Fréttablaðið - 23.08.2008, Page 54

34 23. ágúst 2008 LAUGARDAGUR
NÍNA BJÖRK HLÖÐVERSDÓTTIR Ljósmyndaáhuginn kviknaði á unglingsárunum en ef Nína væri ekki ljósmyndari væri hún kannski arkitekt.
FRÉTTABLAÐIÐ/GVA
Hvenær varstu hamningjusömust?
Fjórum sinnum uppi á fæðingar-
deild og einu sinni í kirkju.
Hvað er það dýrasta sem þú
hefur nokkurn tímann keypt þér?
Húsið mitt.
Hvað er það versta sem nokkur
hefur sagt við þig? Get bara ekki
munað eftir neinu … Kannski er ég
bara svona indæl.
Ef þú byggir ekki í Reykjavík
hvar myndirðu vilja búa? Stórborg
eða í litlu ítölsku þorpi.
Hvað ætlarðu að sýna á sýning-
unni „Engan tölvupóst – takk“?
Ljósmyndir af póstkössum sem ég
hef rekist á víða um heim.
Hvers vegna póstkassar? Þeir
eru svo fjölbreyttir, fyndnir, fal-
legir og kúl!
Hvernig og hvenær kviknaði
áhugi þinn á ljósmyndun? Þegar ég
var unglingur. Kom bara einhvern
veginn aldrei annað til greina.
Ef þú værir ekki ljósmyndari
hvað myndirðu þá vera? Kannski
arkitekt. Elska skugga, ljós og
línur.
Hvert er versta starf sem þú
hefur nokkurn tímann gegnt?
Sjoppa sem var á frekar mikið
sveittum stað í miðborginni.
Uppáhaldsstaðurinn þinn á
jörðinni? Heimilið mitt með strák-
unum mínum fjórum og eigin-
manni.
Draumahelgin þín í einni setn-
ingu? Las Vegas – rómó og stuð.
Hvers konar tónlist hefur mest
áhrif á þig og hvaða lag hlustarðu
mest á í dag? Mismunandi eftir
skapi. Hlusta núna mikið á Adele
og Sigurð Guðmundsson og Mem-
fismafíuna.
Ef þú ættir tímavél, hvert
myndurðu fara og af hverju?
Sjötti áratugurinn var eitthvað
svo saklaust og krúttlegt tímabil.
Er eitthvað sem heldur fyrir þér
vöku á nóttunni? Lestur eða sjón-
varp.
Ef þú gætir breytt einhverju í
fortíð þinni, hvað myndi það vera?
Nákvæmlega ekki neinu.
Hvenær fékkstu síðast
hláturskast og hvað var svona
fyndið? Upprifjun um unglingsár-
in með vinkonu minni mjög nýlega
– tárin láku.
Áttu þér einhverja leynda nautn?
Umm … Nóa konfekt.
Uppáhaldsbókin þessa stundina?
Harry Potter er á náttborðinu.
Hvaða núlifandi manneskju lítur
þú mest upp til? Allra þeirra sem
mér þykir vænt um. Flott og hug-
rakkt fólk. Get ekki gert upp á
milli.
En hvaða núlifandi manneskju
þolirðu ekki?Að þola ekki er svo
stórt orð.
Uppáhaldsorðið þitt?Okeibb.
Hvaða eitt atriði myndi full-
komna lífsgæði þín? Fleiri klukku-
stundir í sólarhringnum eða hrein-
gerningarkona.
Hvaða frasa ofnotar þú? „Ertu
ekki að grínast!!“
Hvað er næst á döfinni?Það er
spurning …
Hvaða lag ætti að spila í jarðar-
förinni þinni? Nína og auðvitað í
flutningi Stebba og Eyva.
Ljósmyndasýning Nínu, „Engan
tölvupóst - takk“, verður opnuð í
Galleríi Sævars Karls í dag. Sýn-
ingin stendur til 23. september.
Til í að búa í ítölsku þorpi
Nína Björk Hlöðversdóttir hefur starfað sem ljósmyndari um árabil. Í dag opnar hún sína aðra einkasýningu í Galleríi Sævars
Karls og sýnir þar myndir af póstkössum sem hafa orðið á vegi hennar víða um heim. Fréttablaðið tók Nínu í þriðju gráðu yfir-
heyrslu.
■ Á uppleið
Þjóðarstoltið. Klárlega á uppleið
með góðu gengi Íslands í hand-
boltanum.
Dorrit forsetafrú. Alltaf
smart og valdi skó í stíl við
Ólympíupassann sem hún
bar um hálsinn. Ísland er
stórasta land í heimi!
Sultugerð. Allir
í berjamó. Svo
skemmtilegt fyrir
fjölskylduna, stóra
sem smáa, að
sitja yfir pottum
og sultukrukkum.
Kettir. Bráð-
nauðsynlegir til
að kúra með á
dimmum haust-
kvöldum.
■ Á niðurleið
Veggir á Facebook.
Annarlegt að lesa samskipti
vina og kærustupara sem
kjósa að nota þennan miðil
til að eiga samskipti við hvort
annað. Fyrir allra augum.
Grill. Tími kótiletta í rauðum msg-legi er form-
lega liðinn. Inn með súpurnar.
Meirihlutar. Og það þykir
ekki mjög merkilegt
að vera borgarstjóri
lengur.
Banda-
skór,
opnar tær og
sandalar. Svona
lagað gengur
bara ekki undir
byrjun septem -
ber mánaðar.
MÆLISTIKAN
ÞRIÐJA GRÁÐAN
FULLT NAFN: Nína Björk Hlöð-
versdóttir.
FÆÐINGARÁR: 1967, árið sem
Bítlarnir gáfu út Sgt. Peppers
Lonely Hearts Club Band.