninu má finna Valentínusarbréf frá 14. öld.
Úrval brúðarkjóla hefur sjálfsagt sjaldan verið fjölbreyttara en
einmitt nú þar sem val getur stjórnast af tískusveiflum, hefðum
eða hugmyndaauðgi sjálfrar verðandi brúðarinnar.
Brúðarkjólar fást í öllum gerðum og stærðum og því hafa verðandi
brúðir úr ýmsu að velja fyrir stóra daginn. Enda mikilvægt að sætt-
ast á kjól sem þeim þykir bæði fallegur og þægilegur þar sem augu
allra munu hvíla á brúðinni þegar hún gengur inn kirkjugólfið.
Síðustu ár hafa brúðarkjólar sveiflast allt frá að vera stíl-
hreinir og einfaldir eða stuttir og klæðalitlir yfir í það að vera
íburðarmiklir og síðir rjómatertukjólar. Þá hefur færst í auk-
ana að konur kjósi að klæðist ekki hvítu eins og klassískt þykir
heldur velji sér fremur liti eins og gylltan, bláan og gráan,
kampavínslitaðan, bleikan og svartan!
Aðrar brúðir kjósa að fylgja hefðum í hvívetna; giftast
í hvítu, það er að segja lit hreinleikans, og hafa jafnvel til
hliðsjónar ensku vísuna „something old, something new,
something borrowed, and something blue“ sem útleggst
á íslensku sem: eitthvað gamalt, nýtt, blátt og lánað.
Brúðurin klæðist þá eða kemur með hlut af hverri
gerð en það á að færa henni gæfu. Þess má jafnframt
geta að á móti er til þess ætlast að aðrar konur mæti
ekki hvítklæddar í brúðkaupið af virðingu við brúð-
ina.
Hvort heldur sem brúðir kjósa að fylgja hefð-
um sem þessum eða varpa þeim fyrir róða, skiptir
máli að þær velji sér kjól sem uppfyllir allar
þeirra helstu væntingar og þær geta klæðst
með stolti í viðurvist ættingja, vina og þess sem
þær ætla að bindast tryggðaböndum. - rve
Háðir hefðum og
tískustraumum
Þessi kjóll var til
sýnis á tísku-
sýningu í Sofíu í
Búlgaríu í síðustu
viku, en hann er frá
búlgarska tískuhús-
inu Mon Amour.
Brúðarkjóll
eftir franska
fatahönnuðinn
Christophe
Josse frá tísku-
vikunni í París.
Brúðarkjóll
eftir franska
fatahönnuð-
inn Stephane
Rollard sem
sýndur var á
tískusýningu
í París fyrir
skemmstu.
Ítalski fatahönnuðurinn Ricardo Tisci hannaði þenn-
an brúðarkjól fyrir Givenchy, en hann var til sýnis á
tískusýningu í París fyrir skemmstu. NORDIC PHOTOS/AFP