Fréttablaðið - 02.05.2008, Blaðsíða 6
6 2. maí 2008 FÖSTUDAGUR
BANDARÍKIN, AP Alríkisdómari í
Kaliforníu hefur gefið bandarísk-
um stjórnvöldum sextán daga
frest til að ákveða hvort hvíta-
birnir verði skráðir sem tegund í
útrýmingarhættu vegna loftslags-
hlýnunar. Með þessu var dómar-
inn, Claudia Wilken, að úrskurða
dýraverndunarsinnum í vil sem
benda á að innanríkisráðuneytið
hafi látið hjá líða að úrskurða um
skráningu dýra á válista fyrir
frest sem rann út 9. janúar. - aa
Bandarísk stjórnvöld:
Úrskurða um
friðun bjarna
Predikararaunir
Undanfarna daga hefur umræðan í prófkjöri
demókrata öll snúist um samband Baracks Obama
við prest sinn séra Jeremiah Wright. Sérann hefur
í prédikunum skellt fram ýmiss konar staðhæfing-
um sem flestum Bandaríkjamönnum og skynsömu
fólki almennt þykja geðveikislegar. Hann staðhæf-
ir m.a. að bandarísk stjórnvöld hafið fundið upp
AIDS til að drepa svart fólk og að stjórnvöld beri
fulla ábyrgð á hryðjuverkunum 11. september. Þá
hefur hann blótað Bandaríkjunum sem þykir ekki
góð lenska. Vandi Obama er sá að hann hefur sótt
þessa kirkju og setið undir ræðunum í 20 ár, og á
síðasta ári gaf hann tæpar tvær milljónir króna til
kirkjunnar.
Í sögulegri ræðu sem hann hélt fyrir mánuði
lýsti hann sambandi sínu við séra Wright þannig að
hann gæti ekki hafnað honum frekar en fjölskyldu-
meðlimi. Það hefur nú breyst. Undanfarna daga
hefur séra Wright farið mikinn um fjölmiðla og
endurtekið fullyrðingar sínar og um leið ásakað
Obama um að vera bara enn einn pólitíkusinn. Það
hreyfði við Obama þannig að hann steig fram sl.
miðvikudag og sór af sér sérann, sagði hann ekki
vera sama mann og hann áður þekkti.
Það sem ekki er ljóst eru ástæður séra Wright
fyrir þessum fjölmiðlaspretti, ein gæti veri hrein
athyglissýki, önnur gæti verið sú að hann ætli sér
að skrifa bók og selja. Þriðja og kaldrifjaðasta
ástæðan gæti verið sú að hann telji sig vera að
hjálpa Obama. Með því að gefa Obama tækifæri að
sverja af sér prestinn núna er hægt að klára málið
núna áður en kemur að kosningunum í haust.
Þannig verður framkoma séra Wright ekki að
vopni í höndum repúblikana. Málið verður dautt í
hugum almennings og ekki síst fjölmiðla.
Þessi skýring virðist kannski langsótt, en séra
Wright er óvitlaus og varaði Obama við því fyrir
rúmu ári að hann yrði að afneita sér. Spretturinn
sem sérann er á núna er líklega það besta sem gat
komið fyrir Obama því málið sem virtist ætla að
vera honum þungt í skauti virðist leyst og hann
getur haldið áfram baráttu sinni fyrir útnefning-
unni. Séra Wright kemur honum ekki lengur við.
FRIÐJÓN R. FRIÐJÓNSSON
skrifar frá Bandaríkjunum
Hluthafafundur
Dagskrá:
1. Tillaga um að stjórn félagsins verði falið að óska eftir afskráningu
hlutabréfa félagsins úr kauphöll OMX Nordic Exchange á Íslandi.
2. Tillaga um að stjórn félagsins verði falið að kaupa hluti þeirra
hluthafa í félaginu er þess óska fyrir kl. 16 þann 21. maí 2008. Greitt
verði fyrir hlutina með hlutum í Glitni banka hf. Gengi hlutabréfa í
FL Group hf. við kaupin skal vera kr. 6,68 fyrir hvern hlut. Gengi
hlutabréfa í Glitni banka hf. skal vera kr. 17,05 fyrir hvern hlut. Þannig
fær hver hluthafi er tekur kauptilboðinu 0,39 hluti í Glitni banka hf.
fyrir hvern hlut í FL Group hf.
3. Tillaga um að stjórn félagsins verði heimilað í tengslum við framan-
greind kaup á hlutabréfum í FL Group hf., sbr. lið 2 hér að ofan, að
kaupa allt að 20% eigin hluta fyrir kr. 6,68 hvern hlut. Heimildin skal
gilda til og með 20. júní 2008. Verði eigin hlutir í eign félagsins
umfram 10% eftir viðskiptin skal stjórn félagsins lækka hlutafé
félagsins í samræmi við ákvæði laga um hlutafélög, þannig að eigin
hlutir eftir slíka hlutafjárlækkun verði ekki umfram 10% af hlutafénu.
4. Tillaga um að stjórn félagsins verði heimilað, í því skyni að mæta
framangreindum kaupum á hlutum í FL Group hf., sbr. lið 3 hér að
ofan, að kaupa allt að 862.017.533 hluti í Glitni banka hf. fyrir kr. 17,05
hvern hlut og greiða fyrir með lántöku.
Hluthöfum gefst kostur á að greiða atkvæði um tillögurnar bréflega. Atkvæðaseðlar
eru fyrirliggjandi á skrifstofu félagsins frá og með mánudeginum 4. maí n.k. og þar
er ennfremur hægt að greiða atkvæði. Þeir hluthafar sem þess óska skriflega fyrir
þriðjudaginn 5. maí n.k. geta fengið atkvæðaseðla senda sér. Bréfleg atkvæði skulu
berast á skrifstofu félagsins eigi síðar en kl. 16.00 fimmtudaginn 8. maí eða
afhendast á hluthafafundinum sjálfum. Atkvæði verða talin á hluthafafundinum
þann 9. maí og verða einungis atkvæði þeirra hluthafa sem þá eru skráðir í hlutaskrá
tekin með í atkvæðagreiðslunni.
Fundargögn, þ.m.t. tillaga stjórnar ásamt greinargerð, eru til sýnis á skrifstofu FL
Group hf. frá og með föstudeginum 2. maí og verða send þeim hluthöfum sem þess
óska. Gögnin eru ennfremur aðgengileg á heimasíðu félagsins, www.flgroup.is.
Reykjavík, 1. maí 2008,
Stjórn FL Group hf.
Stjórn FL Group hf. boðar hér með til hluthafafundar
í félaginu sem haldinn verður á Hilton Reykjavík Nordica
föstudaginn 9. maí 2008, kl. 8.30.
ERLENT, AP Nokkrir lögreglumenn
særðust og kveikt var í fjölda bíla
þegar til mikilla átaka kom í Ham-
borg í Þýskalandi í gær. Þar var
fjölmenn kröfuganga haldin á degi
verkalýðsins, en að auki voru rúm-
lega sjö þúsund manns á svæðinu
til þess að mótmæla göngunni. Lög-
regla í Hamborg sagði átökin í gær
versta ofbeldi sem sést hefði í
borginni undanfarin ár.
Í Berlín er hefð fyrir óeirðum
aðfaranótt 1. maí, en í ár var nóttin
fremur róleg. Þó voru 24 hand-
teknir og þrettán lögreglumenn
særðust.
Rúmlega 500 mótmælendur voru
handteknir og 38 slösuðust í átökum
við lögreglu í Istanbúl í Tyrklandi.
Til átakanna kom þegar mótmæl-
endur reyndu að fara í kröfugöngu
að Taksim-torgi, en þar eru
fjöldasamkomur bannaðar.
Í Chile kom einnig til átaka eftir
kröfugöngu í höfuðborginni Santi-
ago. Það voru grímuklæddir mót-
mælendur sem stofuðu til óeirða.
92 voru handteknir og lögregla not-
aði meðal annars táragas til að
dreifa þeim fimmtán þúsund
manns sem þar voru saman komin.
Í Caracas í Venesúela voru haldn-
ar tvær mismunandi kröfugöngur.
Önnur var fyrir stuðningsmenn
forsetans Hugo Chavez, en hin
fyrir andstæðinga hans. Á Kúbu
komu svo hundruð þúsunda saman
í höfuðborginni Havana. Forsetinn
Raúl Castro mætti þangað en
ávarpaði ekki fólkið. - þeb
Haldið var upp á verkalýðsdaginn víðs vegar um heim:
Óeirðir og átök í kröfugöngum
MÓTMÆLI Grímuklæddir mótmælendur
eyðilögðu meðal annars fjölmörg
umferðarskilti í Santiago í Chile í gær.
FRÉTTABLAÐIÐ/AP
VIÐSKIPTI Baugur Group gekk í
dag frá sölu á verslanakeðjunni
MK One. Kaupverðið er trúnaðar-
mál en kaupandi er Hilco Retail
Investment.
„Við erum mjög sáttir við að
hafa klárað þetta söluferli,“ segir
Gunnar Sigurðsson, forstjóri
Baugs, í samtali við Vísi í dag.
Hann vildi ekki tjá sig um
kaupverð en leiða má líkur að því
að það sé lægra en þær 55
milljónir punda sem Baugur
greiddi fyrir MK One árið 2005.
Í Daily Telegraph í morgun er
ýjað að því að MK One væri
mögulega á leið í greiðslustöðvun
ef ekki tækist að selja félagið.
Þær áhyggjur eru víst óþarfar
nú.
Gunnar sagði ekki standa til að
selja fleiri félög úr eignasafni
Baugs. Eignasafnið væri þó alltaf
í skoðun. - bg
Sáttir við söluna:
Baugur selur
MK One
Studdir þú hjúkrunarfræðinga
á Landspítalanum í kjaradeilu
þeirra?
Já 69,7%
Nei 30,3%
SPURNING DAGSINS Í DAG:
Ert þú fylgjandi því að lögreglu-
menn fái árangurstengd laun?
Segðu þína skoðun á vísir.is
FÉLAGSMÁL „Ekki er gott að segja til um hvað veldur
fjölgun kvenna fyrir utan að kjör virðast hafa versnað
meðal þeirra sem minnst mega sín. Þó held ég að
tilkoma Konukots fyrir konur hafi haft þau áhrif að
vandi kvenna hafi orðið sýnilegri en hann var áður en
það tók til starfa,“ segir Heiðar Guðnason, forstöðu-
maður Samhjálpar, en heimsóknum kvenna sem þar
leita ásjár hefur fjölgað um 177 prósent á tveimur
árum.
Heiðar útskýrir að oft sé erfitt
að koma auga á vanda kvenna þar
sem þær fái oft húsaskjól og fæði
frá mönnum í stað kynlífsgreiða.
Eftir að Konukot var opnað þurfi
þær síður að leita slíkra ráða og
því geti verið að vandi þeirra sé að
koma upp á yfirborðið nú.
Kaffistofan er hugsuð fyrir
utangarðsfólk og aðra sem ekki
hafa efni á mat. Við lok ársins 2007
voru heimsóknir á kaffistofuna
orðnar 20.628 á móti 23.012
heimsóknum 2006 og því um nokkra fækkun heim-
sókna á milli ára. Af þeim sem heimsóttu kaffistofuna
í fyrra voru karlar 1.132 gesta en konur 241 en árið
2005 leituðu 87 konur þar ásjár.
Það sem Heiðar segir þó koma á óvart er að sú
fækkun hafi ekki verið meiri, sem og að fjöldi
einstaklinga á bakvið komurnar var 1.373 í fyrra, eða
130 fleiri en árið á undan. Þetta segir Heiðar vekja
margar spurningar. Að hans mati eru þetta sterkar
vísbendingar um að kjör þeirra sem minnst mega sín
fari versnandi.
„Kaffistofan var á hrakningum stóran part árs í
fyrra og því kemur mér það nokkuð á óvart að fjölgað
hafi í hópi notenda þótt heimsóknunum sjálfum hefði
fækkað aðeins af skiljanlegum ástæðum,“ segir
Heiðar en vegna erfiðleika við að finna Kaffistofunni
nýtt húsnæði var starfsemin í nokkra mánuði á
hrakhólum áður en núverandi húsnæði stofunnar var
opnað í desember í Borgartúni 1.
Þá bendir Heiðar á að aldur þess fólks sem fari í
meðferð í Hlaðgerðarkoti, sem rekin er af Samhjálp,
fari lækkandi. „Á árinu 2007 lögðust inn til meðferðar
149 einstaklingar sem er rúmlega 37 prósent fjölgun
frá 2006 en þá taldi hópurinn 93 einstaklinga,“ segir
hann og bendir á að árið 2004 voru 54 29 ára og yngri
og var þá tiltölulega jafnt í öðrum aldurshópum.
Þessar tölur segir hann vera vísbendingu um að yngra
fólk nái botninum hraðar en áður var. Meðal annars
vegna aukins framboðs af hörðum efnum.
karen@frettabladid.is
Vandi útigangskvenna
að verða sýnilegri
Sífellt fleiri konur leita á náðir Kaffistofu Samhjálpar í leit að mat og skjóli.
Forstöðumaður Samhjálpar segir vísbendingar um að kjör þeirra sem minnst
megi sín séu að versna. Fíklar nái botninum hraðar en áður.
HVÍTABJÖRN Bandarísk stjórnvöld hafa
sextán daga til að ákveða sig. FRÉTTABLAÐIÐ/AP
HEIÐAR GUÐNASON
LEITAÐ TIL SAMHJÁLPAR Af þeim sem heimsóttu Kaffistofu
Samhjálpar, sem ætluð er fátækum, í fyrra voru karlar 1.132
gesta en konur 241 en árið 2005 leituðu 87 konur þar ásjár.
Fjölgun kvenna á tveimur árum nemur því 177 prósentum.
FRÉTTABLAÐIÐ/PJETUR
PRESTURINN Umræðan í prófkjöri demókrata síðustu daga
hefur snúist um samband Obama við klerkinn Jeremiah
Wright. FRÉTTABLAÐIÐ/AP
BRETLAND, AP Úrslit úr sveitar-
stjórnarkosningum í Bretlandi
verða tilkynnt í dag, en kosning-
arnar fóru fram í gær. Mest er
spennan í London en þar hefur
baráttan verið hörðust.
Kannanir síðustu daga hafa
bent til þess að íhaldsmaðurinn
Boris Johnson muni sigra
borgarstjórann Ken Livingstone
naumlega. Þriðji frambjóðand-
inn, Brian Paddick, er ekki
talinn eiga nokkra möguleika.
Úrslitin í kosningunum eru
talin munu gefa nokkra mynd af
fylgi flokkanna í næstu þing-
kosningum.
- þeb
Kosið í Bretlandi í gær:
Mjótt á mun-
um í London
KJÖRKASSINN