Fréttablaðið - 12.04.2008, Blaðsíða 46

● heimili&hönnun
„Stóll þarf vitaskuld að vera þeim
gæðum gæddur að á honum sé gott
að sitja, en svo virðist sem hægt sé
að lesa persónueinkenni hönnuða í
stóla þeirra því stólar bera sterk-
ari einkenni þeirra en önnur hús-
gögn. Stólum má því vel líkja við
skúlptúra,“ segir Pétur B. Lúthers-
son, húsgagna- og innanhúsarki-
tekt, sem á næstu dögum fylgir
nýjasta stól sínum, Diplo, á heims-
markað.
„Diplo er nýstárlegur að mörgu
leyti. Skel hans er formbeygð og
áhugaverð í formi, og inn í hana
koma eins og spékoppar þar sem
seta og bak koma saman. Það gerir
skelina sterkari en ella því ann-
ars konar kraftur verður á álag-
inu. Þá er setan þykkri og þynn-
ist upp í bakið, sem bæði fram-
kallar óvenjulegt útlit og léttir
stólinn, en það er gert með nýrri
tækni þannig að spónn er heflað-
ur þynnri í annan endann,“ segir
Pétur, en þess má geta að smíði
móta á skel sem þessari er aðeins
á færi örfárra aðila í heiminum að
vinna.
„Sköpun Diplo hefur tekið
mig á annað ár, en stólinn teikn-
aði ég fyrir Scan Sörlie A/S í Nor-
egi. Hann er fjölnota og ætlaður
fyrir sali og ráðstefnur, auk þess
að vera til heimilisbrúks. Stólnum
má stafla upp og tengja saman á
auðveldan hátt,“ segir Pétur, sem
hannað hefur fjórar útgáfur af
Diplo, þar á meðal armstóla, stóla
á fjórum fótum, sleðagrind og með
útbúnaði fyrir skrifplötur. Viðar-
tegundir eru margar og einnig er
hægt að fá bólstrun á setu og bak.
„Þeir skipta tugum, stólarn-
ir sem ég hef hannað, en í suma
þeirra er meira lagt en aðra. Diplo
er geysilega vandaður, úr úrvals-
málmi og falleg vinnan á honum.
Norðmenn hugsa hann fyrir
heimsmarkað, enda stóllinn af
þeim gæðum að geta gengið hvar
sem er, og hönnunin stendur fyrir
sínu.“
Diplo kemur á markað í maí.
Söluaðili á Íslandi er E.G. Skrif-
stofuhúsgögn við Síðumúla. - þlg
Diplómatískur skúlptúr
● Nýjasti stóll húsgagnahönnuðarins Péturs B. Lútherssonar heitir Diplo. Hann er háttvís, lipur og ráðkænn, eins og diplóm-
ötum sæmir, framleiddur af Norðmönnum og fer beint á heimsmarkað.
Pétur B. Lúthersson, húsgagna- og innanhússarkitekt, á fallegu heimili sínu með
tvær mismunandi útgáfur stólsins Diplo. FRÉTTABLAÐIÐ/VALLI
Séð á bak Diplo, hvernig bak og sessa
mynda spékopp um miðjuna, en bak
stólsins er þynnra en setan. MYND/ÍMYND
Hollendingar eru þekktir fyrir óhefðbundna postulínsgerð
sína og er hollenski hönnuðurinn
Monique Gossens engin undantekn-
ing í þeim efnum. Það er gaman að
sjá hvernig hún leyfir munstrinu í
blúndudúknum að endurtaka sig
í hvítu hnífapörunum. Hún hefur
einnig búið til óhefðbundnar skálar
og annan borðbúnað þar sem hún
leikur sér að því að snúa hlutföllum á
hvolf. Nánari upplýsingar um hönnun
Gossens má finna á slóðinni: http://
www.flickr.com/photos/87541656@
N00/sets/292244/
Hollenskur
borðbúnaður
12. APRÍL 2008 LAUGARDAGUR4