Fréttablaðið - 12.04.2008, Page 60

● heimili&hönnun
Margir eru farnir að huga að garðhúsgögnunum, grafa þau út úr geymslum og bera
olíu á viðinn. Þeir sem eru lítið fyrir viðhald geta fundið sér falleg plasthúsgögn í
garðinn í hressandi litum til að lífga enn meira upp á sumarið. Svo eru þeir sem vilja
hafa hlutina sem náttúrulegasta og hvað er náttúrulegra en að tylla sér á liggjandi kú
úti á túni?
1. Þýski hönnuðurinn Julia Lohmann hannaði þessar fallegu kýr sem lúra mak-
indalega þótt það vanti á þær hausinn. Kýrnar eru bólstraðar með leðri svo gott er að
„reka“ þær inn að kveldi svo þær skemmist ekki. Fram kemur á heimasíðu hönnuð-
arins að hún hafi unnið á íslenskum bóndabæ svo jafnvel kýrnar hennar eiga sér ís-
lenska fyrirmynd.
2. Upplýsingar um kýrnar má finna á heimasíðu hönnuðarins www.julialohmann.
co.uk.
3. Þeir sem eru lítið fyrir viðhald en vilja hafa það notalegt úti ættu að geta fellt sig
við líflegan sófa eða bekk úr grænu plasti. Blómapottur er innbyggður í sófann svo
hægt er að sitja innan um blóm þó að sófanum sé stillt út á svalirnar. Sófinn er hann-
aður af El Ultimo Grito, sjá www.nola.se
4. Garðveislan verður lífleg og hressandi þegar þessum skærlitu plaststólum hefur
verið dreift um grasflötina. Drop Chair fæst í mörgum litum og þolir vel vætu og vind
en upplýsingar um hann má finna á vefsíðunni www.zuomod.com
Sællegar kýr úti á túni
● Gott er að tylla sér niður úti í garði og njóta veðurblíðunnar nú þegar fer að vora.
2
1
3
4
4 200 500
Plexigler ehf er fyrirtæki sem sérhæfir
sig í efnissölu og sérsmíði með plastefni.
www.Plexigler.is
plexigler@plexigler.is
12. APRÍL 2008 LAUGARDAGUR18