Fréttablaðið - 02.05.2008, Blaðsíða 8

8 2. maí 2008 FÖSTUDAGUR
Nú fer hver að verða síðastur að ná sér í Blaðbera
Þú færð Blaðberann þinn í Skaftahlíð 24 alla virka daga frá kl. 8-17.
...góðar fréttir fyrir umhverfiðBlaðberinn...
FÓLK „Ég kæri mig ekkert um að fá
einhverja menn hérna inn á pall-
inn hjá mér sem henda hér póst-
pokum og labba í burtu,“ segir Jón
Hlíðar Runólfsson, íbúi við Hring-
braut í Hafnarfirði.
Í um hálft ár hafa póst flutninga-
menn lagt póstburðar töskur inn á
lóð Jóns, sem hann er ósáttur við.
„Þeir skilja alltaf póstpokana eftir
hér fyrir utan og hér standa þeir í
tvo til þrjá tíma.“
Segir hann að á þriðjudaginn
hafi bíll frá póstinum ekið upp að
húsinu, flutningamenn opnað
hlið ið og sett póstburðartöskurnar
inn á pall við einbýlishús sitt. Jón
Hlíðar segir að venjulega sé
pósturinn lagður í tröppur við hús
hans þar sem hann blasi við öllum.
En á þriðjudag hafi töskurnar
verið lagðar upp á pallinn.
„Þeir koma í leyfisleysi inn á
pallinn hjá mér og geyma þar póst-
pokana.“ Ekki hefur verið haft
samband við Jón til að fá leyfi
fyrir því að geyma póstpokana á
pallinum. „Ég var nú að spá í að
fara að hringja til að skammast í
þeim. Ég hringdi einhvern tímann,
var settur á bið í fimmtán mínútur
og þá gafst ég upp.“
Á þriðjudaginn þurfti Jón að tína
póst í garðinum hjá sér þar sem
illa hafði verið gengið frá honum í
póstkassanum hans. „Það er engin
virðing borin lengur fyrir þessum
pósti sem verið er að bera út.“ - ovd
Póstburðartöskur geymdar á palli við einbýlishús án leyfis eiganda hússins:
Engin virðing fyrir póstinum
PÓSTBURÐARTASKA Á PALLINUM Jón
Hlíðar, íbúi í Hafnarfirði, er ósáttur við
að pallur við hús hans sé notaður til að
geyma póstburðartöskur. FRÉTTABLAÐIÐ/GVA
1 Hvaða lönd bjóða sig fram
ásamt Íslandi til setu í öryggis-
ráði Sameinuðu þjóðanna fyrir
árin 2009 til 2010?
2 Hvað heitir hinn þrettán ára
leikstjóri stuttmyndarinnar
Auga fyrir auga?
3 Hjá hvaða fyrirtæki mun
Lára Ómarsdóttir, fyrrverandi
fréttamaður á Stöð 2, hefja
störf á næstunni?
SJÁ SVÖR Á SÍÐU 46
BANDARÍKIN, AP Joe Andrew, hátt-
settur embættismaður og ofur-
kjörmaður í Demókrataflokknum,
hefur lýst yfir stuðningi sínum við
Barack Obama sem forsetaefni
flokksins. Andrew hafði stutt Hill-
ary Clinton allt frá því að hún til-
kynnti um framboð sitt. Hann til-
kynnti þessa ákvörðun sína á
blaðamannafundi í Indiana í gær,
þar sem hann hvatti kjósendur til
að kjósa Obama. Forvalskosning-
ar fara fram í Indiana og Norður-
Karólínu á þriðjudag.
Andrew hefur sent bréf á alla
ofurkjörmenn í Demókrataflokkn-
um þar sem hann segist hræðast
að síharðnandi barátta frambjóð-
endanna sé skaðleg fyrir flokkinn.
Þá segir hann langdregna baráttu
frambjóðendanna beina athygli
almennings frá málefnunum og
hjálpa John McCain, forsetafram-
bjóðanda Repúblíkanaflokksins.
Af þessum sökum segist hann
hvetja aðra ofurkjörmenn til þess
að styðja Obama einnig.
Leiðtogar Demókrataflokksins
hafa hvatt ofurkjörmenn flokks-
ins til þess að ákveða fyrir júnílok
hvort þeir hyggist styðja Clinton
eða Obama sem forsetaefni flokks-
ins. Þeir óttast einnig að of löng
barátta verði flokknum skaðleg.
Frambjóðendurnir tveir reyna
nú að safna stuðningi sem flestra
ofurkjörmanna, þar sem ljóst er
að hvorugt þeirra nær nægilega
mörgum kjörmönnum úr forvals-
kosningum. Obama leiðir þó bar-
áttuna og stuðningur ofurkjör-
manna er þess vegna sérstaklega
mikilvægur fyrir Clinton. Hún
þarf að fá mikinn meirihluta ofur-
kjörmanna ætli hún sér að ná
útnefningu flokksins. Hún fékk
stuðning margra ofurkjörmanna
allt frá upphafi, en flestir þeirra
sem eru að ákveða sig núna hafa
lýst yfir stuðningi við Obama.
Hann hefur því náð að saxa tölu-
vert á forskot hennar undanfarna
mánuði.
Ofurkjörmennirnir eru tæplega
800 í heildina, 263 styðja Clinton,
247 styðja Obama, en um 230 eru
enn óákveðnir.
thorunn@frettabladid.is
Hart barist um
ofurkjörmenn
Hillary Clinton og Barack Obama berjast nú um
stuðning ofurkjörmanna Demókrataflokksins.
Obama hefur saxað verulega á forskot Clinton, sem
þarf stuðning mikils meirihluta ætli hún sér sigur.
MÆÐGUR Dóttir Hillary Clinton, Chelsea, fékk ofurkjörmannsatkvæði fyrir móður
sína á ferð um Púertó Ríkó á miðvikudag. Í gær voru mæðgurnar svo komnar til
Indiana, þar sem kosningar fara fram næsta þriðjudag. FRÉTTABLAÐIÐ/AP
STJÓRNMÁL Starfsmenn Barna- og
unglingadeildar Landspítalans
(BUGL) og Rannveig Traustadóttir,
dósent við uppeldis- og menntunar-
fræðiskor Háskóla Íslands, hlutu í
gær Félagshyggjuverðlaun Ungra
jafnaðarmanna.
Starfsmenn BUGL hljóta verð-
launin fyrir að hafa bætt samfélag-
ið með störfum sínum með börnum
og unglingum með geðraskanir.
Innflytjendur, fatlaðir og sam-
kynhneigðir eru sagðir hafa notið
góðs af störfum Rannveigar, sem
átt hafi mikinn þátt í að stuðla að
jafnara samfélagi.
Þá hlaut Jóhanna Sigurðardóttir,
félags- og tryggingamálaráðherra,
sérstaka heiðursviðurkenningu en
hún á þrjátíu ára starfsafmæli í ár
þar sem hún var fyrst kosin til setu
á Alþingi árið 1978. - ovd
Félagshyggjuverðlaunin veitt í gær:
Bættu samfélagið
BÖRN Útivistartími barna og
unglinga tók breytingum í gær, 1.
maí. Nú mega tólf ára börn og
yngri vera úti til klukkan 22 en
þrettán til sextán ára unglingar
mega vera úti til miðnættis. Aldur
miðast við fæðingarár.
Börn mega ekki vera á
almannafæri utan fyrrgreinds
tíma nema í fylgd með fullorðn-
um. Undantekning frá þessu er
þegar unglingar þrettán til sextán
ára eru á heimleið frá viður-
kenndri skóla-, íþrótta- eða
æskulýðssamkomu. Útivistar-
reglurnar eru samkvæmt
barnaverndarlögum. - ovd
Útivistartími breytist:
Börn og ungl-
ingar lengur úti
VEISTU SVARIÐ?