Fréttablaðið - 12.04.2008, Page 25

Nánari upplýsingar veitir Arngrímur Blöndahl
í síma 595 4400 / 822 4401 - arngrimur@eykt.is
LAUGARDAGUR 12. apríl 2008 25
hrekklaus
og engin
illska í
honum. Bara
einhverjir
bannsettir
dyntir.
Kannski er
hann með
athyglisbrest
því að hann
virtist eiga
soldið erfitt
með að ein- beita sér
að því sem hann átti
að gera.
Þegar við komum úr reiðtúrn-
um góndi klárinn á mig, eins og
hann væri að furða sig á því að ég
skyldi ekki troða upp í hann heil-
um rúgbrauðshleif í þakklætis-
skyni.
Ég gaf honum nokkra gras-
köggla og hvíslaði að honum að
hann yrði að standa sig betur
næst.
ÞRIÐJUDAGUR, 8. APRÍL.
Graskögglar handa
stjórnmálamönnum
Hélt áfram að streða við klárinn.
Hann er svo skrambi fallegur og
hæfileikaríkur að það pirrar mig
að ég skuli ekki geta fengið hann
til að gleyma allri sérvisku og
leyfa hæfileikunum að njóta sín.
Ég hef soldið verið að skemmta
mér við að blogga á Eyjunni, það
er að segja eyjan.is. Þar get ég
rausað um pólitík og hellt úr skál-
um reiði minnar yfir spillingu,
hégóma, heimsku og hroka.
Mér finnst það vera borgaraleg
skylda mín að tjá skoðanir mínar á
því hvernig landinu okkar er
stjórnað. Hvort skoðanirnar eru
réttar eða rangar er ekki aðalat-
riði heldur hitt að tómlæti gagn-
vart störfum stjórnmálamanna er
hættulegt fyrir lýðræðið.
Stjórnmálamenn þurfa aðhald
og eftirlit eins og aðrir starfsmenn
hérna í víngarðinum. Þeir eru
hrekkjóttari en brúni klárinn að
því leyti að þeir bíða ekki eftir því
að ég fari í vasa minn eftir ein-
hverju til að umbuna þeim með,
heldur sækja þeir sér verðlaunin
sjálfir í vasa mína hvort sem mér
líkar betur eða verr.
MIÐVIKUDAGUR, 9. APRÍL.
Að kjafta sig undan
ábyrgð
Í dag varð ekki undan því vikist
lengur að taka ákvörðun um hest-
inn sem ég hef verið að prófa að
undanförnu.
Þetta er ótrúlega flottur klár en
of fjörugur fyrir mig, nema mér
fari fram og honum aftur.
Hann fer því aftur í sína heima-
sveit og bíður eftir að yngri og
betri reiðmaður en ég taki hann að
sér.
Núna loksins stendur víst til að
gera eitthvað rótttækt til að koma í
veg fyrir fleiri slys vegna ófull-
nægjandi merkinga á Reykjanes-
brautinni.
Eftir síðasta slys sagði blaðafull-
trúi Vegagerðarinnar: „Það er auð-
velt að vera vitur eftir á.“
Hvaða dónaskapur er þetta?
Eftir á – hvað? Hinn 21. mars sl.
skrifaði ég um heimferð mína frá
Keflavíkurflugvelli:
„...mér rennur kalt vatn milli
skinns og hörunds þegar ég hugsa
til þess að drengirnir (mínir)
skyldu leggja sig í lífshættu til að
taka af mér það ómak að ferðast
með rútubíl síðasta áfangann.
Þótt varlega væri ekið var öku-
ferðin frá Keflavíkurflugvelli til
Reykjavíkur beinlínis lífshættuleg
í náttmykrinu vegna furðulegra
umferð-
arhindrana og
enn furðulegri ljósabúnaðar sem
komið hefur verið upp á nokkrum
stöðum á leiðinni eftir að einhver
verktaki fór á hausinn.“
Ég er ekki sá eini sem hefur bent
á þessa slysagildru – og þær ábend-
ingar komu fyrirfram, ekki eftir á
– með allri virðingu fyrir
blaðafullatrúa Vega-
gerðarinnar.
Samgönguráð-
herra sagði eitthvað
í þá veru að orsök
slysa væri of hrað-
ur akstur. Það má til
sanns vegar færa –
en þær slysagildrur
sem mest hefur verið
kvartað undan á Reykja-
nesbrautinni eru af
manna völdum. Og frá
þeirri ábyrgð geta menn ekki
kjaftað sig. Hvort og hvernig þeir
axla hana kemur svo í ljós.
FIMMTUDAGUR, 10. APRÍL.
Verðbólguhitastig á vor-
degi
Í dag er tíundi apríl og það var
tíu stiga hiti í Seltjarnarneslaug-
inni og verðbólgan komin í um
tíu prósent. Vonandi eltir verð-
bólguprósentan ekki hitastigið í
sumar.
Ég er sammála Davíð Odds-
syni (ef ég hef þá skilið hann
rétt) um að ríkið á ekki að skaffa
bönkunum fallhlífar. Ef ég mætti
ráða byðist ríkið til að kaupa
bankana aftur með skuldum og
eignum og listaverkasöfnum
fyrir eina evru stykkið. Tilboðið
gæti staðið þangað til á mánu-
daginn. Þeir bankar sem höfnuðu
því þyrftu ekki að vænta frekari
aðstoðar frá ríkissjóði.
En hvað sem verðbólgunni
líður er það notalegt að hitastigið
skuli smám saman fara hækk-
andi. Kannski kemur einhvern
tímann sumar á landinu bláa.