Fréttablaðið - 12.04.2008, Blaðsíða 76

40 12. apríl 2008 LAUGARDAGUR
■ Á uppleið
Hnakkar. Merzedes Club sýnir að
það sem byrjaði sem djók er í fúlustu
alvöru það sem á upp á pallborðið
hjá almúganum. Búist við því að
Rebekka og Gillz verði helstu fyrir-
myndir átta ára krakka. Skerí.
Sólin. Vorið kemur grænt og hlýtt og
hægt. Fjólur farnar að skjóta upp koll-
inum og börn sjást að leik í peysum
einum fata fram eftir kvöldi.
Glamúr. Dragið fram háu hælana
og blingbling sólgleraugun og spókið
ykkur á Laugaveginum. Munið að
Reykjavík á að heita hipp og kúl.
Karlmenn í kúbuhælum. Rokka-
billígaurar og meira að segja Frakk-
landsforseti farnir að ganga í því sem
kallast kúbverskir hælar. Samt meira
töff ef menn eru
hávaxnir fyrir.
Neðanjarðarbyrgi. Auðmenn
Íslands eru farnir að grafa mold-
vörpugöng, vínkjallara og afþrey-
ingarherbergi undir villurnar sínar í
miðbænum.
■ Á niðurleið
Löggan.
Klappar
vörubílstjórum
kumpánlega á
axlir á meðan
þeir loka helstu
stofnæðum
borgarinnar og
stofna borg-
urum í lífshættu. En nokkrir horaðir
hippar með grænt skyr eru snúnir
niður og hent í steininn.
Indítónlist. Aðeins einn tónleika-
staður eftir í bænum og Monitor að
verða meinstrím? Jaðarrokkarar mega
liggja í þunglyndi með gítarana í
niðurníddum miðbænum á meðan
glimmerhnakkar bera bringurnar í
Smáralind og Bláfjöllum.
Munaður í
matarkaupum.
Ferskar kryddjurtir
í potti og dýrindis
ólífuolíur falla í
skuggann fyrir
smjöri, Aromat og
heimatilbúnum
pizzum á kreppu-
tímum.
Sambandsviðtöl.
Íslenskar „stjörnur“
rekja tilfinningar sínar,
hjónabönd, óléttur og
barneignir ásamt fótó-
sjoppuðum myndum.
Afsakið meðan við
ælum.
Sumarlitir. Nú er sumartískan að
detta inn í búðirnar og við mótmæl-
um öllum pastellitum undir eins.
Gera nákvæmlega ekkert fyrir íslenskt
litarhaft skriðið undan löngum vetri.
MÆLISTIKAN
MEÐ FRAKKLAND Á HEILANUM Rósa Ísfeld hlustar á Edith Piaf og hefur sungið á frönsku með Sometime. FRÉTTABLAÐIÐ/ ANTON
Hvenær varstu hamingjusöm-
ust? Ég er mjög hamingjusöm
yfir mörgu. Yfirleitt eru þessar
stundir eitthvað sem tengist fjöl-
skyldu eða vinum, þegar ég
kynntist tveim bestu vinum
mínum og að finna ástina. En svo
er ég líka mjög hamingjusöm
þegar ég syng.
Ef þú værir ekki tónlistarmað-
ur, hvað myndirðu vera? Mig
langaði alltaf til að vera stjörnu-
fræðingur eða flugmaður.
Hvað er það dýrasta sem þú
hefur nokkurn tímann keypt
þér? Held að það sé tölvan mín.
Hvað er það versta sem nokk-
ur hefur sagt við þig? Ég var
einu sinni að rífast við mann sem
bjó fyrir neðan mig og hann kall-
aði mig prímadonnu. Það var
mjög neikvætt og situr ennþá í
mér, mér fannst þetta mikil
móðgun.
Ef þú byggir ekki í Reykjavík,
hvar myndirðu vilja búa? Frakk-
landi eða Marokkó.
Draumahelgin þín í einni setn-
ingu? Ætli það væri ekki að fara
með kærastanum til Parísar og
sýna honum uppáhaldsstaðina
og haldast í hendur í Jardins de
Luxembourg.
Textarnir þínir fjalla mikið
um ástina. Hver er stærsta ástin
í lífi þinu? Lífið og guðirnir en
svo er líka Finnur.
Hver er eftirminnilegasti
kossinn? Það er pínu leyndó en
voða rómó.
Hvert er versta starf sem þú
hefur nokkurn tímann gegnt? Ég
verð að segja þessi eina vakt
sem ég tók sem barþjónn á Sólon
fyrir löngu, sá sem var yfir vakt-
inni kenndi mér með því að
skammast yfir öllu. Þetta voru
lengstu þrír tímar ævi minnar.
Mér var boðin vinnan en ég
afþakkaði.
Uppáhaldsstaðurinn þinn á
jörðinni? Held það sé bara í
Atlas-fjöllunum í Marokkó eða
Þórsmörk. Svona svipuð mögnuð
tilfinning sem hellist yfir mann
á þessum stöðum.
Hvers konar tónlist hefur mest
áhrif á þig og hvaða lag ertu að
hlusta á mest í dag? Ég hef alltaf
verið mikið fyrir djass og svo
elska ég sálartónlist, Ray Charl-
es og þannig fíling. En undanfar-
ið er ég búin að vera með Porti-
shead 3 á „repeat“ á fóninum.
Var búin að bíða eftir henni og
allir væntingar mínar stóðust.
En núna er Piaf á fóninum og
eflaust hefur hún eitthvað með
það að gera að ég sé með Frakk-
land á heilanum.
Ef þú ættir tímavél, hvert
myndirðu fara og af hverju?
Ætli ég myndi ekki fara á tón-
leika með Beethoven. Sjá hann
flytja Tunglskinssónötuna og
kannski þriðju sinfóníuna. Það
væri eflaust mögnuð upplifun og
ég yrði að muna að taka með mér
svona fallegan kjól eins og döm-
urnar voru í á þeim tíma.
Er eitthvað sem heldur fyrri
þér vöku á nóttunni? Bara haus-
inn á mér sem virðist endalaust
hugsa. Og stundum draugar.
Ef þú gætir breytt einhverju í
fortíð þinni, hvað myndi það
vera? Ég myndi ekki vilja breyta
neinu. Ég tel að allt sem hefur
komið fyrir mig hafi verið
reynsla sem mér hefur verið
ætlað að ganga í gegnum og
gerir mig að þeirri manneskju
sem ég er í dag.
Hvenær fékkstu síðast hlát-
urs kast? Ætli það hafi ekki verið
með Ása vini mínum um daginn,
hann er fyndnastur.
Áttu þér einhverja leynda
nautn? Mesta nautn mín er að
liggja í rúminu og ég er mikið
svefndýr en ég held að flestir
sem þekkja mig viti það.
Uppáhaldsbókin þessa stund-
ina? Ég er að lesa Bíbí og hún er
ótrúleg.
Hvaða núlifandi manneskju
lítur þú mest upp til? Ég man
ekki til þess að ég eigi núlifandi
goð en vinir mínir í kringum mig
eru að gera frábæra hluti. Það er
gott að vera í kringum skapandi
fólk, það er mjög hvetjandi.
Uppáhaldsorðið þitt? Ætli það
sé ekki bara supercalifragilistic-
expialidocius úr Mary Poppins.
Ég hef haldið upp á það síðan ég
var barn.
Hvað er næst á döfinni hjá
Sometime? Við erum að spila í
kvöld á Organ. Svo ætlum við að
rúlla út fyrir landsteinana í maí
og spila á The Great Escape-
hátíðinni í Brighton og svo á Jol-
ene bar í Köben.
Hverjir eru framtíðardraum-
arnir? Að geta lifað á tónlistinni
og ferðast um allan heim og
sungið fyrir sem flesta.
Ég er engin prímadonna
Hljómsveitin Sometime hefur notið mikilla vinsælda undanfarið og í kvöld stígur hún á svið ásamt
Bloodgroup og Yunioshi á Organ. Anna Margrét Björnsson tók söngkonuna Rósu Ísfeld í þriðju gráðu
yfirheyrslu.
ÞRIÐJA GRÁÐAN
FULLT NAFN: Rósa Birgitta
Ísfeld
STARFSFERILL Í HNOTSKURN:
Söngkona en ég tek mér ýmis-
legt annað fyrir hendur til að
borga reikningana.
FÆÐINGARÁR: 1979 og afi
minn sagði mér að Íranskeisari
hafi verið hengdur þá.