Fréttablaðið - 27.06.2008, Blaðsíða 8

8 27. júní 2008 FÖSTUDAGUR
MENNING „Það er reginmisskiln-
ingur að það sé eina eða megin-
hlutverk Bókmenntasjóðs að
styrkja ný íslensk skáldverk,“
segir Njörður Sigurjónsson,
framkvæmdastjóri sjóðsins.
Í blaðinu í gær var því haldið
fram að sjóðurinn hefði ekki
staðið sig sem skyldi að þessu
leyti og var byggt á a-lið 2. grein-
ar laga um Bókmenntasjóð. Þar
stendur að sjóðurinn skuli
„styrkja útgáfu frumsaminna
íslenskra skáldverka“. Síðan er
rætt um önnur verk.
Bókaútgáfan Nýhil hefur kraf-
ist þess að lögmæti síðustu úthlut-
unar Bókmenntasjóðs verði rann-
sakað. Nýhil heldur því fram að
sjóðurinn hafi ekki styrkt „frum-
samin skáldverk“, heldur frekar
endurútgáfur skáldverka og svo
fræðirit og annað.
„En frumsamið skáldverk þarf
alls ekki að vera nýtt skáldverk,“
segir Njörður. Með lagaákvæð-
inu sé einfaldlega verið að vísa til
þess að sjóðurinn eigi ekki ein-
ungis að styrkja þýðingar eða
fræðirit.
Frumsamið íslenskt skáldverk
geti því vel verið endurútgáfa á
eldri íslenskum bókum. „Þetta
þýðir að verkin eiga ekki að vera
þýdd og ekki stolin.“
Njörður segir óumdeilt að
sjóður inn eigi líka að styrkja ný
íslensk skáldverk. Of fáir
umsækjendur hafi þó gert sér
grein fyrir því. Einni milljón
króna verði varið í haust til að
vekja athygli á þessu. Ný skáld-
verk verði þó engu að síður gjald-
geng í öðrum úthlutunum.
„Úthlutunin í vor var alls ekki
stefnumarkandi. Ákvörðun um
styrkveitingu er tekin á grund-
velli þeirra umsókna sem berast.
Þær voru bara of fáar í ár. Engin
þeirra hlaut náð fyrir augum dóm-
nefndar.“
Viðar Þorsteinsson, stjórnar-
formaður Nýhils, fellst ekki á
þessi rök. „Það er með ólíkindum
að þeir haldi þessu fram núna.
Þetta er lagakrókur á móti bragði.
Það sem gerðist er ekki að fáir
hafi sótt um heldur að stóru for-
lögin, hagsmunaaðilarnir, áttuðu
sig ekki á því að sækja um.
Stjórn sjóðsins hefur því skipt
um reglur í miðjum leik. Þetta
hefði frekar átt að vera rík
ástæða til að verðlauna litlu for-
lögin, sem voru vakandi,“ segir
hann. Það hefði vakið athygli
þeirra stóru.
klemens@frettabladid.is
1 Hvar telja menn sig hafa
fundið miltisbrandssýkt dýra-
bein?
2 Hvaða íslenska leikkona
leikur í kvikmyndinni Journey
to the Center of the Earth 3-D?
3 Hvað heitir aðstoðarmaður
Ólafs F. Magnússonar sem talið
er að hætti í starfi á næstunni?
SVÖRIN ERU Á SÍÐU 42
RV
U
n
iq
u
e
0
60
80
1
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Servíettur NexxStyle 39x39cm 80stk, ýmsir litir
Satiné Clean, gólfsápa
Brial Clean, alhliða hreinsiefni
Kristalin Clean, baðherbergishreinsir
Into WC Clean
Lotus eldhúsrúllur Lotus WC pappír
Lotus Maraþon Plus Lotus WC Júmbó
Lotur T-Þurrkur
Lotus V-Þurrkur
Nánar
i upplý
singar
veita s
ölume
nn og
ráðgja
far RV
Umhverfisvottaðar vörur
- fyrir sumarbústaðinn, veiðihúsið og ...
VERSLUN Hornsteinn var lagður að
stærstu byggingarvöruverslun
Norðurlandanna í gær.
„Verslunin verður risavaxin, 22
þúsund fermetrar að flatarmáli.
Við munum bjóða upp á 120
þúsund vörutegundir og vera með
á annað hundrað manns í vinnu.
Áætluð opnun er í desember,“
segir Halldór Óskar Sigurðsson,
framkvæmdastjóri Bauhaus á
Íslandi, sem rekur verslunina.
Björgvin G. Sigurðsson
viðskiptaráðherra lagði horn-
steininn ásamt Halldóri og Mads
Jörgensen, forstjóra fyrirtækis-
ins í Danmörku. - ges
Byggingarvörurisi hérlendis:
Hornsteinn að
verslunarferlíki
HORNSTEINNINN LAGÐUR Viðskipta-
ráðherra lagði hornsteininn ásamt
fulltrúum Bauhaus. FRÉTTABLAÐIÐ/VALLI
DÓMSMÁL Rifrildi um gítar sem
maður þóttist mega fá að láni
endaði með því að sá var dæmdur
í sextíu daga skilorðsbundið
fangelsi.
Maðurinn bankaði upp á hjá
öðrum, gekk að gítar sem lá á
gólfinu fyrir innan hurðina og
hugðist hafa hann á brott með sér.
Húsráðandi reyndi að hindra það
með þeim afleiðingum að hinn
reiddist mjög, nefbraut húsráð-
anda með hnefahöggi og lét högg
dynja á honum með stól.
Ofbeldismaðurinn sagðist hafa
fengið vilyrði frá sambýlismanni
húsráðanda fyrir láni á gítarnum,
en var engu að síður dæmdur. - sh
Skilorð fyrir árás með stól:
Gítarrifrildi fór
úr böndunum
ÞÝSKALAND, AP Þess var minnst í
Þýskalandi í gær að þá voru rétt
sextíu ár liðin frá því loftbrúin svo-
nefnda hófst; fordæmislaus tilraun
til að sjá milljónaborg fyrir öllum
nauðsynjum loftleiðis, en Vestur-
veldin ákváðu að láta á það reyna
eftir að sovéski herinn lokaði öllum
landleiðum að Berlín, að skipan
Stalíns Sovétleiðtoga.
Loftbrúin er oft kölluð fyrsta
orrusta kalda stríðsins, enda tókust
þar Vesturveldin í fyrsta sinn á í
verki við fyrrverandi bandamann-
inn úr stríðinu við Öxulveldin, Sovét-
ríki Stalíns.
Sú þrautseigja sem flugmenn
Bandaríkjamanna, Breta og fleiri
þjóða, sem þremur árum áður
höfðu varpað sprengjum í stórum
stíl á þýskar borgir, sýndu við að
halda úti loftbrúnni gerði íbúum
Berlínar kleift að halda í vonina um
að vera ekki innlimaðir í helsi
Austurblokkar innar sem var að
verða til á þessum tíma. Þannig átti
loftbrúin mikil vægan þátt í að
breiða yfir hin djúpu sár heims-
styrjaldarinnar, í það minnsta hvað
varðar tengsl (Vestur)-Þjóðverja
við Bandaríkjamenn og Breta.
„Hugrekkið sem einkenndi flug-
brúna er aðdáunar vert,“ sagði þýski
varnarmálaráðherrann Franz Josef
Jung í ávarpi við athöfn á herflug-
velli Bandaríkjahers í Wiesbaden.
Loftbrúin flutti í 278.000 flug-
ferðum á tæpum fimmtán mánuð-
um 2,3 milljónir tonna af mat,
kolum, lyfjum og fleiri nauðsynjum
til hernámssvæða Vesturveldanna í
Berlín. - aa
Sextíu ára afmæli samstarfsverkefnis Bandamanna:
Loftbrúnni fagnað
Þörungar en ekki olíubrák
Sjávarbrák við vesturströnd Græn-
lands er líklega þörungavöxtur en ekki
olíubrák, eins og grunur hafði verið
um. Kanadísk yfirvöld höfðu tilkynnt
Grænlendingum um mögulegan
olíuleka og voru flugvél og skip send
á staðinn til rannsóknar.
GRÆNLAND
Fá ný skáldverk í pottinum
Stjórn Bókmenntasjóðs hefur ákveðið að styrkja engin ný íslensk skáldverk í vor vegna fæðar umsókna.
„Stjórnin skiptir um reglur í miðjum leik,“ segir stjórnarformaður Nýhils. Áhöld um hvað sé „frumsamið“.
VIÐAR
ÞORSTEINSSON
NJÖRÐUR
SIGURJÓNSSON
Í athugasemdum með lagafrum-
varpi menntamálaráðherra um
sjóðinn er að finna skilgreiningu á
verkum þeim sem hann styrkir.
„Um er að ræða jafnt skáldverk
sem vönduð fræðirit“ segir um 1.
grein.
Um 2. grein segir að lagt sé til
að sjóðurinn „veiti styrki til útgáfu
frumsaminna íslenskra skáldverka
en enginn opinber sjóður utan
launasjóðs rithöfunda hefur til
þessa sinnt því hlutverki sérstak-
lega“.
Ljóðasöfn og safnrit virðast því
ekki vera dæmi um „frumsamin
íslensk skáldverk“, því Menn-
ingarsjóður styrkti þau sannar-
lega. Dæmi: Safn leikrita Jökuls
Jakobssonar, Ljóðasafn Davíðs
Stefánssonar, Ljóðasafn Matthíasar
Johannessen og fleiri.
Ráðherra áréttar næst að samt
sem áður skuli meginhlutverk
Bókmenntasjóðs vera „að halda
áfram og efla þann stuðning sem
Menningarsjóður hefur veitt til
útgáfu bóka á íslenskri tungu“.
Því var ofsagt í fyrirsögn í blaðinu
í gær að tveimur prósentum fjár
sjóðsins yrði varið í „megintilgang“
hans, það er að styrkja ný skáldverk.
Hins vegar hefur engu fé verið
varið til þess hlutverks sjóðsins,
sem fyrst er tiltekið og skilgreint í
lögum. Nefnilega að styrkja útgáfu
frumsaminna (nýrra!) skáldverka.
Þá segir í lögunum að stjórn
sjóðsins ákveði árlega skiptingu
fjárins á milli viðfangsefna. Því er
stjórnin ekki skyldug til að styrkja
ný skáldverk í hverri úthlutun.
EKKERT FRUMSAMIÐ Í MENNINGARSJÓÐI?
EFNAHAGSMÁL Áhyggjur af
efnahagsmálum hér fara vaxandi
á alþjóðavettvangi, að mati
breska blaðsins Financial Times.
Blaðið dregur upp dökka mynd af
stöðu mála. Efnahagslífið hér hafi
ofhitnað og mikill samdráttur sé í
vændum. Bent er á að skulda-
tryggingarálag ríkisins hafi farið
hækkandi og sé nú 270 punktar.
Skuldatryggingarálag hjá
bönkunum hafi líka farið hækk-
andi.
Financial Times segir að
slæmar fréttir af efnahagsmálun-
um hafi meðal annars haft áhrif á
gengi krónunnar, sem hafi farið í
sögulega lægð í vikunni. - ikh
Áhyggjur af efnahag landsins:
Dregin upp
svört mynd
Vill Færeyjar í Hvalveiðiráðið
Formaður færeyska Þjóðarflokksins,
Jörgen Niclasen, hefur lagt til að Fær-
eyingar og Grænlendingar taki sæti
í Alþjóðahvalveiðiráðinu í stað Dana
sem nú sitja þar fyrir hönd þjóðanna.
FÆREYJAR
MINJAVERND Borgarráð hefur
afsalað Garðastræti 23, Vaktara-
bænum svokallaða, í hendur
Minjaverndar hf. Húsið verður
gert upp í upprunalegri mynd, en
það er talið vera frá árunum
1844-48. Það er líklega fyrsta
timburhús Grjótaþorpsins utan
Innréttinganna.
Reykjavíkurborg keypti húsið
í janúar, en þá var búið að sækja
um leyfi til að rífa það. Kaupverð
var 25 milljónir króna, auk hluta
af lögfræðikostnaði seljenda.
Minjavernd tekur við húsinu í
núverandi ástandi og sér um fjár-
mögnun endurbyggingarinnar. Á
lóð hússins eru leifar gamla torf-
bæjarins í Grjótaþorpi og mun
Minjavernd bera þann kostnað
sem hlýst af fornleifakönnun.
Komi til fornleifarannsóknar ber
Reykjavíkurborg af henni allan
kostnað.
Vaktarabær dregur nafn sitt af
Guðmundi vaktara Gissurarsyni.
Hann bjó í Grjóta, af hverjum
Grjótaþorpið dregur nafn sitt, en
hússins var fyrst getið sem
skemmu við þann bæ.
Byggt var við húsið árið 1860
og aftur 1880 og komst það þá í
þá stærð sem það nú er í. Síðar
eignaðist Stefán Egilsson það,
faðir Sigvalda Kaldalóns og Egg-
erts Stefánssonar. Sigvaldi fædd-
ist í húsinu og bjó þar fyrstu átta
ár ævi sinnar.
- kóp
Minjavernd fær eitt fyrsta timburhús Grjótaþorpsins:
Vaktarabærinn endurgerður
VAKTARABÆR Húsið er talið einstakt í
menningarsögulegu tilliti og verður gert
upp í upprunalegri mynd.
N
O
R
D
IC
PH
O
TO
S/
A
FP RÚSÍNUR Í STAÐ SPRENGNA
Gail Halvorsen var einn
flugmanna Bandaríkjahers
sem tóku þátt í loftbrúnni.
Hér er hann kampakátur í
gamla búningnum sínum við
gömlu Douglas Dakota-vélina
í Frankfurt í gær.
Það er reginmisskilningur
að það sé eina eða megin-
hlutverk Bókmenntasjóðs að
styrkja ný íslensk skáldverk.
NJÖRÐUR SIGURJÓNSSON
FRAMKVÆMDASTJÓRI SJÓÐSINS
VEISTU SVARIÐ?