Fréttablaðið - 02.05.2008, Blaðsíða 32

Kokkteillinn vordögg og er eftir
Stefán Ólafsson barþjón á VOX
bar á Hilton. Taktu fram kokkteil-
hristarann og gerðu þína eigin
Vordögg heima hjá þér.
Smirnoff 4 cl
Créme de Cassis 1,5 cl
hnetusýróp 1 cl
Nýkreistur sítrónusafi 1 cl
Angostoura bitter 3 dropar
myntulauf af einum stöngli
Allt sett í kokkteilhristara með mikl-
um klaka og hrist kröftuglega.
Siðan er klakinn og myntulauf-
in síuð frá, blöndunni hellt yfir mul-
inn ís og fyllt upp með engifer-
öli. Skreytt með jarðarberi, blæju-
beri og myntu, eða öðrum fögrum
skrautmunum.
Vordögg
á Vox
Hljómsveitin Skítamórall er í þann mund að
fara aftur af stað eftir tveggja ára hlé. „Við
munum taka upp tvö ný lög um miðjan maí
en tökum stefnuna ótrauðir á haustmánuð-
ina. Við erum nú þegar bókaðir út septem ber
og október, en þá verðum við meðal annars að
spila á Nasa, Hvíta húsinu Selfossi og Sjall-
anum á Akureyri,“ segir Arngrímur Fannar
Haraldsson, betur þekktur sem Addi Fannar.
Skítamórall hefur átt ófáa slagarana en þeirra
vinsælastur er án efa lagið Farin. „Við feng-
um tölvupóst frá Einari Bárðar nýlega þar
sem stóð „til hamingju með daginn strákar“.
Við vorum ekki alveg að fatta hvað hann var
að meina þangað til við uppgötvuðum að það
eru akkúrat tíu ár liðin síðan Farin var gefið
út, árið 1998. Þá frumfluttum við lagið í beinni
útsendingu í þættinum 19/20 á Stöð 2, daginn
fyrir skírdag. Í kjölfarið hittumst við á Salat-
barnum og ákváðum að það væri komin tími til
að fara að spila á ný,“ segir Addi Fannar. Aðdá-
endur Skítamórals munu þó ekki þurfa að bíða
alveg fram á haust eftir að sjá hljómsveitina
spila því þeir munu taka forskot á sæluna á Sel-
fossi 17. maí. „Þegar við vorum beðnir sérstak-
lega um að koma fram á 10 ára afmælishátíð
sveitarfélagsins Árborgar rann okkur blóð-
ið til skyldunnar og við gátum ekki neitað, þar
sem við erum nú allir frá Selfossi,“ segir Addi
Fannar að lokum og hvetur sem flesta til að
kíkja á nýja Myspace-síðu sveitarinnar: www.
myspace.com/skitamorall.
Hljómsveitin Skítamórall er ekki dauð úr öllum æðum
Taka upp þráðinn
á 10 ára afmælinu
Arngrímur Fannar Haraldsson, Gunnar Ólason, Herbert Viðarsson og Jóhann Bachmann eru ennþá í stuði
þótt tíu ár séu síðan þeir slógu í gegn. FRÉTTABLAÐIÐ/ARNÞÓR
4 • FÖSTUDAGUR 2. MAÍ 2008