Fréttablaðið - 07.06.2008, Page 81

LAUGARDAGUR 7. júní 2008 53
FRJÁLSAR ÍÞRÓTTIR Ísland mun eiga
fjóra keppendur í Norðurlanda-
meistaramóti unglinga í fjölþraut-
um sem fer fram í Jyväskylä í
Finnlandi um helgina og búist er
við góðum árangri enda hafa þess-
ir krakkar staðið sig vel á þessu
móti undanfarin ár.
Krakkarnir koma úr fjórum
félögum en þau eru Einar Daði
Lárusson úr ÍR, Sveinn Elías Elías-
son úr Fjölni, Guðrún María Pét-
ursdóttir, Ármanni og Helga Mar-
grét Þorsteinsdóttir, Breiðabliki.
Þau Einar Daði, Sveinn Elías og
Helga Margrét unnu öll til silfur-
verðlauna í sínum aldursflokkum
á þessu móti í fyrra, en þá keppti
Einar Daði í flokki 17 ára og yngri,
en þau Sveinn og Helga keppa
aftur í sömu aldursflokkum núna.
Á mótinu er keppt í þremur ald-
ursflokkum, 17 ára og yngri, 18-19
ára og 20-22 ára.
„Þrjú af þessum fjórum sem
fara eiga mjög góða möguleika á
að komast á pall eða sigra. Einar
Daði, Sveinn og Helga unnu öll
silfur í fyrra og árið þar á undan
þá vann Sveinn sinn flokk og Einar
varð í þriðja sæti. Þeir voru hvor í
sínum flokknum í fyrra og voru þá
báðir hársbreidd frá því að vinna,“
sagði Þráinn Hafsteinsson, annar
þjálfari krakkanna en þessu sinni
munu þeir félagar keppa innbyrð-
is og því verður Íslendingaslagur
um gullið í ár. - óój
Ísland á fjóra keppendur á NM í fjölþrautum í Finnlandi um helgina og þrjú unnu silfur á mótinu í fyrra:
Eiga góða möguleika á verðlaunum
FJÖGUR GÓÐ SAMAN Sveinn Elías Elíasson, Helga Margrét Þorsteinsdóttir, Guðrún
María Pétursdóttir og Einar Daði Lárusson. FRÉTTABLAÐIÐ/VALLI
EM 2008 Á Evrópumótinu verður
notaður nýr bolti frá Adidas sem
hefur valdið markmönnum
þungum áhyggjum. „Á mótinu
verða skoruð mörk sem myndu
ekki sjást í öðrum keppnum.
Hann breytir stöðugt um stefnu
og til að lenda ekki í vandræðum
er öruggast að kýla boltann í
burtu,“ sagði Þjóðverjinn Jens
Lehmann og hafa fleiri mark-
menn tekið undir þetta. - hþh
EM-boltinn veldur fjaðrafoki:
Markmenn
hafa áhyggjur
ERFIÐUR BOLTI Lehmann hélt þessum
bolta úti. FRÉTTABLAÐIÐ/AFP
FÓTBOLTI Eiður Smári Guðjohnsen
var í gær enn og aftur orðaður
við endurkomu í ensku úrvals-
deildina í breskum fjölmiðlum en
þar eru Newcastle og West Ham
sérstaklega nefnd í því samhengi.
Arnór Guðjohnsen, faðir og
umboðsmaður Eiðs Smára,
staðfesti áhuga frá Englandi á
BBC í gær. „Eitt úrvalsdeildarfé-
lag hefur sýnt Eiði Smára
sérstaklega mikinn áhuga og
hann myndi klárlega skoða
möguleikann á því að snúa aftur
til Englands og spila í ensku
úrvalsdeildinni,“ sagði Arnór.
„Hann á hins vegar enn tvö ár
eftir af samningi sínum við
Barcelona og þó svo að tækifæri
hans með liðinu hafi verið af
skornum skammti á síðustu
leiktíð þá líður honum og
fjölskyldu hans vel í Barcelona.
Hann mun því ekki rjúka til og
taka neina skyndiákvörðun um
framhaldið,“ sagði Arnór. - óþ
Eiður Smári Guðjohnsen:
Enn orðaður
við ensk lið
EFTIRSÓTTUR Arnór Guðjohnsen
staðfesti í gær að enskt lið hefði mikinn
áhuga á Eiði Smára. NORDIC PHOTOS/GETTY
FÓTBOLTI ÍBV er eina liðið með
fullt hús stiga eftir fimm
umferðir í 1. deild karla. Þeir
unnu Fjarðabyggð örugglega 3-0
á heimavelli sínum í gær.
Stjörnumenn unnu góðan sigur á
Þór á Akureyri, 3-0 og Leiknir
Reykjavík og Víkingur frá
Ólafsvík gerðu markalaust
jafntefli í Breiðholtinu.
Njarðvíkingar unnu KA 1-0 á
heimavelli sínum og KS/Leiftur
náði stigi gegn Víkingi R. á
Siglufirði. Þá unnu Selfyssingar
3-1 sigur á Haukum og eru í öðru
sætinu, tveimur stigum á eftir
ÍBV. - hþh
1. deild karla í knattspyrnu:
Eyjamenn með
fullt hús stiga
EYJAMENN Eru einir á toppnum.
FRÉTTABLAÐIÐ/ANTON