Fréttablaðið - 19.03.2008, Qupperneq 2

2 19. mars 2008 MIÐVIKUDAGUR
Rakel, er þetta ekki Jónatan-
bursti?
„Hann er líka fínn fyrir Jesper og
Kasper.“
Rakel Húnfjörð verslunarstjóri notar
Jónatannbursta – tannbursta sem
myndar jónir og þarf því ekki á tannkremi
að halda.
noatun.is
LÉTTIR ÞÉR LÍFIÐ
Gott á miðvikudegi
Þú sparar 500 kr.
998 kr.kg.
Laxaflök beinhreinsuð
VINNUMARKAÐUR MATVÍS, Mat-
væla- og veitingafélag Íslands,
hefur tekið tvo Kínverja af fimm,
sem störfuðu á The Great Wall við
Vesturgötu 6-8 í Reykjavík, undir
sinn verndarvæng, útvegað þeim
atvinnu og húsnæði en talið er að
þeir hafi ekki fengið greitt sam-
kvæmt kjarasamningum og verið
látnir búa í risi fyrir ofan veit-
ingastaðinn í trássi við reglur.
Grunur leikur á að mansal hafi
tengst staðnum og hótanir verið
notaðar til að þagga niður í fólki.
Níels S. Olgeirsson, formaður
MATVÍS, segir að sótt hafi verið
um atvinnuleyfi fyrir fimm kín-
verska matreiðslumenn í fyrra.
Gögn um menntun hafi verið í
samræmi við kröfur en síðan hafi
heyrst að ekki hafi verið greitt
samkvæmt samningum.
„Við fórum með túlki á staðinn
og gerðum grein fyrir réttarstöðu
fólks og létum þýða fyrir okkur
launaseðla á kínversku til að sýna.
Tveir af þeim sem þarna voru fóru
þá að tala við okkur en annars
þorði fólkið ekkert að segja. Við
ræddum líka við eigendur og
framkvæmdastjóra og gerðum
þeim grein fyrir leikreglunum og
sögðum að launin ættu að fara inn
á banka en þeir þóttust hafa borg-
að fólkinu í peningum,“ segir
hann.
Níels óttast að Kínverjarnir hafi
komið til Íslands í gegnum man-
sal, þau hafi borgað fyrir að fá að
koma til landsins og þurfi að borga
tíund af launum sínum því annars
sé „haft í hótunum við fólkið. Þau
eiga fjölskyldur heima í Kína og
þora varla að hreyfa sig af ótta við
að eitthvað komi fyrir,“ segir Níels
og telur hugsanlegt að fyrirtækið,
eða milligöngumaður, fái allt upp í
10 milljónir fyrir kokkana fimm
auk fastagjalds af launum þeirra.
Yngvi Helgason er nýtekinn við
framkvæmdastjórastarfi á The
Great Wall en móðir hans, Helga
Halldórsdóttir, keypti nýverið hlut
í staðnum. Yngvi segir að tveir
Kínverjar sem hafi rekið staðinn
áður hafi farið af landi brott eftir
að móðir hans keypti. Þau viti ekk-
ert um fyrri mál staðarins.
Níels segir að Matvís hafi samið
við fyrri stjórnendur um að greiða
50-100 þúsund krónur á mánuði á
hvorn mann og setjast svo yfir
málið í apríl. Vinnumálastofnun
og heilbrigðiseftirlit Reykjavíkur
hafa fylgst með málinu. Útlend-
ingadeild lögreglunnar fékk vitn-
eskju um mál Kínverjanna í haust
en ekki gögn um meint mansal
fyrr en í vikunni enda er grunur
um það nýkominn upp.
ghs@frettabladid.is
Grunur um mansal
við Vesturgötuna
Matvís hefur tekið tvo Kínverja, sem unnu á The Great Wall á Vesturgötu, undir
sinn verndarvæng þar sem þeir hafa ekki fengið greitt samkvæmt samningum.
Grunur leikur á að Kínverjarnir hafi komið til landsins í gegnum mansal.
SKOÐAR MÁL KÍNVERSKRA KOKKA MATVÍS hefur haft mál tveggja af fimm kínversk-
um kokkum á veitingastaðnum The Great Wall til skoðunar en talið er að Kínverjarnir
hafi ekki fengið greidd laun samkvæmt kjarasamningum. FRÉTTABLAÐIÐ/VALLI
ÞÝSKALAND Svarti svanurinn í
Þýskalandi sem komst í heims-
fréttirnar fyrir tveimur árum
eftir að hafa fellt hug til hjólabáts
úr plasti sem er í laginu eins og
svanur hefur nú fundið raunveru-
lega ást.
Svanurinn sem þýskir fjölmiðl-
ar nefndu Svörtu-Petru varð fræg
ásamt hjólabátnum í dýragarði í
Berlín þar sem þau eyddu einum
vetri saman. Í gær bárust þær
gleðifréttir að Svarta-Petra væri
nú orðin ástfangin af hvítum
svani af holdi og blóði og væru
þau í óða önn að útbúa hreiður
saman. Sá galli er þó á gjöf
Njarðar að svartir og hvítir
svanir geta ekki fjölgað sér en
það setur Svarta-Petra ef til vill
ekki fyrir sig eftir ástarsamband
sitt við hjólabátinn. - kdk
Svarta-Petra finnur nýja ást:
Álft segir skilið
við hjólabát
ERU SKILIN AÐ SKIPTUM Svarta-Petra er
nú ástfangin af hvítum svani af holdi og
blóði. MYND/NORDICPHOTOS,AFP
LÖGREGLUMÁL Sex drengir á aldrinum fjórtán til
sautján ára hafa kært ökukennara í Reykjavík fyrir
kynferðislega misnotkun. Umræddur ökukennari er
ekki að störfum lengur, samkvæmt upplýsingum
Fréttablaðsins.
Kynferðisbrotadeild lögreglunnar á höfuðborgar-
svæðinu hefur rannsakað málið undanfarna mánuði
og er sú rannsókn á lokasprettinum. Friðrik Smári
Björgvinsson aðstoðaryfirlögregluþjónn staðfesti í
gær að rannsókn þessa máls væri á lokastigi og
færi innan tíðar til embættis ríkissaksóknara.
Samkvæmt upplýsingum Fréttablaðsins voru eldri
drengirnir að læra á bíl hjá manninum en hinir
yngri voru að læra á skellinöðru. Hið meinta athæfi
mannsins gagnvart drengjunum stóð yfir um
nokkurt skeið. Það var ekki fyrr en að einn drengur-
inn steig fram og greindi frá meintri misnotkun að
málið varð uppvíst og fleiri komu á eftir. Grunur
leikur á að maðurinn hafi brotið gróflega gegn að
minnsta kosti sumum drengjanna.
Að rannsókn lokinni verður málið sent til embætt-
is ríkissaksóknara þar sem tekin verður ákvörðun
um hvort maðurinn verður ákærður eður ei. - jss
Í UMFERÐINNI Drengirnir sem kærðu voru í ökukennslu hjá
manninum sem nú hefur látið af því starfi.
Lögregla rannsakar meinta kynferðislega misnotkun á 14 til 17 ára drengjum:
Ökukennari grunaður um
misnotkun á sex nemendum
UMHVERFISMÁL Um 1,8 milljónir
tonna eru eftir af losunarheimild-
um á koltvísýringi sem úthlutað var
síðastliðið haust. Norðurál sótti um
637 þúsund tonna kvóta fyrir álver í
Helguvík eða um þriðjung þess sem
afgangs er.
Í tilkynningu frá Norðuráli vilja
forráðamenn fyrirtækisins leiðrétta
þann misskilning að álver í Helgu-
vík hindri framgang annarra verk-
efna vegna losunarheimilda. „Við
viljum benda á að við erum bara að
taka þriðjung af þessum kvóta
þannig að við útilokum engin önnur
verkefni,“ segir Ágúst Hafberg,
framkvæmdastjóri viðskiptaþróun-
ar og samskipta hjá Norðuráli.
„Vandamálið er ekki heildarheim-
ildirnar fyrir 2008 til 2012. Heldur
ef farið verður fram úr meðaltals-
heimildinni á síðasta árinu,“ segir
Helgi Hjörvar, formaður umhverf-
isnefndar Alþingis. Segir hann við-
búið að heimildir Íslands minnki
eftir 2012 því iðnríkin þurfi að
draga úr sinni losun. „Það kann þess
vegna að vera að fyrsti áfangi í
Helguvík gæti, eftir þeim lögum
sem síðasta ríkisstjórn setti, fengið
heimildir fyrsta árið. En það er
alger óvissa um framhaldið.“
Ágúst segir áætlað að hefja rekst-
ur álvers í Helguvík seinni hluta árs
2010. Aðspurður hvað gerist eftir
2012 segir Ágúst: „Við vitum ekki
meira en aðrir um það en væntum
þess að íslensk stjórnvöld tryggi
hagsmuni Íslands í þessu máli.“
- ovd
Segja álver í Helguvík nýta um þriðjung þess sem eftir er af losunarheimildum:
Alger óvissa um framhaldið
HELGUVÍK Forráðamenn Norðuráls
áætla að hefja rekstur álvers í Helguvík
síðla árs 2010. MYND/ODDGEIR KARLSSON
SJÁVARÚTVEGUR Fimm loðnuskip
voru að veiðum út af Snæfellsnesi
í gær en engin ummerki sáust um
vestangöngu líkt og menn gerðu
sér vonir um í fyrradag þegar
áhöfnin á Sighvati Bjarnasyni VE
fékk um 400 tonn af loðnu sem
enn átti nokkuð eftir í hrygningu.
„Það er ekkert að hafa og
ekkert sem bendir til þess að það
sé nokkur loðna hérna,“ sagði
Guðmundur Sveinbjörnsson,
skipstjóri á Krossey SF. „Við
höfum ekki einu sinni kastað.“
Þorsteinn Sigurðsson, sviðs-
stjóri nytjastofnasviðs Hafrann-
sóknastofnunar, segir að þar séu
menn tilbúnir að fara í rann-
sóknaleiðangur ef eitthvað bóli á
nýjum torfum. - jse
Loðnuvertíðinni lokið:
Engin ný ganga
Þau eiga fjölskyldur
heima í Kína og þora
varla að hreyfa sig af ótta við að
eitthvað komi fyrir.
NÍELS SIGURÐUR OLGEIRSSON
FORMAÐUR MATVÍS
KJARAMÁL „Ég treysti stjórnend-
um Landspítalans fyllilega til að
taka ákvörðun um þetta mál,“
segir Guðlaugur Þór Þórðarson
heilbrigðisráð-
herra um deilur
sem skapast
hafa milli
geislafræðinga,
svæfingar- og
skurðhjúkrun-
arfræðinga við
stjórnendur
spítalans vegna
breytinga á
vaktafyrir-
komulagi sem tók gildi um
mánaðamót.
Stór hluti starfsmanna þessara
stétta hefur ákveðið að segja
starfi sínu lausu og ætlar að láta
af störfum frá og með 1. maí. Erla
Björk Birgisdóttir, trúnaðarmað-
ur skurðhjúkrunarfræðinga,
segir aðeins tvennt í stöðunni, að
semja eða setja lög á stéttirnar
sem skikka starfsmenn til að
vinna þrjá mánuði til viðbótar við
uppsagnarfrestinn. - kdk
Kjaradeila á Landspítalanum:
Ekkert þokast í
kjaraviðræðum
GUÐLAUGUR ÞÓR
ÞÓRÐARSON
Ók á hús á Akranesi
Ökumaður ók á hús sem hýsir
skemmtistaðinn Breiðina á Akranesi í
gærmorgun. Var hann fluttur á sjúkra-
húsið á Akranesi til aðhlynningar en
meiðsl hans voru minni háttar. Er
hann grunaður um akstur undir áhrif-
um fíkniefna. Málið er í rannsókn.
LÖGREGLUFRÉTTIR
HEILBRIGÐISMÁL Þrjár af hverjum
fjórum konum fæddu á Landspítal-
anum árið 2006 og langflestar
konur fæddu í heimabyggð. Þetta
kom fram í svari Guðlaugs Þórs
Þórðarsonar heilbrigðisráðherra
við fyrirspurn Birkis Jóns
Jónssonar, þingmanns Framsókn-
arflokksins.
3.999 börn fæddust á árinu,
3.038 á Landspítalanum, 308 á
sjúkrahúsinu á Akureyri, 238 á
sjúkrahúsinu Akranesi, 150 á
Suðurnesjum og 144 á Selfossi.
Annars staðar voru fæðingar mun
færri. Einnig kom fram að aðeins
500 konur fæddu utan þess svæðis
þar sem þær eiga lögheimili. - jse
Heilbrigðisráðherra:
Flestar fæða í
heimabyggð
SPURNING DAGSINS