Fréttablaðið - 14.02.2008, Blaðsíða 72
48 14. febrúar 2008 FIMMTUDAGUR
sport@frettabladid.is
> Ísland féll um tvö sæti
Íslenska karlalandsliðið í knattspyrnu
féll um tvö sæti á nýjum styrkleikalista
FIFA, Alþjóða knattspyrnusambands-
ins, sem gefinn var út í gær og er
sem stendur í 89. sæti. Ísland
var í 87. sæti á lista sem birtist í
janúar en hefur síðan þá spilað
þrjá æfingaleiki á æfingamóti
sem fram fór á Möltu fyrir
skemmstu. Þar tapaði Ísland
fyrir heimamönnum í Möltu og
Hvít-Rússum en vann Armena.
Argentína er í toppsæti listans
en Brasilía og Ítalía koma þar á
eftir.
Jón Heiðar Gunnarsson, leikmaður Stjörnunnar í N1-deild karla í
handbolta, hefur ekkert leikið með liði sínu síðan hann fékk
slæmt höfuðhögg frá Eyjamanninum Nikolav Kulikov í leik
liðanna í Mýrinni 20. nóvember á síðasta ári. „Ég var í vörninni
og viðkomandi leikmaður kemur hlaupandi að mér með oln-
bogann á undan sér og ég fékk þungt högg rétt fyrir ofan nefið
og lá eftir í gólfinu,“ sagði Jón Heiðar sem var sjáflur dæmdur
brotlegur eftir viðskipin og hefur ekki beðið þess bætur
síðan. „Ég náði að klára leikinn en fljótlega kom
í ljós að um alvarleg meiðsli væri að ræða og
ég hef ekkert spilað handbolta síðan. Ég fékk
mar á heilann og mátti fyrst um sinn lítið gera
samkvæmt læknisráði og hef þurft að eiga við
ógleði, svima og sjóntruflanir eftir atvikið. Þetta
hefur náttúrulega truflað mig í mínu daglega
lífi einnig og þá áttar maður sig einnig betur
á alvarleika málsins,“ sagði Jón Heiðar sem
er afar ósáttur með úrræðaleysi HSÍ í svona
málum. „Stjórn HSÍ virðist vera allt of bundin
við hvað dómarar skrifa í leikskýrslum eftir leiki og eðlilega kemur
þar ekkert fram sem hefur farið framhjá dómurum. Þá er bara
eins og þau atvik séu ekki til umræðu og málinu sé lokið.
Ég vill náttúrulega að viðkomandi leikmaður fái viðunnandi
refsingu fyrir brot sitt en fyrst og fremst vill ég opna umræð-
una um forneskjuleg vinnubrögð í svona málum og ákveðið
réttarleysi varnarmanna,“ sagði Jón Heiðar sem kvaðst hafa
verið í sambandi við Dómaranefnd HSÍ út af málinu. „Ég
hef heyrt í Guðjóni L. Sigurðssyni hjá Dómaranefnd
HSÍ og fengið góð viðbrögð frá honum sem og
reyndar nokkrum dómurum í deildinni og vonandi
verða þessi mál skoðuð nánar,“ sagði Jón Heiðar
sem er svartsýnn á að geta verið með Stjörnunni
á þessarri leiktíð. „Læknarnir segja að ég megi
gera eins mikið og ég treysti mér til en ég er
svona 90% viss um að vera ekki meira með á
þessu tímabili þar sem ég fæ enn svima um
leið og ég byrja að hreyfa mig eitthvað af
ráði,“ sagði Jón Heiðar að lokum.
JÓN HEIÐAR GUNNARSSON, STJÖRNUNNI: HEFUR EKKERT LEIKIÐ SÍÐAN HANN FÉKK HÖFUÐHÖGG Í LEIK
Vill opna umræðu um réttarleysi varnarmanna
HANDBOLTI Valur og Fram mætast aftur í
bikarúrslitaleik karla í handbolta tíu árum
eftir sögulegan úrslitaleik félaganna sem
fæstir Framarar eru búnir að gleyma.
Valsmaðurinn Freyr Brynjarsson kom
mikið við sögu í leiknum en hann skoraði
umdeilt jöfnunarmark sem tryggði Val
framlengingu. Valsmenn fengu þá aukakast
við miðlínu þegar 1,01 sekúnda var eftir af
leiknum en í rauninni voru þrjár sekúndur
eftir en dómurum misfórst að koma þeim
skilaboðum til leikmanna sem og áhorfenda.
Framarar kærðu leikinn af því að þeir töldu
Valsmenn hafa
brotið þrjár
leikreglur
þegar þeir
skoruðu mark-
ið. Í fyrsta lagi
var tíminn útrunninn,
í öðru lagi var Freyr
fyrir innan punktalínu
þegar aukakastið var
tekið og í þriðja lagi voru Vals-
menn sjö í sókn og enginn þeirra
sérmerktur sem markvörður.
„Þetta var alveg magnað og
þegar maður hugsar til baka þá
gerist það í hægri endursýn-
ingu að ég skora þetta eina
mark mitt í leiknum. Þetta
er eins og að hafa
skorað úrslita-
markið þó
að það hafi bara komið okkur í framleng-
ingu,“ sagði Freyr þegar Fréttablaðið bað
hann um að rifja upp atvikið.
„Við vorum ekkert búnir að ræða þetta,
við Kári Guðmundsson sem sendi á mig.
Kári var ekki byrjunarliðsmaður eins og
ég og var rétt kominn inn á. Við ætluðum
bara að koma boltanum á Júlíus Gunnars-
son sem átti að bomba á markið. Það sést á
Júlla að hann hélt að hann myndi fá boltann
og brá greinilega mikið þegar hann sá bolt-
ann fara fram völlinn,“ rifjar Freyr upp en
Júlíus fékk færi á að vera hetja líka því
hann skoraði sigurmark Valsmanna í fram-
lengingunni.
„Hann átti eftir að skora sigur-
markið og puttabrotnaði í leiðinni
og þetta var bara eins og í ævin-
týri eða atriði í góðri bíómynd,“
segir Freyr en sigurmark Júlíus-
ar kom þegar aðeins 4,2 sekúndur
voru eftir af framlengingunni.
„Þegar ég frétti að Fram
hefði kært og það yrði
hugsanlega annar leikur
þá brá mér rosalega.
Þeir stóðu sig vel lög-
mennirnir og sem
betur fer vorum við
með marga lögfræð-
inga í stjórninni
hjá Val á þessum
tíma,“ segir
Freyr og bætir
við: „Þegar ég var í Val þá langaði mann
alltaf að fara í bikarúrslitin aftur. Það er
magnað að þessi lið skuli mætast aftur eftir
tíu ár án þess að hafa mæst í bikarúrslitum
á þessum tíma. Þó að maður hafi verið oftar
í bikarúrslitaleik sjálfur þá var kominn tími
á að Valur kæmist aftur í úrslitin. Það hefði
verið gaman að vera í Val og fá að spila
þennan bikarúrslitaleik,“ segir Freyr í
léttum tón.
Freyr var mikið í umræðunni í kjölfar
leiksins en hann var þarna að stíga sín
fyrstu spor í meistaraflokknum 21 árs
gamall. Valsmenn áttu síðan eftir að vinna
Framara 3-1 í lokaúrslitum Íslandsmótsins
og unnu því tvöfalt þetta ár.
„Ég segi alltaf að þetta hafi verið mín
fimmtán mínútna frægð á sínum tíma og
menn hafa líka kallað þetta ólöglegasta
mark í sögu handboltans. Ég segi hins vegar
alltaf að þetta sé bara eins og rangstöðu-
mark í fótboltanum,“ segir Freyr.
„Við urðum bara að skora þetta mark til
þess að eiga möguleika á að vinna þennan
leik,“ bætir hann við en Freyr býst við
skemmtilegum úrslitaleik 1. mars.
„Þetta verður mikil barátta og mjög jafn
leikur. Þetta eru áþekk lið og það kæmi mér
ekkert á óvart að þessi leikur færi í fram-
lengingu og einhverja vitleysu,“ segir Freyr
en hann spilar nú með toppliði Hauka sem
varð að sætta sig við að falla út úr bikarnum
eftir tap fyrir Val í átta liða úrslitunum.
- óój
Freyr Brynjarsson rifjar upp markið sem kom Val í framlengingu í bikarúrslitaleiknum fyrir tíu árum:
Var kallað ólöglegasta markið í sögu handboltans
FORSÍÐA DV Kærumálið var áberandi í fjölmiðlum
eftir bikarúrslitaleikinn.
MEÐ
HAUK-
UM Freyr
Brynjarsson
spilar með liði
Hauka í dag.
FRÉTTABLAÐIÐ/ANTON
HANDBOLTI Dagur Sigurðsson gaf
HSÍ afsvar í gær um að taka við
karlalandsliðinu af Alfreð Gísla-
syni. Afsvar Dags kom eins og
blaut tuska framan í Handknatt-
leikssambandið sem taldi sig hafa
gert allt til þess að tryggja sér
þjónustu landsliðsfyrirliðans fyrr-
verandi. Dagur er annar þjálfar-
inn sem gefur HSÍ afsvar en
Svíinn Magnus Andersson hafði
áður gefið sama svar og Dagur.
„Það er ýmislegt sem hefur
áhrif á ákvörðunina en þyngst
vegur kannski sú ákvörðun að
halda áfram sem framkvæmda-
stjóri Vals,“ sagði Dagur við
Fréttablaðið í gær. Hann neitaði
því ekki að ákvörðunin hefði verið
mjög erfið.
„Ákvörðunin snýst ekki bara
um einhverja launatölu heldur
heildarpakkann. Þess vegna gaf
ég færi á mér að skoða þetta. Mér
finnst í rauninni fáránlegt að ég sé
að neita þessu og varla trúi því að
ég hafi gert það. Þetta var gríðar-
lega erfið ákvörðun en ég er sann-
færður um að ég sé að gera rétt.
Ég spáði fyrst í því hvort ég gæti
þjálfað landsliðið samhliða þessu
starfi. Ég komst aftur á móti fljótt
að því að það var ekki gerlegt. Svo
er árið stórt og óvissa þar sem
þetta er ólympíuár,“ sagði Dagur
sem útilokar ekki að taka við
landsliðinu síðar.
HSÍ er þar með aftur komið á
byrjunarreit í leit sinni að þjálfara
enda hefur sambandið farið þá
leið að tala aðeins við einn þjálf-
ara í einu. Samkvæmt áreiðanleg-
um heimildum Fréttablaðsins er
Aron Kristjánsson, þjálfari Hauka
og fyrrum þjálfari danska liðsins
Skjern, næstur á lista sambands-
ins og viðræður við hann munu að
öllum líkindum hefjast í dag eða á
morgun.
Aron var strax nefndur sterk-
lega til sögunnar þegar Alfreð
hætti og hann sagði við Frétta-
blaðið á dögunum að það væri
heiður fyrir alla íslenska þjálfara
að þjálfa landsliðið. Hann væri
þar engin undantekning.
„Ég get ekki neitað því að ég er
ekki alveg jafn heitur fyrir starf-
inu og fyrir nokkrum vikum síðan.
Ég hef í raun ekkert verið að hugsa
um þetta. Ég er bara að hugsa um
mitt starf og hef fullan hug á því
að halda áfram með Haukana,“
sagði Aron við Fréttablaðið en
Þorgeir Haraldsson, formaður
handknattleiksdeildar Hauka,
sagði að félagið myndi ekki standa
í vegi fyrir Aroni vildi hann fara
sem hann efaðist um. Haukarnir
myndu samt ekki leyfa honum að
hætta þjálfun liðsins strax.
„Þó svo að ég sé ekki alveg jafn
heitur þýðir það ekki að ég sé ekki
tilbúinn að taka kaffibolla með
HSÍ-mönnum og ræða við þá. Ég
hefði gaman að heyra hvað þeir
eru að hugsa,“ sagði Aron.
henry@frettabladid.is
Dagur hafnaði HSÍ – Aron næstur
Það gengur hvorki né rekur hjá Handknattleikssambandi Íslands að ráða arftaka Alfreðs Gíslasonar.
Dagur Sigurðsson hafnaði tilboði HSÍ um að taka við liðinu í gær en áður hafði Svíinn Magnus Andersson
afþakkað stöðuna pent. HSÍ mun næst beina sjónum sínum að Aroni Kristjánssyni, þjálfara Hauka.
DAGUR ÚT EN ARON INN Þar sem Dagur Sigurðsson ætlar ekki að taka við hand-
boltalandsliðinu mun HSÍ næst ræða við Aron Kristjánsson.
FRÉTTABLAÐIÐ/TEITUR
FÓTBOLTI Reykjavíkurmót karla í
fótbolta heldur áfram í kvöld og
þar ber hæst leik erkifjendanna
Vals og KR í Egilshöllinni sem
hefst klukkan 19.
Þetta verður síðasta tækifæri
KR-inga til þess að fá stig í
Reykjavíkurmótinu í ár því liðið
hefur tapað fyrstu þremur
leikjum sínum, tveimur á kæru
og svo síðasta leik 2-4 fyrir
nýliðum Fjölnis.
Valsmenn hafa fjögur stig eftir
3-0 sigur á ÍR og 1-1 jafntefli við
Fjölni. Seinni leikur kvöldsins er
svo á milli Fjölnis og Leiknis. KR-
ingar eiga ekki möguleika á að
komast í úrslitaleikinn en
Valsmenn eru í harðri baráttu um
að vinna riðilinn og tryggja sér
sæti í úrslitaleiknum. - óój
Reykjavíkurmót karla í kvöld:
Fá KR-ingar stig
í mótinu í ár?
VERÐA ÞEIR MEÐ? Helgi Sigurðsson Val
og Gunnlaugur Jónsson úr KR.
FRÉTTABLAÐIÐ/VALLI