Fréttablaðið - 27.06.2008, Blaðsíða 52

díana mist
bland
í gær og á morgun ...
FÖSTUDAGUR:
Svaf yfir mig eftir uppákomur nætur-
innar. Hrökk upp með andfælum við
söng í garðinum. Hef verið með óþol-
andi aðdáanda á bakinu í nokkur ár
sem virðist ekki ætla að gefast upp.
Sem betur fer er hann á sjónum eigin-
lega allan ársins hring og því þarf ég
ekki kvarta mikið. Nú var félaginn
kominn í land og gólaði Undir blá-
himni. Fyrst hélt ég að ellilífeyrisþeg-
inn á neðri hæðinni hefði misst vitið
en þegar ég gægðist út um gluggann
sá ég sjóarann á grasflötinni á hlýra-
bol og örugglega tuttugu kílóum þyngri
en síðast. Beið og vonaðist til að ein-
hver í blokkinni myndi hringja í lög-
regluna og tilkynna um ísbjarnarfund
á höfuðborgar svæðinu. Ekkert gerð-
ist og eftir 20 mínútur, þegar vinurinn
var búinn að kyrja öll Eyjalögin og var
byrjaður aftur á byrjuninni, hringdi ég
í lögregluna og bað hana um að fjar-
læga flykki með óspektir úr garðinum
mínum. Þegar söngurinn hafði loksins
þagnað gat ég ekki sofnað út af ljóð-
línunum „þú ert ljósblik á himni mínum,
þú ert ljóð mitt og stjarna í kvöld“.
Sofnaði ekki fyrr undir morgun. Dagur-
inn var sem betur fer frekar rólegur í
vinnunni og því var ekkert því til fyrir-
stöðu að taka kvöldið með stæl. Eftir
hámarksfegrunaraðgerðir og dágóða
uppáhellingu héldum við á Organ þar
sem hljómsveitin Singapore Sling spil-
aði enda veitti mér ekki af að eyða
tónlistaratburði næturinnar úr eyrum
mínum. Singapore Sling gerði það
svo sannarlega og áður en ég vissi af
hafði ég gleymt sjóaranum úr Eyjum
sem var með tattúerað nafnið mitt á
upphandleggnum. Það var fullt út úr
dyrum og margir sem höfðu bersýni-
lega beðið þessara tónleika með mikilli
eftirvæntingu. Þar var allir liðar hljóm-
sveitarinnar Kimono, Hallberg sem var
í Jakobínurínu, rithöfundurinn Einar
Kárason, hönnuðurinn og myndlistar-
maðurinn Jón Sæmundur Auðarson,
stílistinn Agnieszka og ljósmyndararn-
ir Einar Snorri og Eiður Snorri. Ég hélt
gleðinni áfram langt fram eftir morgni,
endaði í tveimur eftirpartíum og þegar
ég staulaðist heim voru Garðabæjar-
fjölskyldurnar mættar á rúntinn á
Laugaveginum. Mér leið eins og
ég væri aftur orðin 17 ára. Vel
hressandi.
LAUGARDAGUR:
Náði stuttum en þó endurnærandi
blund áður en ég fór á landsleik
kvennalandsliðsins í fótbolta. Ég hef
nú aldrei verið neinn sérstakur aðdá-
andi íþrótta en við vinkonurnar vorum
allar sammála um það að leggjast á
eitt og styðja stelpurnar og fjölmennt-
um því á völlinn í pinnahælum og með
bjór í poka eins og alvöru fótbolta-
bullur. Við lentum fyrir framan stuðn-
ingssveitina Tólfuna og lærðum þar
af leiðandi fullt af stuðningsslögurum
og létum ekki okkar eftir liggja í að
hvetja okkar konur. Það gerði sömu-
leiðis stjarnan í Kastljósi, Helgi Seljan
og tilvonandi eiginkona hans Katrín
Bessadóttir, en þau mættu á völlinn
með nokkurra mánaða gamla dótt-
ur sína. Eftir góðan leik héldum við al-
sælar og fullar stolts á Austurvöllinn
og skáluðum í hvítvíni fyrir stelpunum.
Austurvöllurinn var pakkaður af létt-
klæddu fólki sem blés á kaldan vind-
inn. Þar var leikkonan Harpa Arnar-
dóttir, leikarinn og leikstjórinn Björn
Hlynur ásamt kærustunni sinni og
framkvæmdastjóra Vesturports, Rakel
Garðars dóttur. Við vinkonurnar vorum
orðnar vel heitar eftir daginn og timb-
urmennirnir mínir hurfu eins og dögg
fyrir sólu á þessum suðupunkti. Létt-
klæddar á Austurvellinum ákváðum
við að taka smáborgarann alla leið og
grilla heima hjá mér. Eftir grillæsing-
inn skildum við smáborgarahaminn við
okkur og skelltum okkur á Kaffibarinn
en þar var blásið til fagnaðar vegna út-
komu Barflies. Kaffibarinn stóð undir
væntingum þetta kvöldið. Dj Margeir
þeytti skífunum en tónlistin var öll frá
1994 og minnti því svo sannarlega á
gullaldarárin á Kaffibarnum. Það voru
margir sem létu sjá sig á barnum ást-
sæla þetta kvöld sem hafa ekki sýnt
sig þar í áratug. Þar voru vinkonurn-
ar Oddný Sturludóttir borgarfulltrúi og
leikstýran Silja Hauksdóttir, Filippía El-
íasdóttir fatahönnuður, Jói franski í Li-
borius, fatahönnuðurinn Harpa Einars-
dóttir, Nína Björk og Singapore-liðarnir
Henrik Björnsson og Bíbí bassaleik-
ari. Ég hitti aftur gamlan Kaffibarsséns
og við ákváðum að rifja upp á gamla
takta þó ekki á dansgólfinu eða í stig-
anum og héldum því heim á leið. Ég
rankaði við mér um morguninn og
leið eins og ég væri 17 ára annan
daginn í röð með gamla félagann
mér við hlið. Þegar allt kom til
alls hafði hann kannski ekki
elst svo illa.
FÖSTUDAGUR:
Carl Craig, einn af upphafsmönnum
danstónlistarinnar eins og við þekkj-
um hana, spilar á Tunglinu á Party
Zone-kvöldi. Tónleikarnir hefjast
kl. 23.
LAUGARDAGUR:
Tónleikar Nátturu, þar sem fram koma Björk,
Sigur Rós og Ólöf Arnalds, verða haldnir í Laugar-
dalnum nánar tiltekið í Þvottalaugabrekkunni.
Tónleikarnir hefjast kl. 17.
H
E
L
G
IN
Margrét Kristín Sigurðardóttir,
tónlistarkona, betur þekkt sem Fabúla
„Dýrmætustu
gjafirnar sem
ég hef feng-
ið frá börnun-
um mínum og
systrum mínum
eru þeir munir
sem ég myndi
fyrst bjarga ef
kviknaði í.“
„Ég gæti ekki
verið án kossa.
Stelpan mín
er á leiðinni
í sumarbúðir
á morgun og
við ætlum að
birgja okkur
upp af forða
áður en hún
fer.“
„Ég keypti þessa „vintage“-skó fyrir mörgum árum og
hef látið sóla þá örugglega 700 sinnum. Mér finnst gaman
að vera á hælum, en þar sem ég á erfitt með að ganga
hægt eru svona skór, með hælum og palli svo fóturinn sé
í nokkurn veginn eðlilegri stöðu, fullkomnir fyrir mig.“
„Verð að fá kjöt nokkuð oft til að róa mig
niður. Lambakjötið er best.“
„Kók. Mmmmmm,
enginn dagur án
þess.“
„Píanóið mitt er dýrmætasta jarðneska eignin mín. Það
hefur samið með mér flest lögin mín. Vildi að ég gæti
skellt því á bakið og borið það með mér hvert sem er.“
„Ég keypti þetta hjól fyrir stuttu og hef varla farið
af baki. Það er lauflétt, lipurt og gíralaust, sem
gerði það að verkum að ég enduruppgötvaði
trikkið að hjóla standandi upp brekkur. Finnst ég
vera orðin átta ára aftur.“
TOPP
10
„Ég hef alltaf verið
mikið fyrir höfuðföt
og á dágott safn. Ein-
staka höfuðfat á það
til að gróa við mig í
ákveðinn tíma eins og
þessi hattur.“
„Plötusafnið. Til-
finningahafsjórinn
og áhrifavaldarnir.
Efst liggja diskarnir
með útvarps-
prógrömmunum
hennar mömmu,
Jóhönnu G. Möller,
en röddin hennar
framkallar bæði tár
og gæsahúð.“
„Portobello-
pelsinn minn.
Þessi kætir
kuldaskræfuna
í mér. Ég fann
hann á
Portobello
Market í
London, sem
er sá staður
sem mér finnst
hvað best
fallinn til
fjársjóðsleitar
eftir að
öskuhaugarnir
úti á Granda
voru lagðir
niður.“
14 • FÖSTUDAGUR 27. JÚNÍ 2008