Fréttablaðið - 12.04.2008, Blaðsíða 86
50 12. apríl 2008 LAUGARDAGUR
menning@frettabladid.is
Tónlistarfélag Ísafjarðar og Tónlistarskóli
Ísafjarðar standa fyrir einstaklega skemmti-
legum tónleikum í Hömrum í dag klukkan
15. Í tilefni af sextíu ára afmæli félagsins og
skólans á þessu ári verður að þessu sinni
boðið upp á fjölskyldutónleika þar sem flutt
verða þekkt tónverk í máli og myndum auk
tóna.
Á efnisskránni eru tvö verk. Það fyrra
nefnist Myndir á sýningu og er eftir rússneska
tónskáldið Modest Mussorgskí. Tónverk-
ið samanstendur af köflum sem túlka tíu
málverk eftir listmálarann Victor Hartmann.
Seinna verkið sem flutt verður á tónleikunum
er hið sívinsæla Pétur og úlfurinn eftir Sergei
Prokofiev, samdi bæði texta og tónlist þessa
fallega tónverks á aðeins einni viku árið 1936
í þeim tilgangi að kenna börnum að skilja og
njóta tónlistar. Í Pétri og úlfinum er sögð saga
af litlum dreng, afa hans, öndinni, úlfinum og
fleirum og er sagan sögð með hljóðfærum
auk sögumanns. Verkið hefur notið mikilla
vinsælda æ síðan og hefur verið á verkefna-
skrám hljómsveita um allan heim. Þess má til
gamans geta að nýlega fékk teiknimynd gerð
eftir Pétri og úlfinum Óskarsverðlaun í flokki
stuttra teiknimynda.
Sögumaður á tónleikunum er leikarinn
Sigurþór Albert Heimisson, en aðrir flytj-
endur eru hljóðfæraleikararnir Pamela De
Sensi þverflautuleikari, Eydís Lára Franzdóttir
óbóleikari, Rúnar Óskarsson klarínettuleikari,
Kristín Mjöll Jakobsdóttir fagottleikari og
Emil Friðfinnsson hornleikari. Til að dýpka
upplifun tónleikagesta verður myndum sem
tengjast tónverkunum varpað á tjald meðan
á flutningi stendur.
Tónleikarnir standa yfir í um klukkutíma og
er aðgangseyrir 1.500 kr. en 800 kr. fyrir börn
yngri en 16 ára. - vþ
Tónlist fyrir vestan
GLEÐJA VESTFIRSK EYRU Hljóðfæraleikararnir
sem koma fram á Ísafirði í dag.
Á miðvikudag var greint frá því á
leikhúsvefnum enska að breski
háðfuglinn Ben Elton væri ráðinn
til að skrifa söguþráð fyrir Óperu-
drauginn – seinni hluta – sem
Andrew Lloyd Webber er nú með í
undirbúningi. Þeir unnu saman
við söngleikinn The Beautiful
Game. Þá hafði Elton getið sér
gott orð fyrir svokallaðan sögu-
þráð í söngsýningarnar We Will
Rock You og Tonight’s The Night.
Elton hefur þegar sett saman
söguþráðinn en Glen Slater sem
samdi texta fyrir Litlu hafmeyj-
una mun ráðinn í ljóðasmíðina.
Jack O’Brien, leikstjóri Hairspray,
mun setja seinni draugaganginn á
svið.
Andrew Lloyd Webber samdi
Óperudrauginn í kappi við banda-
ríska tónskáldið Maury Yeston og
hafði sigur af hólmi. Hann setti
verkið upp í London til að byrja
með og leikstýrði hinn virti Har-
old Prince sýningunni á Haymark-
et. Þar söng Garðar Cortes um
sinn. Um tíma sóttust íslenskir
leikhúsmenn eftir að fá verkið til
sýningar í Þjóðleikhúsinu en ekki
varð úr því.
The Phantom of the Opera er
vinsælasti söngleikur sögunnar:
tekjur af honum um heiminn allan
hafa náð 3,2 milljörðum Banda-
ríkjadala. Minna má á að vinsæl-
asta kvikmynd allra tíma, Titanic,
aflaði framleiðendum sínum tekna
um heim allan sem nam 1.2 millj-
örðum Bandaríkjadala. Óperu-
draugurinn hefur gengið lengst
allra verka á Broadway, skaust
fram úr Cats í janúar 2006 og
hefur nú verið leikinn þar í meira
en tvo áratugi. Frumsýning var
þann 26. janúar 1988. Sýningar
eru nú orðnar nærri 8.400. Kvik-
mynd eftir verkinu náði aftur litl-
um vinsældum.
Ekki er ljóst hvar Óperudraug-
urinn 2 verður frumsýndur en
þetta er í fyrsta sinn í sögu söng-
leikja sem sem framhaldsverk er
unnið. Það þekkist aftur í systur
söngleiksins, óperunni, en þekkt-
asta framhaldssagan í þeim geira
er Niflungahringurinn. - pbb
Draugur snýr aftur
LEIKLIST Andrew Lloyd Webber,
höfundur söngleikja, snýr sér aftur að
Óperudraugnum.
Þeir sem hafa áhuga á að skyggn-
ast betur inn í þann heim sem
birtist í ljósmyndasýningunni Hið
breiða holt, sem nú stendur yfir í
menningarmiðstöðinni Gerðu-
bergi, ættu að taka morgundag-
inn frá þar sem sýningarstjórinn
Berglind Jóna Hlynsdóttir býður
upp á leiðsögn á morgun kl. 15. Að
auki taka þau Einar Falur Ingólfs-
son ljósmyndari og Sigrún Sig-
urðardóttir, menningarfræðingur
og kennari við LHÍ, virkan þátt í
spjalli um sýninguna og flytja sitt
erindið hvort.
Á sýningunni gefur að líta
myndir sem unnar eru í sam-
starfi myndlistarmanns, ungl-
inga og eldri borgara í Breiðholti.
Unglingur myndaði ömmu sína
eða afa og öfugt, en sýningar-
stjórinn var síðan hið utanaðkom-
andi auga sem myndaði þau
saman.
Titill sýningarinnar vísar til
þess breiða bils eða holts sem oft
er á milli kynslóðanna. Hið breiða
holt vísar einnig til þess sem
hefur breitt bak og rúm fyrir
alla. - vþ
Leiðsögn um ljósmyndir
KYNSLÓÐIR MÆTAST Þessa mynd má sjá á sýningunni Hið breiða holt.
Kl. 16
Kvikmyndasafn Íslands sýnir í dag
kl. 16 sovésku kvikmyndina Hamlet
frá árinu 1964 í leikstjórn Grigori
Kozintsev. Kvikmyndin byggir á
samnefndu leikriti eftir William
Shakespeare sem oft hefur verið
kvikmyndað. Þessi mynd Kozintsevs
þykir þó oft, að öðrum Hamletmynd-
um ólöstuðum, fremst meðal
jafningja. Sýningin fer fram í
Bæjarbíói í Hafnarfirði og er
miðaverð 500 kr.
Franski farsinn Fló á skinni hefur gengið
fyrir fullu húsi hjá Leikfélagi Akureyrar og
stefnir í að sýningar verði sjötíu í lok apríl.
Þá flyst Flóin með manni og mús suður yfir
heiðar og kemur upp í Borgarleikhúsinu í
haust.
Leikfélag Reykjavíkur yfirtekur Flóna og hefur sýn-
ingar 5. september. Fjöldi áskorana barst LA um að
flytja sýninguna suður og var þess gætt við hönnun
leikmyndar, og þegar Magnús Geir Þórðarson, leik-
hússtjóri LA, tók við leikhússtjórastarfi hjá Leik-
félagi Reykjavíkur lá beint við að kýla á flutning-
inn. Þetta verður þriðja sviðsetningin sem ráðist er
í á hinum sígilda farsa Feydeau en hann var fyrst
settur upp í Iðnó í tíð Vigdísar Finnbogadóttur og
naut þá gífurlegra vinsælda. Sáu yfir fimmtíu þús-
und áhorfendur þá sviðsetningu á fjórum leikárum.
Aftur kom Flóin á svið á öðru ári Leikfélagsins í
Borgarleikhúsinu og sáu hana þá yfir þrjátíu þúsund
leikhúsgestir.
Leiksýningin Fló á skinni var frumsýnd 8. febrú-
ar síðastliðinn hjá LA. Áhorfendur og gagnrýnendur
hafa keppst um að lofa sýninguna og hefur hún notið
gríðarlegra vinsælda, verið sýnd sex sinnum í viku
og troðfullt hefur verið á allar sýningar. Í lok apríl
verða um sjötíu sýningar afstaðnar og Flóin orðin
aðsóknarmesta sýning á Akureyri frá upphafi.
Í samningi sem gerður hefur verið milli LA og LR
yfirtekur Borgarleikhúsið sýninguna með öllu og
stendur fyrir sýningarhaldi í Reykjavík. Með samn-
ingnum er tryggt að leikhúsgestum í Reykjavík
standi þessi vinsæla sýning til boða og hann trygg-
ir LA umtalsverðar tekjur á næsta leikári. Vonast
leikhúsin bæði til að þessi samningur sé upphafið
af nánu og góðu samstarfi LA og LR á næstu árum.
Vinsælasta sýning LA frá upphafi að meðtöldum
sýningum í Reykjavík er Fullkomið brúðkaup (2005-
2006) en spennandi verður að sjá hvort Fló á skinni
slái aðsóknarmet með sýningum í Reykjavík. Miða-
sala hefst í Borgarleikhúsinu í lok ágúst en hægt er
að skrá sig á póstlista á www.borgarleikhus.is til að
fá áminningu þegar sala hefst.
Er það rétt að í annálaðri fegurð Eyjafjarðar sé
sveitasetrið Sveinbjarnargreiði griðastaður elsk-
enda á laun? Hefur Saga Ringsted ástæðu til að
gruna eiginmanninn um græsku eða hefur hún sjálf
eitthvað að fela? Hver var konan sem bað forstjór-
ann um blint stefnumót? Hélt Elli við konu Jóhann-
esar eða hélt hann bara upp á hana? Er Helmut
Edelstein manískur kvennamaður eða bara þýskur
ferðamaður?
Gísli Rúnar á heiðurinn af nýrri leikgerð á verki
G. Feydeau en María Sigurðardóttir leikstýrði glæsi-
legum hópi leikara. Sprengjuhöllin samdi tónlistina,
Björn Bergsteinn lýsti og Snorri Freyr Hilmarsson
hannaði leikmynd og búninga.
pbb@frettabladid.is
Flóin flutt suður í haust
LEIKLIST Misskilningur á misskilning ofan. Ein uppákoman í
hinni vinsælu sviðsetningu LA.