Fréttablaðið - 12.04.2008, Blaðsíða 52
12. APRÍL 2008 LAUGARDAGUR
Bergsteinn Jónsson, verkefnastjóri skóla og
ungmennastarfs UNICEF á Íslandi, vinnur að
því að kynna hjálparstarf fyrir börnum.
Þegar umræða berst að hjálparstarfi virðist sjald-
an koma til tals hvernig ungmenni og sérstaklega
börn geti látið til sín taka. Bergsteinn Jónsson,
verkefnastjóri skóla og ungmennastarfs UNICEF
á Íslandi, hefur unnið að því að kynna hjálparstarf
fyrir börnum til að sýna hvernig þau geta ekki
síður en fullorðnir látið gott af sér leiða.
„Eitt af því sem við hjá UNICEF gerum fyrir
börn og unglinga er að koma á fót UNICEF-hreyf-
ingu, sem er nýtt verkefni unnið út frá finnskri
fyrirmynd. Við útvegum þá skólum og leikskól-
um fræðsluefni og aðstoðum við skipulagningu
skemmtidags, þar sem blandað er saman fræðslu,
hreyfingu og söfnun. Krakkarnir geta þá safn-
að áheitum og skólarnir standa fyrir íþróttadegi,“
útskýrir Bergsteinn og bætir við að þrír skólar í
Reykjavík hafi tekið þátt í verkefninu í fyrra með
góðum árangri.
„Við viljum hvetja sveitarfélög jafnt sem skóla til
að skipuleggja einhverjar uppákomur og aðstoðum
þá sem vilja. Mikilvægt er að allir geti verið með,
hvort sem krakkarnir safna áheitum eða ekki.“
Að sögn Bergsteins er meginmarkmiðið með
verkefninu vitundarvakning og samtvinnun hreyf-
ingar og fræðslu. „Með því að taka þátt í deginum,
ærslast og hlaupa, sýna nemendur og þátttakendur
samstöðu sína með þurfandi börnum,“ segir hann
og er ánægður með hversu margir eru reiðubún-
ir að sýna vilja í verki. Sem dæmi um það nefnir
Bergsteinn leikskóla í Reykjanesbæ sem var ný-
lega með uppboð á listaverkum eftir börnin þar
sem náðist að safna 90.000 krónum. Eins nemend-
ur í 8. og 9. bekk í Álftamýrarskóla sem sameinuðu
árshátíðina sína við söfnun, með því að vera með
safnbauka á staðnum.
Fleiri aðferðir eru fyrir hendi. Má þar nefna
að börn hafa oftsinnis brugðið á það ráð að halda
tombólur og hlutaveltur til að safna fé til hjálpar-
starfs. Er starfsfólk hjálparstofnana ætíð tilbúið
að gefa góð ráð og hjálpa til við skipulagningu á
söfnunum eða fræðslu. - vaj
Ærsl, íþróttir og áheit
Vatnsviku UNICEF lýkur um helgina. Markmiðið var að vekja fólk til umhugsunar um ýmis gæði hérlendis sem eru ekki eins sjálf-
sögð og aðgengileg fyrir alla. Hreint og gott drykkjarvatn er meðal þess. Bergsteinn Jónsson segir mikilvægt að halda áfram með
vitundarvakningu og fræðslu. FRÉTTABLAÐIÐ/GVA
Börn að leik með kennara sínum í leikskóla fyrir börn flóttamanna
frá Palestínu. UNICEF/SHEHZAD NOORANI
Börn sem sækja kaþólskan skóla í afríska þorpinu Ndim.
UNICEF/MICHAEL KAMBER
Moses Faya, 12 ára, og Patrick Tamba, 10 ára, frá Liberíu geta með
stuðningi frá UNICEF stundað nám. Skólinn þeirra er sambland af
leikskóla og grunnskóla. UNICEF/GIACOMO PIROZZI
Sumarbúðinar sem
krakkarnir velja!
Höldum afmælisveislur, námskeið og fl eira
Opið fyrir hópa frá 6 manns (8 manns í barnaafmæli) til kl. 21.
Tímapantanir í síma 5522882 eða keramik@keramik.is
Gera skal ráð fyrir amk 2 tímum til að mála.
Vorlínan frá Milker
Flottir gjafabolir
og meðgönguleggings
Hamraborg 7 • Kópavogi • Sími 5641451
www.modurast.is