Fréttablaðið - 10.07.2008, Side 36

10. JÚLÍ 2008 FIMMTUDAGUR4 ● fréttablaðið ● suðurland
Nóg verður um að vera á
Þjóðhátíð í Eyjum um verslun-
armannahelgina en miðasala
fór snemma af stað í ár.
Að sögn Friðbjörns Ó. Valtýssonar,
framkvæmdastjóra ÍBV íþrótta-
félags og meðlims í þjóðhátíðar-
nefnd, verður hátíðin með hefð-
bundnu sniði í ár. „Hún er komin
í svo góðan farveg hjá okkur að
hún breytist lítið frá ári til árs.
Við verðum þó í fyrsta sinn með
kaffitjald þar sem hægt verður að
kaupa kaffi og meðlæti.“
Aðsóknin í ár virðist ætla að
verða mjög góð en að sögn Frið-
björns er ánægjulegt hversu
snemma hún fór af stað. „Okkur
hlakkar til að fá fólk í heimsókn,
unga sem aldna. Engin aldurstak-
mörk verða inn á tjaldstæði eða
annar staðar. Við höfum verið svo
heppin með fólk hingað til að þess
hefur ekki þurft.“
Mikil vinna hefur verið lögð í
skemmtidagskrána, sem er sér-
staklega vönduð á sunnudeginum
að mati Friðbjörns. „Við verðum
með frábæra skemmtikrafta síð-
asta daginn fyrir þá sem þá vilja
koma, en annars viljum við helst
fá fólk strax á fimmtudeginum.
Stemningin hérna í Eyjum byrjar
yfirleitt mánudaginn fyrir Þjóð-
hátíð þannig að hér verða allir
komnir í góðan gír þegar hátíðin
hefst.“ Og dagskráin ætti að höfða
til allra aldurshópa. „Það má
segja að við séum með rjómann
af öllu því besta fyrir fólk á öllum
aldri.“
Að sögn Friðbjörns er ætíð
öflug löggæsla á Þjóðhátíð. „Við
erum með ólíka hópa sem annast
gæslu: sjúkraflutningamenn, lög-
reglu og foreldravakt, en undan-
farin ár hefur hátíðin gengið vel
fyrir sig og erum við mjög ánægð
með það.“
Nánari upplýsingar eru á
heimasíðunni www.dalurinn.is.
- kka
Rótgróin en alltaf góð
Á móti Sól mun spila fyrir gesti.Það er engin Þjóðhátíð án flugeldasýningarinnar góðu.
Það er ætíð góð stemning í Eyjum á Þjóðhátíð.
Þjóðhátíðin í Vestmannaeyjum
verður haldin í 134. skiptið í
ár. Þjóðhátíð í Herjólfsdal var í
hér áður fyrr haldin um miðjan
ágúst, en hún er arfur frá þjóð-
hátíðinni 1874, þegar haldin var
hátíð í dalnum 2. ágúst, eins og
víða um landið. Þegar fagna átti
þúsund ára afmæli þjóðarinnar
á Þingvöllum komust Eyjamenn
ekki upp á fastalandið vegna
veðurs og héldu því sína eigin
þjóðhátíð. Þjóðhátíð var aftur
haldin í Eyjum árið 1901 og
hefur hún verið haldin nánast
samfellt síðan.
Páll Óskar
mun bæði
syngja og
þeyta skíf-
um í Eyjum
í ár.
Í svörtum
fötum heldur
uppi fjörinu í
Eyjum í ár.
„Núna erum með til sýnis nýja
gripi sem gefnir hafa verið til Sjó-
minjasafnsins. Meðal annars mjög
merka, handskrifaða bók þar sem
gefur að líta húsalýsingar frá því
snemma á 20. öld. Einnig erum við
með málverk sem okkur var gefið
sem sýnir húsin á Eyrarbakka
í byrjun 20. aldar í sínum réttu
litum.“
Þetta er haft eftir Lýð Pálssyni,
forstöðumanni Sjóminjasafnsins á
Eyrarbakka, þar sem hægt er að
finna ýmsa áhugaverða hluti frá
Eyrarbakka sem tengjast sjósókn,
iðnaði og félags- og menningar-
sögu síðustu 100 ára.
Að hans sögn má rekja tildrög
safnsins til þess að aldraður skip-
stjóri tók sig til fyrir fimmtíu
árum og fór að safna alls kyns
áhugaverðum gripum. Hann kom
meðal annars í hús stóru áraskipi
sem lá í fjörunni og er það skip-
ið Farsæll, sem er nú einn helsti
gripur safnsins.
Á Sjóminjasafninu er einnig að
finna ýmsa aðra merka hluti sem
varpa ljósi á fortíð Eyrarbakka
og eitt hornið haft undir alls kyns
áhugaverðar sýningar, eins og
fyrr sagði. „Sjóminjasafnið bygg-
ist upp á einni stórri grunnsýn-
ingu en í einu horni sýningarsal-
arins eru breytilegar sýningar,“
segir Lýður. - stp
Hófst með söfnunarglöðum sjómanni
Sjóminjasafnið á Eyrarbakka leggur
áherslu á sjósókn, iðnað og félags- og
menningarsögu svæðisins síðustu 100
ár. MYND/LINDA ÁSDÍSARDÓTTIR
Sögu- og ljósmyndasýning stendur nú yfir í anddyri Sundlaugar-
innar í Laugaskarði í Hveragerði í tilefni af 70 ára afmæli laug-
arinnar.
Sundlaugin var byggð í sjálfboðavinnu og var vatni hleypt í
hana í júnímánuði árið 1938. Unmennafélag Ölfushrepps beitti
sér hvað mest fyrir því að laugin var gerð og lögðu félagsmenn
fram mikla vinnu í verkið. Lárus Rist sundkappi flutti til Hvera-
gerðis árið 1936 og hann var mikill liðsauki og tók forystu við
uppbyggingu laugarinnar og réði meðal annars um staðarvalið.
Um tíma var laugin stærsta sundlaug landsins og íslenska
landsliðið í sundi æfði í lauginni allt til ársins 1966 þegar Laugar-
dalslaugin í Reykjavík kom til sögunnar.
Upphaflega var laugin aðeins 25 metrar en er nú 50 metra
löng og 12 metrar á breidd. Laugin er svokölluð gegnumrennslis-
laug og er hituð upp með jarðgufu sem tryggir eðlilegt sýrustig
og hreinleika vatnsins. Í lauginni er heit og grunn setlaug ásamt
heitum potti með rafmagnsnuddi og svo er að finna þarna nátt-
úrulegt gufubað. Laugin er í fallegu umhverfi og góðu skjóli.
Alltaf er gæslumaður á vakt og svo er einnig sjónvarpskerfi
þar sem hægt er að fylgjast með og tryggja öryggi sundgesta
eins vel og hægt er.
Hveragerðisbær annast rekstur og viðhald á sundlauginni.
- mmr
Var eitt sinn sú stærsta
Sundlaugin í Laugaskarði þjónar vel íbúum Hveragerðis.
MYND/ÚR SAFNI HVERAGERÐISBÆJAR
Auglýsingasími
– Mest lesið