Fréttablaðið - 07.03.2008, Page 34

Í næstu viku kemur splunkunýr pott-
réttur á markað frá Móður náttúru.
Hann heitir Cazuela sem þýðir ein-
faldlega pottréttur. Rétturinn smakk-
ast dásamlega og ættu allir sem hafa
unun af grænmetisréttum að prófa
þennan spennandi rétt en hann er
ættaður frá Mexíkó. Rétturinn kemur
algerlega tilbúinn og það eina sem
þarf að gera er að hita hann upp.
Sláðu upp veislu á fimm mínútum
Skartgripahönnuðurinn Sif Jakobs hefur getið sér gott orð
sem hönnuður í Skandinavíu og fleiri löndum. Hún nam
gullsmíði í Svíþjóð en þaðan útskrifaðist hún árið 2000.
Þaðan lá leiðin til Kaupmannahafnar og þar fór boltinn
að rúlla fyrir alvöru. „Ég fór að vinna hjá skartgripafyrir-
tækinu Unodomani, sem var þá á byrjunarreit og með
aðsetur í Danmörku. Ég sá um hönnun skartgripalína,
framleiðslu, markaðssetningu og sölufólk. Eftir tvö ár var
ég farin fylgjast með daglegum rekstri fyrirtækisins. Ég
stóð að kynningum og sölusýningum víðs vegar um
heiminn fyrir hönd Unodomani, meðal annars í Dan-
mörku, Svíþjóð, Þýskalandi, Bandaríkjunum og Hong
Kong svo eitthvað sé nefnt. Eftir að við höfðum opnað
Unodomani á Ítalíu og ég haft aðsetur þar í þó nokkurn
tíma, langaði mig aftur til Kaupmannahafnar,“ segir Sif.
Aðstæðurnar breyttust hjá henni og hún ákvað að láta
drauminn sinn rætast og hóf eigin rekstur. Í dag hannar
hún tvær línur undir eigin nafni. Annars vegar Resin
Collection og hins vegar By Sif Jakobs. Sú síðarnefnda er
úr silfri og mjög stílhrein. Í henni eru hringir, armbönd,
eyrnalokkar og hálsmen með Zirkonia- og Swarovski-
steinum og húðað með hvítagullshúð. Resin-línan er úr
samnefndu efni og endurspeglar tískuna eins og hún er í
dag. Til að krydda hana notar Sif Swarovski-steina.
Skartgripirnir eru framleiddir á Ítalíu, Kóreu og Kína. „Ég
hef fengið mjög góðar móttökur, betri en ég átti
von á, sérstaklega á Íslandi og í Benelux-
löndum,“ segir hún en skartgripir hennar eru
seldir í Leonard-verslunum.
Þegar hún er spurð út í innblásturinn segir
hún að hann komi oftast þegar hún ferðast
um heiminn.
„Ég fæ mikinn innblástur á ferðalögum
mínum, kynnist ólíkum menningarheimum. Fólk,
náttúran og arkitektúr á hug minn allan,“ segir Sif en hún
er þó ekki eingöngu í skartgripum því hún hefur líka
hannað fyrir Margit Brandt sem er mjög þekktur danskur
hönnuður. Þar hefur hún hannað hnífapör í samstarfi
með Margit. „MB Cutlery - Stainless steel hnífapör eru
smart og elegant en með rómantísku ívafi.
Þau eru nú þegar komin á markað víðs
vegar um heiminn en á Íslandi eru þau seld
í versluninni Heimili og hugmyndir og
Valrós á Akureyri,“ segir hún. Fram undan
eru spennandi tímar hjá Sif en hún er að
vinna að því að stækka fyrirtækið. „Við erum
á fullu við að hanna línu fyrir stórt skartgripafyr-
irtæki í Kína. Fyrsta línan verður kynnt næsta sumar í
Kína.“ Þegar hún er spurð að því hvort það sé ekki erfitt að
koma sér á framfæri úti í hinum stóra heimi segir hún svo
ekki vera. „Ef þú ert með góða og fallega vöru og góð
sambönd þá eru allir vegir færir.“ martamaria@356.is
Íslenskur skartgripahönnuður slær í gegn úti í heimi
Innblásturinn kemur á ferðalögum
SIF JAKOBS
Tökum á nýju myndbandi banda-
rísku söngkonunnar Mary J. Blige er
nýlokið hér á landi. Leikstjóri er
hinn margverðlaunaði Hype Willi-
ams sem hefur tekið upp myndbönd
með öllum helstu röppurum heims,
þar á meðal Kanye West, Puff Daddy,
Busta Rhymes, Jay-Z og Kelis. Fékk
hann fyrir tveimur árum heiðurs-
verðlaun MTV fyrir framlag sitt til
tónlistarheimsins. „Hann er svaka-
lega virtur myndbandaleikstjóri og
hefur líka gert auglýsingar. Allir
blökkutónlistarmenn sem hafa eitt-
hvað látið að sér kveða hafa unnið
með honum,“ segir Einar Sveinn
Þórðarson hjá fyrirtækinu Pegasus,
sem annaðist framleiðsluna hér
heima.
Tökurnar fóru aðallega fram í kring-
um Öræfajökul og voru að mestu
teknar upp úr þyrlu. Blige sjálf kom
ekki hingað vegna myndbandsins og
verður hennar hluti tekinn upp síðar
meir úti í Bandaríkjunum. „Hann
var rosalega hrifinn og vill mögulega
gera meira hérna,“ segir Einar Sveinn
um Hype. Tökurnar stóðu yfir í tvo
daga en hugsanlegt er að fleiri
tökum verði bætt við á Grænlandi á
næstunni áður en myndbandið
verður fullklárað.
Mary J. Blige er ein vinsælasta R&B-
söngkona heims. Hún hefur gefið út
átta sólóplötur og hafa þær selst í
yfir fjörutíu milljónum eintaka.
- fb
Mary J. Blige í íslenskri náttúru
MARY J. BLIGE Nýjasta myndband Mary
J. Blige var að hluta til tekið upp hér á
landi.
4 • FÖSTUDAGUR 7. MARS 2008