Fréttablaðið - 23.08.2008, Qupperneq 6

6 23. ágúst 2008 LAUGARDAGUR
„Þetta er ótrúlega flott frammi-
staða hjá strákunum,“ segir
Bjarni Friðriksson, júdókappi og
bronsverðlaunahafi frá Ólympíu-
leikunum í Los Angeles 1984, um
árangur landsliðsins í handknatt-
leik.
„Ég fylgdist auðvitað með
leiknum en hafði ekki taugar til
að horfa á hann allan,“ segir
Bjarni. Hann hafi því reynt að
finna sér eitthvað að gera heima
við en horft á leikinn með öðru
auganu.
„Þetta er búin að vera ótrúleg
sigurganga og engin heppni. Að
vinna heimsmeistarana og gera
jafntefli við Evrópumeistarana.“
Hann segir allan hópinn eiga lof
skilið, bæði leikmenn, þjálfara og
aðra sem að liðinu standa.
„Maður sér hvað það er gaman
hjá þeim þarna á vellinum, það
geislar af þeim og þeir gefa allt í
leikinn,“ segir Vala Flosadóttir,
stangarstökkvari og bronsverð-
launahafi frá Ólympíuleikunum í
Sydney 2000.
„Nú er það bara silfur eða gull.
Ég óska þeim góðs gengis og auð-
vitað væri frábært ef þeir næðu
að vinna gullið.“ Vala býr í Lundi
í Svíþjóð þar sem margir Íslend-
ingar eru við nám. „Ég er alveg
viss um að sjá íslenska fána í
bænum á sunnudaginn, sama
hvernig gengur,“ segir Vala.
Vilhjálmur Einarsson, silfur-
verðlaunahafi frá Ólympíuleikun-
um í Melbourne 1956 segir árang-
ur landsliðsins stórkostlegann.
„Ég er í sjöunda himni,“ segir Vil-
hjálmur og bætir við að hann hafi
horft á alla leiki landsliðsins á
Ólympíuleikunum í Peking.
„Ég held að stemningin sem
strákarnir hafa náð í liðinu sé
alveg sérstök og mjög líkleg til að
skila þeim sigri. Ég vona bara að
þeir fari ekki að hugsa of mikið
um gullið fyrr en það er komið.“
Hann segir mikilvægt fyrir leik-
menn að hugsa um leikinn, um
augnablikið og halda einbeiting-
unni. „Leikmennirnir eru svo
skemmtilega ólíkir og fjölhæfir
sem ég tel vera lykilþátt í árangri
þeirra.“
olav@frettabladid.is
Þórkatla Aðalsteinsdóttir:
Sameinar og
gerir okkur
sterkari
„Þetta sameinar okkur,“ segir
Þórkatla Aðalsteinsdóttir sálfræð-
ingur um árangur landsliðsins.
„Mér sýndist ég sjá það þegar ég
horfði á leikinn, á matsölustað með
fullt af ókunnugu fólki. Bæði ungir
og aldnir voru farnir að hoppa upp
og klappa í takt og horfa tárvotum
augum hver á annan. Þetta virðist
ryðja úr vegi alls konar hindrunum
sem eru dagsdaglega á milli okkar.
Það er það yndislega við það þegar
svona vel gengur, þetta þjóðarstolt
sem er svo góð tilfinning. Stækkar
okkur öll og gerir okkur sterkari.“
Þórkatla segir árangurinn ekki
síst mikilvægan á þessum erfiðu
tímum í efnahagslífinu. „Við eigum
svolítið í vök að verjast og þurfum
að halda vel á spöðunum. Þá er gott
að það gangi svona vel á einhverj-
um öðrum vígstöðvum. Þetta lið er
mikið sameiningartákn fyrir
landið, tákn um styrk og snerpu og
klókindi.“ - þeb
BJARNI FRIÐRIKSSON Vann til brons-
verðlauna í júdó á Ólympíuleikunum í
Los Angeles árið 1984.
VALA FLOSADÓTTIR Vann til bronsverðlauna í stangarstökki á Ólympíuleikunum í
Sydney árið 2000.
VILHJÁLMUR EINARSSON Þar til í gær
hafði Vilhjálmur náð lengst Íslendinga á
Ólympíuleikum þegar hann vann silfur-
verðlaun í þrístökki á Ólympíuleikunum
í Melbourne árið 1956.
Fjölhæfni leikmanna
er lykill að velgengni
Íslenskir Ólympíuverðlaunahafar gleðjast yfir árangri handknattleikslandsliðs-
ins á Ólympíuleikunum í Peking. Þeir telja liðið vel geta sigrað í úrslitaleiknum
en mikilvægt sé að halda einbeitingunni. Stemningin í liðinu sé alveg sérstök.
HANDKNATTLEIKSLIÐ ÍSLANDS Í ÚRSLIT Á ÓLYMPÍULEIKUNUM
Nám með starfi
Borgarholtsskóli býður kvöldskólanám í
málm- og véltæknigreinum.
Síðasti innritunardagur er í dag,
laugardag kl. 11-14
Eftirtaldar greinar eru í boði:
Málmsuða: HSU, LSU, RLS og RSU
Málmsmíðar: HVM, PLV, VVR og REN
Teikningar: GRT, CAD, TTÖ og ITM
Véltækni: AVV, VFR og VÖK
Fagbóklegt: RAT, RÖK, EÐL og MRM
Kennt verður virka daga frá 18:10 til 22:30
og laugardaga frá 8:10 til13:50
Kennsla hefst 25. ágúst.
Nánari upplýsingar eru á
www.bhs.is og í síma 5351716
ÞÓRKATLA Horfði á leikinn með
ókunnugum sem og kunnugum og segir
árangurinn sameina og ryðja úr vegi
hindrunum.
„Ég er alveg í skýjunum yfir
þessu. Það er stórkostlegt að þetta
skuli ganga svona vel en þó held
ég að þetta sé ekki tilviljun,“ segir
Stefán Eggertsson læknir og faðir
Ólafs Stefánssonar fyrirliða
íslenska landsliðsins.
Stefán segir Ólaf ábyggilega
hafa mjög góð áhrif á félaga sína
almennt séð. „Það hefur ekki farið
leynt að hann hugsar mikið um
andlega hluti og menn geta áorkað
ýmsu með þvílíkum þankagangi.
Sálarhliðin skiptir miklu máli og
það verður ekki horft fram hjá
því,“ segir Stefán. - vsp
Faðir Ólafs Stefánssonar:
Sálarhliðin
skiptir miklu
„Við fögnum öll yfir þessum
undraverða árangri,“ segir Karl
Sigurbjörnsson, biskup Íslands.
Hann segir að afreksmennirnir
hafi sýnt okkur hverju góður
liðsandi, jákvæðni og drenglyndi
fær áorkað. Það sé þjóðinni allri
mikilvæg áminning. „Auðvitað
mun ég og fjölskyldan öll horfa á
leikinn á sunnudagsmorgun og
vera með drengjunum okkar í
anda, stolt og glöð yfir þeim.“
Samkvæmt upplýsingum frá
Biskupsstofu bilaði netútsending
ruv.is og því var ekki hægt að
horfa á leikinn þar. - vsp
Biskupinn hvetur strákana:
Netið klikkaði
á Biskupsstofu
Ísland verður á sunnudag lang-
fámennasta þjóðin frá upphafi sem
unnið hefur til verðlauna í hópíþrótt
á Ólympíuleikum. Íslendingar hafa
tryggt sér silfurverðlaun í hand-
bolta og eiga möguleika á gullverð-
laununum.
Fámennasta þjóðin sem fram til
þessa hefur unnið til verðlauna í
hópíþrótt er Trínidad og Tóbagó, en
þjóðin vann bronsverðlan í 4x400
metra boðhlaupi karla á leikunum í
Tókýó árið 1964. Þjóðina mynda ríf-
lega milljón manns. Þess ber þó að
geta að boðhlaup er sjaldnast talið
til hefðbundinna hópíþrótta.
Næstfámennesta þjóðin í þess-
um hópi eru Slóvenar, en fjögurra
manna teymi þeirra hlaut brons-
verðlaun í róðri á leikunum í Bar-
celona árið 1992. Slóvenar eru rúm-
lega tvær milljónir.
Þá má geta þess að Íslendingar
eru fimmta fámennasta þjóðin sem
yfirhöfuð hefur unnið til verðlauna
á sumarólympíuleikum. Sú fámenn-
asta er Bermúda, þar sem búa um
66 þúsund manns, en Bermúdabúar
eignuðust sinn fyrsta og eina verð-
launahafa þegar þeir unnu brons-
verðlaun í hnefaleikum í Montréal
árið 1976. - sh
Verðlaun fyrir hópíþróttir á Ólympíuleikum:
Ekki til fámennari þjóð
sem stigið hefur á pall
JAXLARNIR ÞRÍR Varnarjaxlarnir Ingimundur Ingimundarson og Sigfús Sigurðsson,
ásamt línumanninum Róberti Gunnarssyni fagna sigri. FRÉTTABLAÐIÐ/VILHELM