Fréttablaðið - 02.05.2008, Blaðsíða 66

42 2. maí 2008 FÖSTUDAGUR
Úrslital. Lengjubikars karla
Fram-Valur 1-4
0-1 Dennis Bo Mortesen (4.), 0-2 Dennis Bo
Mortensen (29.), 1-2 Hjálmar Þórarinsson (33.),
1-3 Atli Sveinn Þórarinsson (49.), 1-4 Pálmi Rafn
Pálmason (90.+1.).
Undanúrslit UEFA-bikarsins
Zenit-Bayern München 4-0
Pogrebnjak 2 (4., 73.), Zyrianov(39.), Fajzulin(54.)
Fiorentina-Rangers (2-4) 0-0
Rangers vann 2-4 í vítaspyrnukeppni.
ÚRSLIT
FÓTBOLTI Eftir tímabil vonbrigða
hjá spænska stórliðinu Barce-
lona bendir allt til þess að miklar
breytingar verði gerðar á leik-
mannahópi félagsins í sumar.
Tap Barcelona gegn Manchest-
er United á dögunum í undan-
úrslitum Meistaradeildar
Evrópu þýddi að tímabilið í ár
er annað tímabilið í röð þar
sem félagið situr eftir án
titla og Txiki Beguiristáin,
yfirmaður íþróttamála hjá
Barcelona, viðurkenndi í
viðtali við sjónvarpsstöðina
Barca TV að breytinga væri
þörf.
„Nú er tíminn til þess að
skilgreina vandann og taka
á honum. Það eru mikil von-
brigði að vinna ekki titla
með þeim leikamannahópi
sem við höfum yfir að ráða,
en það hefur sýnt sig að
það er ekki nóg að hafa
bara stór nöfn á blaði,
leikmenn verða að sýna
hvað þeir geta inni á
vellinum. Sökin er leik-
mannanna, þjálfaranna
og tækniliðsins,“
sagði Beguiristáin.
Spænskir fjölmiðlar hafa full-
yrt að dagar knattspyrnustjór-
ans Franks Rijkaard séu senn
taldir hjá Barcelona og eru José
Mourinho og Josep Guardiola
helst nefndir sem líklegir eftir-
menn hans í starfi. Hvort sem
skipt verður um mann í brúnni
eða ekki verður líklega hrist
rækilega upp í leikmanna-
hópnum.
Spænska blaðið AS
hefur tekið saman tíu
manna lista yfir þá leik-
menn sem eru líkleg-
astir til þess að lenda í
útsölunni á Nývangi.
Eiður Smári Guð-
johnsen er einn
þeirra leikmanna
en hinir eru Ronald-
inho, Thierry Henry,
Gianluca Zambrotta,
Lilian Thuram, Deco,
Sylvinho, Rafael
Marquez, Edmilson og
Santiago Ezquerro. - óþ
Spænska blaðið AS spáir breytingum hjá Barca:
Útsala á Nývangi
Á FÖRUM? Eiður Smári
er talinn líklegur til að
verða seldur í sumar.
NORDIC PHOTOS/GETTY
FÓTBOLTI Zenit frá Pétursborg og Rangers komust í
úrslitaleik UEFA-bikarsins í gærkvöld en Bayern
München og Fiorentina sátu eftir með sárt ennið.
Það kom mörgum á óvart þegar Zenit frá Péturs-
borg náði 1-1 jafntefli gegn Bayern München á
Ólympíuleikvanginum í München í fyrri leik liðanna
í undanúrslitum UEFA-bikarsins en Rúss-
arnir sýndu svo um munaði í gærkvöld
hvers þeir eru megnugir.
Heimamenn í Zenit tóku forystu
strax á 4. mínútu þegar Pavel Pog-
rebnjak skoraði beint úr aukaspyrnu
af 25 metra færi án þess að Oliver
Kahn kæmi nokkrum vörnum við í
markinu. Gestirnir í Bayern voru
meira með boltann og náðu að
skapa sér nokkur góð mark-
tækifæri sem fóru forgörðum.
Zenit-menn, sem vörðust
skynsamlega og beittu eitr-
uðum skyndisóknum, bættu
við öðru marki í lok fyrri
hálfleiks og þar var Konstan-
tin Zyrianov á ferðinni.
Leikurinn var svipaður í
síðari hálfleik þar sem Bæjar-
ar fóru illa að ráði sínu en Zenit
nýtti sín færi. Á 53. mínútu
skoraði Victor Fajzulin þriðja
mark Rússanna og á 73. mínútu
fullkomnaði Pogrebnjak svo nið-
urlægingu Bayern með sínu öðru
marki í leiknum og lokatölur á Petrovsky-leikvangin-
um því 4-0. Frábær árangur hjá leikmönnum Zenit
frá Pétursborg sem eru komnir í úrslit UEFA-bikars-
ins í fyrsta skipti í sögu félagsins.
Rangers og Fiorentina skildu jöfn, 0-0, í fyrri undan-
úrslitaleik liðanna á Ibrox-leikvanginum í Glasgow
og það sama var uppi á teningnum í Flórens í gær-
kvöld og leikurinn því framlengdur. Hvorugu liðinu
tókst heldur að skora í framlengingunni og því
þurfti að grípa til vítaspyrnukeppni.
Í vítaspyrnukeppninni höfðu Skotarnir í
Rangers betur 2-4. Það byrjaði þó ekki
gæfulega fyrir þá því fyrirliðinn
Barry Ferguson brenndi af
fyrsta vítinu en Fabio
Liverani og Christian
Vieri brást bogalistin
fyrir Fiorentina og
því fór sem fór.
Rangers mætir því
Zenit frá Pétursborg í
úrslitaleiknum sem fram fer í
Manchester á Englandi hinn 14. maí
næstkomandi.
Zenit frá Pétursborg og Rangers komust í úrslit UEFA-bikarsins í gærkvöld:
Bayern niðurlægt í Rússlandi
VONBRIGÐI Ítalski framherjinn
Luca Toni hjá Bayern München
trúir ekki að hann hafi ekki náð
að skora á Petrovsky-leikvangin-
um í gærkvöld. NORDIC PHOTOS/GETTY
FÓTBOLTI Íslandsmeistarar Vals
sýndu styrk sinn þegar þeir sigr-
uðu Fram, 4-1, í úrslitum Lengju-
bikarsins í Kórnum í Kópavogi í
gærkvöld.
Valsmenn léku oft á tíðum flott-
an fótbolta þar sem allir leikmenn
voru viljugir að fá boltann og
fljótir að finna samherja. Það var
einmitt flottur samleikur Vals sem
skóp fyrsta markið strax á fjórðu
mínútu. Guðmundur Benedikts-
son og Dennis Bo Mortensen gal-
opnuðu vörn Fram með einföldum
þríhyrningi. Guðmundur sendi
boltann inn fyrir vörn Fram á
glæsilegan hátt þar sem Morten-
sen kom askvaðandi og vippaði
boltanum yfir Hannes Þór Hall-
dórsson í marki Fram.
Mortensen bætti öðru marki við
á 29. mínútu en Hjálmar Þórarins-
son minnkaði muninn fyrir Fram
úr vítaspyrnu aðeins fjórum mín-
útum síðar í einni af fáum sóknum
Fram í leiknum.
Aðeins voru liðnar fimm mínút-
ur af síðari hálfleik þegar þriðja
mark Vals leit dagsins ljós. Það
skoraði Atli Þórarinsson af stuttu
færi með skalla eftir hornspyrnu
Guðmundar Benediktssonar.
Yfirburðir Vals voru miklir og
þegar mínúta var komin fram yfir
venjulegan leiktíma skoraði Pálmi
Rafn Pálmason frábært mark af
25 metra færi. Pálmi sá að Hannes
var mjög framarlega í marki Fram
og sendi boltann hnitmiðað yfir
markvörðinn og gulltryggði
öruggan sigur Íslandsmeistar-
anna.
Willum sáttur með sína menn
Willum Þór Þórsson, þjálfari Vals,
taldi sigurinn óþarflega stórann
miðað við gang leiksins.
„Mér fannst tölurnar fullstórar
miðað við leikinn. Framarar eru
með fínasta lið og auðvitað væru
þeir ekki í þessum úrslitaleik
nema af því að þeir eru að gera
eitthvað rétt. Þeir eru erfiðir and-
stæðingar. Þetta var alltaf leikur
og aldrei neitt í hendi. Þeir létu
hafa fyrir sér og þó að við næðum
marki snemma og 2-0 stöðu gáfust
þeir aldrei upp.“
Það verður erfitt fyrir hvaða lið
sem er að hirða Íslandsmeistara-
titilinn af Val í sumar. Liðið lítur
mjög vel út í upphafi tímabils og
er til alls líklegt.
„Ég held að staðan á liðinu sé
góð. Við erum með hörkuhóp. Það
ber lítið á milli liða og ef við
komum einbeittir og ákveðnir í
hvern einasta leik kvíði ég engu.
Það er kominn ákveðinn stöðug-
leiki í liðið. Það eru litlar manna-
breytingar á milli ára og menn
þekkja hver annan orðið mjög vel.
Við erum búnir að spila svipað
skipulag og vera með svipaðar
áherslur núna á fjórða árið og
maður sér alltaf að áferðin á liðinu
verður öruggari með hverju
árinu,“ sagði Willum að lokinni
verðlaunaafhendingu.
Óðinn Árnason, miðvörður
Fram, var alls ekki sáttur við leik
síns liðs.
„Við komum ekki nógu klárir í
þennan leik. Við vorum fimm á
hælunum þegar þeir skora mjög
snemma leiks. Við vorum í vand-
ræðum allan fyrri hálfleik. Við
ætluðum að koma inn og gera
betur en mér fannst seinni hálf-
leikur ekkert betri. Við vorum
ekki nógu einbeittir í dag.“
Þrátt fyrir slakan leik er Óðinn
bjartsýnn á sumarið.
„Sumarið lítur vel út. Við höfum
staðið okkur vel í tíu leikjum í röð
þangað til í þessum leik. Við erum
miklu meiri liðsheild og miklu
meira lið en í fyrra. Ég er bjart-
sýnn. Ég held að þetta verði
skemmtilegt sumar. Toddi (Þor-
valdur Örlygsson) er að gera
skemmtilega hluti. Það er meiri
barátta og meiri vilji í liðinu,“ sagði
Óðinn rétt eftir að hafa tekið við
silfurpeningnum í leikslok. - gmi
Valur Lengjubikarmeistari
Valur sigraði Fram í slag Reykjavíkurliða í úrslitaleik Lengjubikars karla í Kórn-
um í gær. Íslandsmeistarnir líta vel út viku fyrir fyrsta leik í Landsbankadeild.
SIGURREIFUR Sigurbjörn Hreiðarsson, fyrirliði Vals, lyftir hér sigurlaununum hátt á
loft í Kórnum í gærkvöld eftir góðan 1-4 sigur gegn Fram í úrslitaleiknum.
FRÉTTABLAÐIÐ/DANÍEL