Fréttablaðið - 02.05.2008, Blaðsíða 11
FÖSTUDAGUR 2. maí 2008 11
Sæktu um besta kortið fyrir þig á www.americanexpress.is eða í síma 575 5900
er útgefandi American Express® á Íslandi
Kortið sem kemur þér út
Þetta er kortið sem gefur þér
flesta vildarpunkta af öllum
greiðslum heima og erlendis.
Það er fljótlegasta leiðin til
að safna upp í flugmiða.
VIÐSKIPTI „Fordæmi Heklu er fagnaðarefni,
enda erum við hér nánast komin inn í óðaverð-
bólgu,“ segir Grétar Þorsteinsson, forseti ASÍ.
Hann lét þessi orð falla í tilefni af því að bif-
reiðaumboðið kynnti í fyrradag allt að sautján
prósenta verðlækkun á nýjum bílum.
Hannes G. Sigurðsson, aðstoðarfram-
kvæmdastjóri Samtaka atvinnulífsins, fagnar
einnig útspili Heklu. „Mjög mikilvægt er að við
siglum hratt í gegnum þennan verðbólgukúf.“
Hekla hefur hækkað verð á bílum í takt við
veikingu krónunnar. „En við höfum undanfarna
mánuði, undir stjórn Sverris Viðars Haukssonar,
framkvæmdastjóra bílasviðs, unnið að því að fá
lækkanir hjá framleiðendum,“ segir Knútur G.
Hauksson, forstjóri Heklu.
Sverrir Viðar segir markmiðið nú hins vegar
hafa verið að ná verðinu niður í það sem var
fyrir gengisfall krónunnar. Hann segir bíla-
framleiðendur þá sem Hekla er með umboð
fyrir hafa sýnt íslenskum aðstæðum skilning
og því hafi verið hægt að semja við þá um verð-
tilslakanir. „Allir komu til móts við okkur,“
segir hann, en kveður það þó hafa verið í mis-
miklum mæli, eftir umfangsmiklar samninga-
viðræður. - óká
Hekla kynnir listaverðlækkun um allt að sautján prósent á nýjum bílum:
Fordæmi sem er fagnaðarefni
KYNNING HEKLU Hannes G. Sigurðsson, aðstoðarfram-
kvæmdastjóri SA, Grétar Þorsteinsson, forseti ASÍ, og
Knútur G. Hauksson, forstjóri Heklu. FRÉTTABLAÐIÐ/PJETUR
DÆMI UM LÆKKANIR
Bíll Var Er Breyting
VW Golf Treadline 1.6* 2.560.000 2.280.000 -10,94%
Skoda Octavia 1.9. TDI* 3.050.000 2.770.000 -9,18%
Audi A4 TFSI* 5.090.000 4.220.000 -17,09%
Mitsubishi Pajero DID** 5.970.000 5.350.000 -10,39%
KIA Sorento EX 2,5 4.420.000 3.995.000 -9,62%
*BEINSKIPTUR / **SJÁLFSKIPTUR HEIMILD: BIFREIÐAUMBOÐIÐ HEKLA
LÍFFRÆÐI Nú hafa 800 hrognkelsi
verið merkt í hrognkelsaverkefni
BioPol á Skagaströnd. Að sögn
Halldórs G. Ólafssonar,
fram kvæmda stjóra fyrirtækisins,
er búið að merkja 800 hrognkelsi,
mestmegnis grásleppur, en einnig
nokkra rauðmaga. Ætlunin er að
merkja 2.000 hrognkelsi á
vertíðinni. Þetta kemur fram á
vefnum smabatar.is.
Eins og við mátti búast hafa
nokkrar grásleppur verið
endurheimtar nú þegar. Sjómenn
hafa skráð niður veiðistað og
sleppt þeim síðan. Það hefur
vakið athygli að endurheimtur
hafa verið langt frá merkingar-
stað, því búist var við að hrogn-
kelsi myndu hrygna skammt frá
þeim stað sem hún veiddist á. - shá
Nýjung í fiskrannsóknum:
800 hrognkelsi
hafa verið merkt
SJÁVARÚTVEGUR Einar K. Guðfinns-
son, sjávarútvegs- og landbúnað-
arráðherra, sótti í vikunni
sjávarútvegssýningu í Brussel.
Meira en 1.600 fyrirtæki frá um
áttatíu löndum tóku þátt í henni.
Á fjórða tug íslenskra fyrirtækja
kynntu starfsemi sína við þetta
tækifæri.
Í fyrra sóttu 24 þúsund gestir
hana frá 140 löndum. Búist var
við enn fleiri hafi sótt sýninguna í
ár. Þetta er í sextánda sinn sem
efnt er til sýningarinnar sem er
stærsta fagsýning í heimi á sviði
sjávarútvegs.
- shá
Sjávarútvegssýning í Brussel:
40 íslensk fyrir-
tæki tóku þátt
ANDLÁT Albert Hofmann, sviss-
neski efnafræðingurinn sem
uppgötvaði ofskynjunarlyfið
LSD, lést af völdum hjartaáfalls á
þriðjudag, 102 ára að aldri.
Hofmann, sem uppgötvaði LSD
við rannsóknir á læknandi
áhrifum jurtasvepps, framleiddi
lyfið fyrst í þeirri von að hægt
væri að nýta það til að lækna
geðsjúkdóma. LSD varð hins
vegar vinsælt vímuefni á sjöunda
áratugnum, ekki síst vegna áhrifa
frá poppstjörnum og leikurum
sem tóku við það ástfóstri.
LSD hefur verið ólöglegt í
flestum löndum frá síðari hluta
sjöunda áratugarins. - kg
Guðfaðir sýrunnar látinn:
Sýru-Hofmann
fallinn frá
SÝRA Albert Hofmann fann upp LSD.
Innbrot í Gaulverjabænum
Tvisvar var brotist inn í Gaulverjabæj-
arskóla í Flóa í apríl. Í fyrra skiptið
var tveimur Philips-hátölurum og
magnara stolið. Í seinna innbrotinu
var Dell-fartölvu og tveimur geisla-
spilurum stolið. Málin eru óupplýst
og biður lögreglan á Selfossi um
upplýsingar í síma 480-1010.
LÖGREGLUFRÉTTIR
Dýrt rusl
Eigandi tveggja sumarhúsalóða í
Grímsnesi á von á því að þurfa að
greiða tuttugu þúsund krónur á
dag vegna slæmrar umgengni sem
sveitarfélagið hefur lengi en árangurs-
laust reynt að fá hann til að lagfæra.
Eigandi annarrar lóðar þarf að borga
tíu þúsund á dag ef hann fjarlægir
ekki ónýtt hús.
GRÍMSNES