Fréttablaðið - 12.04.2008, Síða 28

28 12. apríl 2008 LAUGARDAGUR
UMMÆLI VIKUNNAR,, U MÆLI VIKUN AR ,,
stjornmal@frettabladid.is nánar á visir.is
Það er nefnilega ekki hægt að eiga orðaskipti við
þingmenn Vinstri grænna vegna þess að þeir gagga
eins og hænur úr sæti sínu.
Geir H. Haarde forsætisráðherra.
Samfylkingin á að skammast sín fyrir að þurfa að
beita ósannindum og lygum til að moka yfir
endaleysuna og þvæluna í sjálfum sér í þessum
málaflokki.
Árni Þór Sigurðsson VG.
Það ætti að vera regla að allir stjórn-
málamenn kunni að tefla, sagði Guðni
Ágústsson, formaður Framsóknarflokks-
ins, í þinginu á fimmtudag. Og hvers
vegna? Jú, vegna þess að rökhyggjan
eflist með skákinni, sagði
hann.
Guðni greindi frá
þessari skoðun þegar
hann mælti fyrir tillögu
um skáksetur í Reykja-
vík, helgað afrekum
Bobbys Fischer og
Friðriks Ólafsson-
ar.
Tíu þingmenn úr
öllum flokkum
flytja tillöguna,
ásamt Guðna, sem
er líkleg til að
verða samþykkt enda ólíklegt að einhver
verði til að mæla gegn því að afrekum
stórmeistaranna tveggja verði sýndur
sómi. Báðir tengjast þeir Alþingi; Friðrik
var skrifstofustjóri þess um árabil og
þingið samþykkti að Fischer skyldi
veittur ríkisborgararéttur.
Lengi vel var mikið teflt á
Alþingi en dregið hefur úr því.
Fátt er ljóst um skákfærni
þingmanna. En auðvitað
færi vel á því að
Guðni flytti sérstakt
þingmál um að fólk
þyrfti að geta
eitthvað í
skák til að
fá að skipta
sér af
stjórnmálum.
Stjórnmálamenn kunni að tefla
Samkvæmt starfsáætlun Alþingis
eru 29 dagar eftir af vorþinginu
sem nú stendur. Rúmum helmingi
daganna verður varið til hefð-
bundinna þingfunda en aðra daga
funda nefndir og þingflokkar eða
þingmönnum er gert að rækja
kjördæmi sín. Þá eru ótaldir
Eldhúsdagur og þingfrestunar-
dagur.
29 dagar eftir
ÞAÐ SEM EFTIR LIFIR
Þingfundadagar 16
Nefndadagar 5
Kjördæmadagar 4
Þingflokksfundadagar 2
Eldhúsdagur 1
Þingfrestunardagur 1
Guðlaugur Þór Þórðarson
heilbrigðisráðherra hefur tekið af
allan vafa um hvort hægt sé að
reisa nýjan spítala án aðkomu
Alfreðs Þorsteinssonar að
verkinu.
„Ef menn halda að það sé
forsenda þess að reisa spítala að
hafa Alfreð Þorsteinssonar á
launum er það gríðarlegur
misskilningur,“ sagði Guðlaugur í
þinginu á fimmtudag.
Og þá vitum við það.
Alfreð ekki for-
senda nýs spítala
Þórunn Sveinbjarnardóttir
umhverfisráðherra svaraði ekki
ítrekuðum spurningum Bjarna
Harðarsonar Framsóknarflokki, í
þinginu á fimmtudag, um hvar
starf framkvæmdastjóra Vatna-
jökulsþjóðgarðar verður staðsett.
Kvaðst hún halda að ekki væri
búið að setja skrifstofuna niður en
bætti þó við að unnið væri að mál-
inu.
Gat hún þess að ekki skipti máli
fyrir verkefni framkvæmdastjór-
ans hvar starf hans væri niður-
sett.
Samfylkingin hefur beitt sér
fyrir flutningi eða stofnun starfa á
landsbyggðinni undir fororðinu:
Störf án staðsetningar.
Þórunn greindi hins vegar frá
því að verið væri að ráða í störf
land- og þjóðgarðsvarða, alls rúm-
lega þrjátíu störf, að fjöldi starfa
myndi skapast vegna þjóðgarðs-
ins og að afleidd störf myndu
skipta hundruðum. Þetta væri í
raun einhver mesta byggðaaðgerð
sem ráðist hefði verið í.
Ekkert upplýst um
staðsetningu starfs
ÞÓRUNN SVEINBJARNARDÓTTIR
GUÐLAUGUR
ÞÓR ÞÓRÐARSON
ALFREÐ
ÞORSTEINSSON
Alþingi starfar eftir mörgum reglum, bæði skráð-
um og óskráðum, og hefur gert lengi. Sumar eru
góðar en aðrar síðri. Sumar eru sjálfsagt nauðsyn-
legar en aðrar kannski óþarfar.
Einstaka reglur virðast haldnar í heiðri vegna
reglnanna sjálfra en ekki á forsendum þingstarf-
anna. Að baki hlýtur að búa misskilningur í þá
veru að fyrst hlutirnir voru svona á dögum Jóns
Sigurðssonar eigi þeir að vera það á dögum
Höskuldar Þórhallssonar.
Það eykur ekki á virðingu Alþingis að hlusta
á þingmenn pönkast í ræðustóli á orðunum
hæstvirtur og háttvirtur. Margir virðast ekki hafa
hugmynd um hvort þeir eigi að nota og segja ýmist bæði eða hvorugt.
Þarf þá forseti að berja í bjöllu og beina viðkomandi á rétta braut. Sama
á við þegar forsetinn er ávarpaður, oft lekur einhver orðasúpa út úr
þingmönnum eins og þeir taki bara sénsinn á að hitta á eitthvað sem
samrýmist þingsköpum.
Númer þingmanna og kjördæmi er svo annar handleggur. Ef menn
leggja sig fram um að fara örugglega rétt með þær nákvæmu og innihalds-
ríku upplýsingar þurfa þeir að stafa sig í gegnum þær á hraða trukkabíl-
stjóra í mótmælaaðgerðum. Ef þeir slengja þessu fram bara sisona komast
þeir oft í bobba. Og þurfa svo að leiðrétta sig eftir ábendingar forseta.
Í ofanálag er þingmönnum gert að tala um aðra þingmenn í þriðju per-
sónu og í ræðum ber þeim að beina máli sínu til forseta. Hefur það vafist
fyrir mörgum góðum drengnum. Skiljanlega.
Líf margra yrði þægilegra ef slakað væri á kröfunum. Ekki bara þing-
mannanna sem eiga erfitt með að tala eftir reglunum heldur líka þeirra
sem hlusta. Klúðrið getur nefnilega verið pínlegt.
Svo er spurning hvort ekki sé komið að því að stjórnmálamenn og aðrir
fyrirferðarmiklir í opinberu lífi verði kallaðir gælunöfnum, líkt og tíðkast til
dæmis í Bandaríkjunum og Bretlandi. Þar eru Billar og Bobbar og Tonyar.
En hér eru Ingibjörg Sólrún Gísladóttir, Guðlaugur Þór Þórðarson, Vilhjálm-
ur Þ. Vilhjálmssonar og Karl Wernersson. Væri ekki hressandi að heyra
Solla, Gulli, Villi og Kalli, svona við og við?
VIKA Í PÓLITÍK
BJÖRN ÞÓR SIGBJÖRNSSON
Formið formsins vegna
Þingmenn stjórnarand-
stöðuflokkanna segja rík-
isstjórnina ekki hafa staðið
við fyrirheit um að eiga gott
samstarf við alla flokka á
Alþingi. Birkir Jón Jóns-
son og Jón Bjarnason eru
einarðir í þeirri skoðun en
afstaða Kristins H. Gunn-
arssonar er mildari.
„Ég hef ekki enn orðið var við það
samráð sem var boðað,“ segir
Birkir Jón Jónsson Framsóknar-
flokki.
Í stefnuyfirlýsingu ríkisstjórn-
ar Samfylkingar og Sjálfstæðis-
flokks segir að stjórnin muni leit-
ast við að eiga gott samstarf við
alla flokka.
Birkir Jón segir það hafa komið
fljótlega á daginn að fyrirheitin
séu orðin tóm. „Það sýndi sig á
fyrstu metrunum, þegar mótvæg-
isaðgerðirnar voru boðaðar, þá
var hvorki haft samráð við flokka
né hagsmunaaðila. Svo hefur hvert
málið rekið annað og maður les
bara um ákvarðanir ríkisstjórnar-
innar í fjölmiðlum.“ Hann segir
deginum ljósara að engin inni-
stæða hafi verið fyrir fyrirheitum
Samfylkingarinnar, í aðdraganda
kosninga, um svonefnd samræðu-
stjórnmál.
Jón Bjarnason, Vinstri grænum,
segir ljóst að ríkisstjórnin hafi
ekki lagt sig eftir að eiga gott sam-
starf við stjórnarandstöðuna.
Breytingar á stjórnskipan og þing-
sköpum Alþingis séu til marks um
það. „Þau mál voru keyrð í gegn
með miklum hraða en venjan
hefur verið að taka langan tíma í
slíkar breytingar og ná um þær
sáttum meðal allra flokka.“ Jón
nefnir líka aðgerðirnar – eða
aðgerðaleysið – vegna efnahags-
ástandsins nú. Flokkur hans hafi
hvað eftir annað boðið upp á sam-
starf en því ávallt verið svarað af
hroka. Hann kveðst búast við að
stjórnarflokkarnir afgreiði með
hraði fjölda mála úr þinginu nú á
vordögum, án minnsta samráðs
við stjórnarandstöðuna.
Kristinn H. Gunnarsson, þing-
flokksformaður Frjálslynda
flokksins, tekur ekki jafn djúpt í
árinni og Jón og Birkir Jón.
Reynslan sé ekki fyllilega í sam-
ræmi við yfirlýsingu ríkisstjórn-
arinnar en vinnubrögðin þó í átt-
ina. „Það verður nú að gefa
mönnum það sem þeir eiga,“ segir
Kristinn.
Hann nefnir sem dæmi að fyrir-
heit um samstarf í öryggis- og
varnarmálum hafi verið efnt. Þá
hafi þingið verið styrkt með lög-
gjöf og fjárveitingum. Kristinn
segir sumt þó enn með gamla lag-
inu og nefnir meðferð þingmanna-
mála í þinginu sem dæmi. „En
margt er á réttri leið þó að þetta
geti hrokkið til baka þegar for-
ingjarnir verða valdþreyttir.“
Segja fyrirheit um gott
samstarf vera orðin tóm
JÓN BJARNASON
Vinstri grænum.
KRISTINN H. GUNNARS-
SON Frjálslynda flokknum.
BIRKIR JÓN JÓNSSON
Framsóknarflokki.
„Ríkisstjórnin mun leitast við að
eiga gott samstarf við alla flokka
á Alþingi og standa vörð um sjálf-
stæði Alþingis og eftirlitshlutverk
þess.“
ÚR STEFNUYFIRLÝSINGU RÍKISSTJÓRNARINNAR.
Skógarhlíð 18 • sími 595 1000
Akureyri • sími 461 1099 • www.heimsferdir.is