Fréttablaðið - 12.04.2008, Page 98

62 12. apríl 2008 LAUGARDAGUR
sport@frettabladid.is
Landsliðsmiðvörðurinn Ragnar Sigurðsson hjá sænska meistara-
liðinu IFK Gautaborg hefur haldið uppteknum hætti með liði sínu
á þessu tímabili eftir að hafa vakið verðskuldaða athygli fyrir
frábæra spilamennsku í fyrra. Nú þegar þremur umferð-
um er lokið í Allsvenskan-deildinni hefur Ragnar til
að mynda tvisvar sinnum verið valinn í lið umferð-
arinnar hjá sænska netmiðlinum Sportal og jafnan
verið með hæstu mönnum í einkunargjöf sænsku
dagblaðanna. IFK Gautaborg hefur farið ágætlega af
stað í deildinni og er í fimmta sæti eftir að hafa gert
tvö jafntefli á útivelli og unnið sinn eina heimaleik til
þessa. Ragnar telur að liðið sé á réttri leið.
„Væntingarnar fyrir tímabilið hjá leikmönnum og
stuðningsmönnum IFK Gautaborgar eru náttúrlega miklar
eftir frábært tímabil í fyrra en að sama skapi erum
við liðið sem öll hin liðin vilja vinna þannig að þetta
verður hörð barátta. Ég tel að við eigum eftir að verða
í toppbaráttunni aftur í ár en það eru mörg góð lið
í deildinni sem verða þarna uppi líka, lið eins og Hels-
ingborg, Kalmar, Elfsborg og Djurgården. Varnarlínan okkar var
vægast sagt léleg í fyrsta leik tímbilsins en við erum allir að koma
til og við þurfum að komast í sama gír og í fyrra til þess að blanda
okkur í toppbaráttuna,“ sagði Ragnar, sem kann vel við breytingar
þær sem fjölgun liða í sænsku deildinni hefur í för með sér.
„Það er spilað mjög stíft í deildinni núna eftir að liðunum var
fjölgað úr fjórtán upp í sextán og ég er bara hæstánægður með
það, þar sem það skemmtilegasta við fótboltann er náttúrlega
að spila leikina. Við erum líka bókað best þjálfaða liðið í
deildinni þar sem við erum búnir að æfa eins og skepnur á
undirbúningstímabilinu og það á eftir að skila sér þegar líður
á tímabilið,“ sagði Ragnar, sem mætir að öllu óbreyttu Garðari
Gunnlaugssyni og félögum í Norrköping í dag.
„Ég meiddist örlítið í síðasta leik okkar og er tæpur fyrir leikinn
gegn Norrköping. Ég reikna samt með því að spila frekar en ekki.
Ég hlakka til þess að mæta Garðari aftur, þar sem ég spilaði á móti
honum nokkrum sinnum þegar við vorum báðir að spila á Íslandi.
En ólíkt því sem áður var, þá er ég núna í betra liði en hann,“
sagði Ragnar í léttum dúr.
VARNARMAÐURINN RAGNAR SIGURÐSSON: HELDUR ÁFRAM AÐ SLÁ Í GEGN MEÐ IFK GAUTABORG Í SVÍÞJÓÐ
Hlakka til þess að mæta Garðari Gunnlaugssyni
FÓTBOLTI Cristiano Ronaldo er eini
leikmaðurinn frá toppliðunum
tveimur í ensku úrvalsdeildinni
sem er tilnefndur sem besti
leikmaður ársins.
Aðrir sem koma til greina eru
Cesc Fabregas og Emmanuel
Adebayor hjá Arsenal, Steven
Gerrard og Fernando Torres hjá
Liverpool og svo David James
markvörður Portsmouth. - óój
Leikmenn ársins tilnefndir:
Bara einn frá
toppliðunum
Iceland Express-deild karla
Keflavík-ÍR 106-73 (51-37)
Stig Keflavíkur: Bobby Walker 23, Tommy
Johnson 22, Jón Norðdal Hafsteinsson 18,
Magnús Þór Gunnarssson 16, Þröstur Jóhannsson
11, Gunnar Einarsson 6, Arnar Jónsson 4, Sigfús
Árnason 4, Anthony Susnjara 2.
Stig ÍR: Nate Brown 18, Tahirou Sani 17, Svein-
björn Claessen 14, Eiríkur Önundarson 8, Ómar
Örn Sævarsson 6, Hreggviður Magnússon 6,
Steinar Arason 2, Ólafur Sigurðsson 2.
N1-deild Karla
Haukar-Fram 41-30 (17-12)
Mörk Hauka (skot): Elías Már Halldórsson 11
(12), Freyr Brynjarsson 7 (8), Andri Stefan 7 (14),
Gunnar Berg Viktorsson 5/2 (5/2), Sigurbergur
Sveinsson 5/2 (7/2), Þröstur Þráinsson 2 (2),
Kári Kristján Kristjánsson 2 (3), Jón Karl Björns-
son 1 (2/1), Gísli Jón Þórisson 1 (1), Halldór
Ingólfsson (5/2)
Varin skot: Magnús Sigmundsson 8 (28/3
28,6%), Gísli Guðmundsson 3 (13 23,1%)
Hraðaupphlaup: 15 (Elías 6, Freyr 3, Andri 2,
Þröstur 2, Gunnar, Kári),
Fiskuð víti: 8 (Kári 5, Elías, Gísli, Gunnar)
Utan vallar: 8 mínútur
Mörk Fram: Rúnar Kárason 11/2 (18/2), Stefán
Baldvin Stefánsson 4 (5), Einar Ingi Hrafnsson
4 (6), Jón Björgvin Pétursson 4 (6), Daníel Berg
Grétarsson 4 (6), Andri Berg Haraldsson 2/1
(4/2), Filip Kliszczyk 1 (4), Björn Guðmunds-
son (1), Jóhann Gunnar Einarsson (1), Hjörtur
Hinriksson (2)
Varin skot: Magnús Gunnar Erlendsson 3 (16/2
18,8%), Björgvin Páll Gústavsson 14/3 (42/5
33,3%)
Hraðaupphlaup: 9 (Stefán 3, Jón 2, Daníel 2,
Einar, Filip)
Fiskuð víti: 4 (Einar 2, Jóhann, Rúnar)
Utan vallar: 8 mínútur
ÚRSLIT
> Ólafur kominn í úrslitaleikinn
Ólafur Stefánsson og félagar í spænska liðinu Ciudad
Real tryggðu sér í gærkvöld þátttökurétt í úrslitaleik
Meistaradeildarinnar í handbolta. Ciudad
Real tapaði þá seinni leik sínum gegn
þýska liðinu Hamburg 32-26 í Þýskalandi
en Ciudad Real vann hins vegar
fyrri leik liðanna á Spáni
34-27 og því einvígið
samanlagt 60-59.
Ólafur fór á kost-
um í gærkvöld og skoraði átta mörk í
leiknum. Ciudad Real mætir líklega Kiel
í úrslitaleiknum en þýska liðið rassskellti
Barcelona 41-31 í fyrri leik liðanna á
dögunum. Seinni leikur liðanna fer fram
á morgun.
HANDBOLTI Haukar tryggðu sér í
gær Íslandsmeistaratitilinn í
handbolta í N1 deild karla þrátt
fyrir að enn séu fjórar umferðir
eftir af mótinu. Haukar rúlluðu
yfir Fram, 41-30, þar sem liðið lék
eins og Íslandsmeisturum sæmir.
Haukar hófu leikinn af krafti og
náðu strax undirtökunum í leikn-
um. Þegar tíu mínútur voru liðnar
munaði sjö mörkum á liðunum, 12-
5. Því forskoti héldu Haukar allt
þar til Sigurbergur Sveinsson
meiddist rétt fyrir leikhlé, 17-10.
Haukar misstu dampinn í sóknar-
leiknum við þetta áfall og Fram
skoraði tvö síðustu mörk hálfleiks-
ins og þau tvö fyrstu í þeim síð-
ari.
Haukar svöruðu því með fjórum
mörkum í röð og náðu aftur þægi-
legu sjö marka forskoti, 21-14.
Fram náði að gera eina atlögu enn
að forystu Hauka þegar liðið skor-
aði fimm mörk á tveimur mínút-
um um miðbik hálfleiksins og
munurinn kominn niður í fjögur
mörk, 28-24.
Haukar voru ekki á því að
gera leikinn spennandi og
skoruðu 12 mörk gegn 6
síðustu þrettán mínútur
leiksins og unnu að lokum
öruggan ellefu marka
sigur, 41-30.
Liðsheildin var
gríðarlega öflug
hjá Haukum en
fyrir henni fór
Elías Már Hall-
dórsson með
11 mörk. Elías
átti erfitt uppdráttar í
fyrstu leikjunum með
Haukum eftir að hafa
komið heim úr atvinnu-
mennsku í janúar.
„Það voru gríðarleg
vonbrigði fyrir mig
að koma heim og ég
var smá tíma að ná
áttum. Ég var óör-
uggur. Þetta hefur
verið vaxandi og ég
held að ég hafi
sýnt öllum hvað ég
get í kvöld [gær-
kvöld]. Það kom
aldrei neitt annað til greina en
klára þetta gegn Fram. Það sýnir
karakterinn í þessu liði hvernig
við klárum þetta. Menn vildu þetta
mikið og við erum ekki hættir. Við
ætlum að klára þessa fjóra leiki
sem eftir eru með stæl.“
Elías er með samning við Hauka
fram á sumarið. „Það er ekkert
ákveðið með framhaldið. Það heill-
ar mjög mikið að vera áfram í
Haukum og fara í Meistaradeild-
ina,“ sagði Elías kátur í leikslok.
Aron Kristjánsson, þjálfari
Hauka, var ekki síður glaðbeittur
að leik loknum og vildi sérstak-
lega þakka umgjörðinni hjá Hauk-
um að titillinn hafi komið í hús á
hans fyrsta tímabili með liðið.
„Það var stíll yfir þessu. Við
klárum mótið þegar fjórar umferð-
ir eru eftir. Strákarnir hafa staðið
sig gríðarlega vel. Liðsheildin
hefur virkað frábærlega í vetur.
Menn hafa stigið upp til skiptis og
ótrúlega samheldni í hópnum.
Allir í kringum félagið hafa stigið
upp og unnið frábært starf og við
erum að uppskera eftir því,“ sagði
Aron sem bjóst við jafnara móti í
vetur.
- gmi
Haukar Íslandsmeistarar 2008
Lið Hauka úr Hafnarfirði varð Íslandsmeistari í N1-deild karla í handbolta í gærkvöldi þegar liðið sigraði
Fram auðveldlega, 41-30, að Ásvöllum. Haukarnir búnir að bera af í vetur og eru vel að titlinum komnir.
FÖGNUÐUR Haukarnir fögnuðu Íslandsmeistaratitlinum að Ásvöllum í gærkvöld eins og sjá má eftir auðveldan 41-30 sigur gegn
Fram sem átti erfitt uppdráttar í leiknum. FRÉTTABLAÐIÐ/VALGARÐUR
FRÁBÆR
ÁRANGUR Aron
Kristjánsson
hefur gert
frábæra hluti
með Haukaliðið
í vetur.
FRÉTTABLADID/DANÍEL
KÖRFUBOLTI Keflvíkingar vöknuðu
af værum blundi og unnu sann-
færandi 33 stiga sigur, 106-73, á
ÍR í þriðja undanúrslitaleik lið-
anna í Iceland Express-deild
karla.
Keflvíkingurinn Tommy John-
son var settur á bekkinn og svar-
aði því með því að skora jafn-
mörg stig í gær og hann hafði
gert í fyrstu tveimur leikjunum.
„Þetta var upp á líf og dauða og
það var ekki um annað að ræða
en að koma til baka í kvöld. Það
skipti engu máli hvort ég byrjaði
á bekknum eða ekki,“ sagði
Tommy. Spurður hver var helsti
munurinn á liðinu sagði hann:
„Við vorum miklu grimmari í
vörninni og fundum aftur viljann
til þess að vinna,“ sagði Tommy.
Sigurður Ingimundarson,
breytti eins og áður kom fram
byrjunarliðinu og það gekk full-
komlega upp og ekki síst það að
setja Arnar Frey Jónsson inn í
byrjunarliðið. Arnar Freyr átti
13 stoðsendingar og stal 5 boltum
og stjórnaði Keflavíkursókninni
með glæsibrag.
„Stuðningsmennirnir sungu í
lokin að Risinn væri vaknaður en
við ætluðum bara að koma og
stúta þeim. Það er ekki mögu-
leiki að Keflavík tapi þremur
leikjum í röð,“ sagði Arnar
Freyr.
„Við ætluðum að koma brjálað-
ir til leiks og við sýndum að við
erum bestir þegar við spilum vel
og erum með hausinn á réttum
stað. Keflavík hefur aldrei lent í
þessari stöðu áður og við ætlum
að vera fyrstir til þess að koma
til baka,“ sagði Arnar Freyr.
ÍR-ingar gengu hreinlega á
vegg í gær og þá sérstaklega
Hreggviður Magnússon sem lenti
í útistöðum strax í byrjun leiks
sem virtust ná honum úr jafn-
vægi enda fór svo að hann skor-
aði ekki sitt fyrsta stig fyrr en
1:37 var eftir af þriðja leikhlutan-
um.
„Við mættum hingað til þess
að spila körfubolta eins og við
höfum verið að gera en þetta var
glíma til þess að byrja með. Það
er voðalega erfitt að spila á móti
svona. Þeir spiluðu hrikalega
fast og við vorum ekki nógu
harðir að taka á móti því. Það er
ekki nýtt í íslenskum körfubolta
að menn fái svona móttökur
hérna en þá reynir á liðið að taka
á móti af sama krafti og láta
þetta ekki setja sig út af laginu,“
sagði Jón Arnar Ingvarsson,
þjálfari ÍR. - óój
Keflavík minnkaði muninn í 2-1 í einvíginu eftir 33 stiga sigur á ÍR í Sláturhúsinu í Keflavík í gærkvöld:
Erum bestir þegar við spilum vel
EKKI HÆTTIR Magnús Þór Gunnarsson
átti fínan leik í gær. VÍKURFRÉTTIR/JÓN BJÖRN