Fréttablaðið - 19.03.2008, Síða 56

36 19. mars 2008 MIÐVIKUDAGUR
Nú þegar öll lögin 43 eru komin fram í Eurovision og búið er að draga
um röð þeirra í keppninni er tímabært að líta yfir stöðuna. Mikill
meirihluti laga er að vanda sunginn á ensku, 25 samtals. Fimm í viðbót
eru svo bæði sungin á ensku og einhverju öðru tungumáli. Ellefu
karlkyns sólósöngvarar verða í keppninni en að vanda er fjölmennasta
tegund fulltrúa kvenkyns sólósöngvarar, 21 talsins. Blandaðir sönghóp-
ar eru sex með Eurobandinu og restin er hljómsveitir.
Óvenjuhátt hlutfall „flipp“-atriða verður í boði í ár. Átta atriði verða
að teljast óvenjuleg og flippuð í ljósi sögunnar. Írar senda sem kunnugt
er rammfalskan en eiturhressan kalkúna (eða öllu heldur leikara með
kalkúnagrímu) og Bosnía og Hersegóvína sendir hálfgerðan óperu-
rokkara sem treður upp með lifandi hænu. Eystrasaltslöndin eru í
flippinu, Eistar senda grínhópinn Kreisiraadio sem syngur fíflalegt lag
á serbnesku, ensku og þýsku og Lettar senda eiturpoppaða sjóræn-
ingja. Búlgarar senda nokkuð töff lag með Deep Zone og Balthazar, þar
er „skratsað“ vilt og gallið á plötuspilara, og hinn spænski Rodolfo
Chikilicuatre er einskonar Eiríkur Fjalar með sniðugt lag. Finnar veðja
enn á þungarokkið og senda hina ógnvekjandi Teräsbetoni og í flipp-
deildina má líka setja belgísku þjóðlagasöngkonuna Ishtar sem syngur
á bullmáli.
folk@frettabladid.is
ALLS EKKERT FLIPP Eurobandið getur sungið og er ekki með neitt flipp.
Óvenjuhátt flipp-hlutfall
Magnús Scheving er ný-
kominn heim úr frægðarför
frá Mexíkó. Latibær er
nýjasta æðið hjá mexíkósku
þjóðinni og forseti landsins
er meðal dyggustu aðdá-
enda íslenska sjónvarps-
þáttarins.
„Þetta var gríðarlega stór stund
fyrir okkur og Latabæjar-verkefn-
ið,“ segir Magnús Scheving sem
skrifaði nýverið undir samning við
mexíkóska útibú WalMart-verslun-
arkeðjunnar um sölu á vörum
tengdum íslenska sjónvarpsþætt-
inum. WalMart í Mexíkó er stærsta
fyrirtæki landsins með yfir eina og
hálfa milljón starfsmanna. Forseti
Íslands, Ólafur Ragnar Grímsson,
og Þorgerður Katrín Gunnarsdótt-
ir menntamálaráðherra voru við-
stödd undirritunina auk fulltrúa
Útflutningsráðs Íslands. Samning-
urinn er ógnarstór og mun að öllum
líkindum opna fyrir Latabæ dyr
hjá bandaríska móðurfyrirtækinu
sem er eitt stærsta fyrirtæki
heims. Magnús staðfestir að samn-
ingaviðræður séu þegar í gangi við
Bandaríkjamennina og að þeir
samningar muni hugsanlega ganga
í gegn áður en langt um líður. Enda
hafi samningurinn við Mexíkó
verið hluti af enn stærra ferli í
samstarfinu við WalMart Inter-
national. Samningurinn við
WalMart í Mexíkó tryggir að vöru-
merki Latabæjar verður áberandi í
verslunum þess og munu meðal
annars ávextir og aðrar heilsusam-
legar vörur verða tengdar Latabæ
með einum eða öðrum hætti.
Þjóðhetja í landinu
Sannkallað Latabæjaræði ríkir í
Mexíkó. Svo mikill var hamagang-
urinn að Magnús skyggði á sjálfan
forsetann, Felipe Valderón, þegar
hann snæddi með honum morgun-
mat ásamt forseta Íslands og fríðu
föruneyti. Valderón vildi reyndar
sjálfur fá eiginhandaráritun hjá
Magnúsi enda börnin hans þrjú
miklir aðdáendur sjónvarpsþátt-
anna. Jafnframt seldist hraðar upp
á frumsýningu leiksýningarinnar
LazyTown Live í höfuðborginni
Mexiko City en á tónleika rokk-
hljómsveitarinnar U2. Guðjón
Svansson hjá Útflutningsráði
Íslands varð vitni að þessu og sagði
engu líkara en að Magnús væri
þjóðhetja í Mexíkó. „Þessu er eig-
inlega ekki hægt að lýsa með
orðum, slíkar eru vinsældirnar.
Allir þekktu Magnús og Latabæ,
vildu komast nálægt honum og tala
við hann,“ segir Guðjón.
Í Mexíkó voru þar að auki lögð
drög að samningi við stærsta
mjólkurfyrirtæki Mexíkó. Hann
gerir það að verkum að andlit
Magnúsar í hlutverki Sportacusar
mun prýða yfir hundruð milljón
mjólkurferna þar í landi á næstu
árum. Ferðalagið í Mexíkó gat
einnig af sér aðra samninga, svo
sem við stærsta sjónvarpsfyrir-
tæki landsins, TeleVisa.
Hljóp fyrir 25 milljónir punda
Samningurinn við TeleVisa trygg-
ir að sjónvarpsþættirnir verða í
opinni dagskrá en ekki á læstum
rásum eins og hefur verið. For-
svarsmenn TeleVisa hrifust svo
af Magnúsi og fyrirtækinu að
þeir vildu ólmir tryggja sér víð-
tækara samstarf; svo sem ferðir í
alla skóla landsins og heimsóknir
á spítala sem fyrirtækið styrkir í
gegnum góðgerðastofnun sína.
Magnús tók síðan þátt í mílu-
hlaupi á vegum BBC til styrktar
góðu málefni á sunnudaginn, og
söfnuðust í kringum 25 milljónir
punda, sjö milljónum meira en í
fyrra. Forsvarsmenn BBC voru
svo ánægðir með árangurinn að
þeir hafa þegar boðið Magnúsi að
leiða hlaupið aftur árið 2012
þegar það verður heimsviðburð-
ur og í tengslum við Ólympíuleik-
ana í London. Magnús tekur þó
skýrt fram að toppnum sé enn
ekki náð, fyrirtækið eigi enn eftir
að hasla sér völl á stórum mörk-
uðum á borð við Asíu, Frakkland
og Ítalíu. Það sé markmið fyrir-
tækisins að ná hæstu hæðum árið
2012. „Menn hafa verið að hvetja
mig til að fara hraðar en mér
finnst Latibær vera á sínum
hraða.“ - fgg
Magnúsar Scheving-æði í Mexíkó
FÓR Á KOSTUM Magnús í hlutverki Sportacusar á spítala fyrir fjölfötluð börn í Mexíkó.
Þótt hreyfigetan hafi hamlað þeim að leika kúnstir Magnúsar eftir þá duldist engum
að krafturinn og viljinn var fyrir hendi.
„Já, ég er núna staddur á Englandi.
Nánar tiltekið í London en er á leið til
Manchester,“ segir Geir Ólafs söngv-
ari.
Geir kom við sögu í einu helsta
fréttamáli síðustu viku, væringum milli
Bubba Morthens og Bigga í Maus, og
leggur á það áherslu að hann haldi ekki
með Bigga fremur en Bubba. Þótt hann
hafi verið settur í ímyndaða hljóm-
sveit, Bandið hans Bigga. Það eina sem
hann vill er að menn elski friðinn og
séu ekki að rífast eins og krakkar.
Geir er á Englandi í boði auðkýf-
ingsins Peter Harway sem býður Geir
sérstaklega til að koma með sér á leik
Manchester United og Bolton sem er í
dag. „Ég er mikill áhugamaður um
fótbolta. Og er Manchester United-
maður,“ segir Geir og hlakkaði mjög til
að sjá leikinn þegar Fréttablaðið ræddi
við hann í gær. Vinátta tókst með þeim
Geir og Peter þegar þeir hittust á
Tenerife fyrir tveimur árum. Þá söng
Geir fyrir hann og konu Peters „I left
my heart in San Francisco“ og hefur æ
síðan átt stað í hjarta þeirra hjóna.
„Hann treystir engum til að syngja
þetta öðrum en mér. Ég verð hérna í
nokkra daga. Kem á fimmtudag heim
aftur. Enda er nóg að gera hjá karlin-
um. Ný plata í bígerð og mikil stemn-
ing.“ -jbg
Geiri Ólafs í vellystingum á Englandi
GEIR ÓLAFSSON Vinur hans, bresk-
ur auðkýfingur, bauð honum á leik
Manchester United og Bolton – enda
Geir ManU-maður.
Rapparinn og tískumógúllinn
Sean „Diddy“ Combs hefur vísað
til föðurhúsanna frétt á heima-
síðu dagblaðsins The Los Angeles
Times um að félagar hans hafi
staðið fyrir skotárás á rapparann
Tupac Shakur árið 1994 og að
Combs hafi vitað af árásinni
fyrirfram.
„Þessi frétt er lygi,“ sagði
Combs, sem áður kallaði sig Puff
Daddy. „Hún er fáránleg og
algjörlega röng. Hvorki Notori-
ous B.I.G. né ég vissum um
árásina fyrirfram, meðan á henni
stóð eða eftir að hún átti sér stað.
Ég er mjög undrandi yfir því að
The Los Angeles Times sé svo
ábyrgðarlaust að birta slíkan
rógburð.“
Árásin, sem átti sér stað fyrir
utan hljóðver í New York, leiddi
til deilna á milli bandarískra
austur- og vesturstrandarappara
sem urðu til þess að bæði Shakur
og B.I.G. voru myrtir.
Combs neit-
ar aðild
SEAN „DIDDY“ COMBS Rapparinn og
tískumógúllinn segist ekki hafa staðið
fyrir árás á Tupac Shakur.
> SKOTIN Í COWELL
American Idol-dómarinn Paula
Abdul segir það erfitt fyrir sig
að vinna með Simon Cowell
vegna þess að hún sé pínulít-
ið skotin í honum. „Kannski
er ég skotin í honum í und-
irmeðvitundinni,“ segir Paula
létt á því.
66 DAGAR TIL STEFNU