Fréttablaðið - 07.06.2008, Síða 48

● heimili&hönnun
Puerta America flokkast undir svokallað design hotel
eða hönnunarhótel þar sem allt niður í minnstu smá-
atriði eru sérhönnuð til að gera upplifun gestanna
stórfenglegri.
Arkitektar frá öllum heimshornum voru ráðnir
til verksins og fékk hver og einn að hanna eina hæð
á hótelinu alveg eftir sínu höfði. Jean Nouvel, Zaha
Hadid, Marc Newson og Arata Isozaki voru á meðal
þeirra sem komu að verkinu.
Hótelið er tólf hæða og með 342 herbergjum, sem
skiptast í 308 hefðbundin herbergi, 22 minni svítur
og 12 stærri svítur, sem eru á efstu hæð hótelsins, og
öll ríkmannlega búin. Hver hæð er 1.200 fermetrar
og því fékk hver og einn arkitekt nokkuð stórt rými
til að vinna með.
Miklar væntingar voru bundnar við hótelið þegar
framkvæmdir hófust á því árið 2003 og er óhætt að
segja að þær hafi staðist. Puerta America er í alla
staði glæsilegt, enda hefur aðsóknin verið góð síðan
það var opnað árið 2006 þótt verð á gistingu sé ekki í
lægri kantinum.
Allar nánari upplýsingar má finna á www.hotelpu-
ertamerica.com.
- mmr
Öllu tjaldað til
● Puerta America í Madríd þykir vera með glæsilegri hótelum í heimi enda eiga nokkrir af
færustu arkitektum veraldar heiðurinn að hönnun þess.
Hótelið er afar glæsilegt að utan og litadýrðin stórbrotin. Jean Nouvel hannaði bygginguna að utan. MYND/PUERTA AMERICA
Arata Isozaki hannaði þessa dökku og virðulegu setustofu á tíundu hæð hótelsins.
Teresa Sapey hannaði bílastæðahús hótelsins, sem er ekki af verri endanum.
Marc Newson hannaði þennan flotta bar á fyrstu hæð hótelsins.
Kathryn Findlay hannaði áttundu hæð hótelsins, sem minnir nokkuð á geimstöð.
Christian Liaigre hannaði veitingastaðinn á fyrstu hæð hótelsins.
Baðherbergi í einu
herbergja hótelsins
eftir Ron Arad.
Óvenjulegt en flott herbergi sem Zaha Hadid hannaði.
Hluti af svokölluðum Plasma-rýmum
sem einkennir eina hæð hótelsins. Eve
Castro Iraola og Holger Kehne hönnuðu
hæðina.
7. JÚNÍ 2008 LAUGARDAGUR12