Fréttablaðið - 14.02.2008, Blaðsíða 58

34 14. febrúar 2008 FIMMTUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Elskuleg móðir okkar, tengdamóðir,
amma og langamma,
Ósk Ágústsdóttir
frá Reykjum í Hrútafirði,
andaðist á sjúkrahúsinu Hvammstanga 8. febrúar.
Útför hennar fer fram frá Hvammstangakirkju
föstudaginn 15. febrúar kl. 14.00 Jarðsett verður í
Staðarkirkjugarði. Þeim sem vilja minnast hennar er
bent á Sjúkrahúsið á Hvammstanga.
Guðrún Einarsdóttir Guðjón Sigurðsson
Þóra Jóna Einarsdóttir Karl Emil Ólafsson
Helga Einarsdóttir Ásbjörn Björnsson
Jóhanna G. Einarsdóttir Halldór Ari Brynjólfsson
Þórhildur Rut Einarsdóttir Hallgrímur Bogason
Hulda Einarsdóttir Ólafur H. Stefánsson
barnabörn og barnabarnabörn.
Ástkær maðurinn minn og faðir okkar,
tengdafaðir, afi og langafi,
Jóhann Tómas Egilsson
frá Akureyri, fyrrverandi útibússtjóri,
Lækjarsmára 6, Kópavogi,
lést á Hjúkrunarheimilinu EIR laugardaginn 9. febrúar.
Útför hans verður gerð frá Bústaðakirkju í Reykjavík
föstudaginn 15. febrúar kl. 13.00.
Björg Jónsdóttir
Sigríður Dóra Jóhannsdóttir Ólafur H. Torfason
Egill Jóhannsson Kristín Gunnarsdóttir
Örn Jóhannsson Ane Mette Sørensen
barnabörn og barnabarnabörn.
Okkar ástkæri faðir, tengdafaðir, afi,
langafi og sambýlismaður,
Haraldur Guðmundsson
skipstjóri, Grundarbraut 5, Ólafsvík,
verður jarðsunginn frá Ólafsvíkurkirkju laugardaginn
16. febrúar kl. 14.00. Sætaferðir verða frá Umferðar-
miðstöðinni (BSÍ) kl. 10.30.
Fyrir hönd aðstandenda,
Pétur Haraldsson.
Elskulegur eiginmaður minn, faðir okkar,
tengdafaðir, afi og langafi,
Albert Hólm Þorkelsson
bakarameistari, frá Siglufirði,
Kveldúlfsgötu 22, Borgarnesi,
andaðist þriðjudaginn 12. febrúar á Sjúkrahúsi
Akraness.
Sigríður Guðmundsdóttir
Ágústína Albertsdóttir Sigurður Arason
Katrín Albertsdóttir Loftur Jóhannsson
Kristján Þorkell Albertsson Elín Ebba Guðjónsdóttir
Annabella Albertsdóttir Sigurgeir Óskar Erlendsson
afa- og langafabörn.
Elskulegur eiginmaður minn, faðir okkar,
tengdafaðir, sonur, tengdasonur, bróðir og
mágur,
Gunnar Ingi
Ingimundarson
Faxabraut 31 b, Keflavík,
lést á Líknardeild Landspítalans 10. febrúar. Útförin fer
fram frá Keflavíkurkirkju, þriðjudaginn 19. febrúar kl.
14.00. Blóm og kransar eru vinsamlegast afþökkuð en
þeim sem vildu minnast Gunnars er bent á
styrktarreikning í Sparisjóði Keflavíkur. 1109-05-
412412 kt. 030268-5129.
Linda Gústafsdóttir
Sara María Gunnarsdóttir Egill Ragnar Brynjarsson
Guðjón Ingi Gunnarsson
Unnur Ágústa Gunnarsdóttir
Sverrir Svanhólm Gunnarsson
Ragna Kristín Árnadóttir
Unnur Guðjónsdóttir Sverrir Jónsson
Gústaf Adólf Ólafsson
systkini og fjölskyldur.
Unnur Jónsdóttir hjúkrunarfræðing-
ur, er ritstjóri Doktor.is sem um þess-
ar mundir fagnar tíu ára afmæli sínu.
Doktor.is hefur vaxið og dafnað og er
nú stærsti heilsuvefur landsins.
„Heilsuverndarstöðin á og rekur
Doktor.is og allt efni sem er á vefnum
er skrifað af sérfræðingum. Ég sem
ritstjóri sé um allt efni sem fer inn á
vefinn og er hann uppfærður daglega,“
segir Unnur.
Á Doktor.is getur fólk aflað sér upp-
lýsinga um heilsuvernd en auk þess
geta lesendur sent inn fyrirspurnir
sem eru spyrjandanum og öðrum til
gagns.
Unnur svarar mikið til fyrirspurn-
um sjálf en leitar til sérfræðinga þar
sem við á. Margir sérfræðingar sjá
einnig um að svara fyrirspurnum. „Það
verður að taka það fram að á vefnum
er aldrei hægt að rekja fyrirspurnir til
viðkomandi aðila. Öll umsýsla og efni
er í mínum höndum,“ segir Unnur.
Doktor.is fær um 16 þúsund heim-
sóknir á viku og stærsti hópurinn sem
heimsækir vefinn eru ungar konar.
Unnur nefnir að áskrifendur að Dokt-
or.is séu á öllum aldri.
„Við höfum tekið vefinn algjörlega í
gegn, hann fékk nýtt útlit og innihald
hans hefur verið mikið endurbætt. Allt
þetta hefur verið gert til að auðvelda
almenningi aðgang að þeim fjölbreyttu
upplýsingum sem vefurinn hefur að
geyma. Einnig hafa verið settar inn
nýjungar á vefinn,“ segir Unnur.
Helsta nýjungin er Heilsudagbók-
in þar sem áskrifendum gefst kostur á
að setja inn heilsufarsupplýsingar, til
dæmis um hæð og þyngd og geta sett
sér út frá því heilsutengd markmið og
fylgst með árangrinum bæði á töluleg-
an og myndrænan hátt. Vefurinn er
opinn öllum til lestrar en aðeins áskrif-
endur geta prentað út greinar, sent inn
fyrirspurnir og skráð sig í Heilsudag-
bókina.
Saga Doktor.is hófst árið 1998 þegar
hann var stofnaður af þremur íslensk-
um læknum sem voru við nám í Dan-
mörku. Fyrirmynd vefsins er frá
Skandinavíu og í upphafi hét vefurinn
netdoktor.is. Frá 1998 hafi ýmsir aðilar
komið að Doktor.is en í dag á og rekur
Heilsuverndarstöðin vefinn en hún
veitir þjónustu á sviði heilsuverndar,
vinnuverndar og heilbrigðisþjónustu.
Allt efni og greinar Doktor.is eru á ís-
lensku og er markmiðið að auðvelda
öllum þeim sem heimsækja vefinn að
nálgast efnið.
Lyfjaskrá á Doktor.is er mjög ítarleg.
„Lyfjabókin á vefnum er ný, um er að
ræða lyfjaskrá sem er uppfærð mánað-
arlega og þar er alltaf hægt að nálgast
nýjustu upplýsingar um öll þau lyf sem
eru til sölu á Íslandi,“ segir Unnur. Hún
segir að markmið vefsins sé þó ekki að
fólk hætti að leita til fagaðila. „Ég lít
fyrst og fremst á Doktor.is sem heilsu-
vef með upplýsingum um heilbrigði en
við tökum það skýrt fram að vefurinn
kemur í aldrei í staðinn fyrir heimsókn
á heilsugæslustöðvar eða til læknis.“
Unnur segir að vefurinn muni halda
áfram að vaxa og þjóna lesendum
sínum. mikael@frettabladid.is
DOKTOR.IS: Á TÍU ÁRA STARFSAFMÆLI Á ÁRINU
Allt um heilsu á einum stað
KEVIN KEEGAN FÆDDIST
ÞENNAN DAG ÁRIÐ 1951
„Ég mun aldrei aftur spila
á Wembley, nema ég spili
aftur á Wembley.”
Kevin Keegan er fyrrver-
andi þjálfari enska lands-
liðsins en þjálfar nú lið New-
castle United í ensku úrvals-
deildinni.
Þennan dag árið 1929 gengu
fjórir menn klæddir lögreglu-
búningum inn í höfuðstöðvar
glæpamannsins Bugs Moran í
Chicago-borg.
Þar voru fyrir sjö meðlimir
úr gengi Bugs Moran sem fjór-
menningarnir stilltu upp við
vegg og skutu til bana. Þessi
atburður er þekktur sem Val-
entínusar-fjöldamorðin enda
bar þau að á Valentínusardag.
Morðin voru liður í stríði á
milli gengja Al Capone og
Bugs Moran. Þeir áttu sín yf-
irráðasvæði í Chicago þar
sem þeir smygluðu og seldu
áfengi á þriðja áratug síðustu
aldar. Með þessu tilræði ætl-
aði Capone að láta myrða
Moran. Gengi Capones vissi
að von var á mikilvægri send-
ingu í höfuðstöðvar Bugs og
hann yrði þar með alla sína
bestu menn.
Það varð Bugs hins vegar til
happs að hann var seinn fyrir
og sá því hvar „lögreglumenn-
irnir“ fjórir gengu inn í höfuð-
stöðvar hans. Hann komst því
undan en enginn af mönnum
Capones sem tóku þátt í
morðunum var nokkurn tíma
handsamaður.
ÞETTA GERÐIST: 14. FEBRÚAR 1929
Glæpamenn ráðnir af dögum
AL CAPONE Ætlaði að losna við
keppinautinn en mistókst.
MERKISATBURÐIR
1887 Brotist er inn á skrifstofu
lögreglustjórans í Reykja-
vík og þaðan stolið pen-
ingakassa. Aldrei náðist
að hafa hendur í hári
ræningjans.
1912 Arizona verður 48. ríki
Bandaríkjanna.
1945 Chile, Ekvador og Perú
ganga í Sameinuðu þjóð-
irnar.
1994 Rússneski fjöldamorð-
inginn Andrei Tsjíkatílo er
tekinn af lífi.
1994 Björk Guðmundsdóttir
er valin besta alþjóðlega
söngkonan og besti nýlið-
inn á Brit-tónlistarhátíð-
inni.
1981 48 látast í bruna á
skemmti stað í Dublin á
Írlandi.
Unnur Jónsdóttir
hefur verið ritstjóri
Doktor.is í eitt ár.
Síðustu tíu ár hafa
hjúkrunarfræðingar
sinnt starfi ritstjóra.
FR
ÉT
TA
B
LA
Ð
IÐ
/V
IL
H
EL
M