Fréttablaðið - 23.08.2008, Síða 68

48 23. ágúst 2008 LAUGARDAGUR
folk@frettabladid.is
> ÖRLÁTUR GEORGE
George Clooney keypti nýjan bíl,
fyrir 14 þúsund evrur, handa öku-
manni sem hann keyrði aftan á í Ít-
alíu. Clooney tók á sig alla sök
með slysið og var fljótur að
finna konunni nýjan bíl.
Undir rúðuþurrkunum mátti
finna afsökunarbréf hans,
en þar stóð: „Mér þykir
þetta afar leitt, ég vona að
þú getir fyrirgefið mér.“
Fimm myndlistarkonur sem
kynntust á blogginu fyrir
einu og hálfu ári ætla að
halda samsýningu í Ráðhúsi
Reykjavíkur sem verður
opnuð 30. ágúst.
„Við erum allar bloggvinkonur.
Ég bjó á Englandi, tvær hafa verið
á Spáni, ein í Grikklandi og ein í
Reykjavík,“ segir myndlistarkon-
an Katrín Snæhólm. „Við ætlum
að hittast, sumar í fyrsta skipti á
ævinni, til að halda sýninguna
saman og erum búnar að skipu-
leggja hana í gegnum netið.“
Katrín segir sýninguna sérstak-
lega spennandi því þær komi hver
úr sinni áttinni og séu enn þá að
kynnast. „Það er fullt af bloggvin-
um sem eru spenntir að koma.
Þetta sýnir líka hvað bloggið er
frábært. Það tengir saman fólk
sem er að gera svipaða hluti.
Maður kynnist öðrum sem eru að
vinna að skapandi verkefnum sem
maður hefði kannski aldrei kynnst
annars.“
Ekki bundin af listaelítu
Á blogginu hefur Katrín tekið
þátt í samsýningum, auk þess
sem hún opnaði þar kortaverslun
þar sem hún selur eigin kort.
Einnig selur hún eftirprentanir
af málverkum sínum í gegnum
bloggið. „Netið er frábær vett-
vangur fyrir listamenn. Ég hef
heyrt það á öðrum listamönnum
að það séu ákveðnir aðilar sem
stjórna því hvert þú kemst og
hvar þú getur sýnt, enda hafa
myndlistarmenn tjaldað í Hljóm-
skálagarðinum í mótmælaskyni
yfir því að komast hvergi að. En í
gegnum netið geturðu komið þér
sjálfur á framfæri og ert ekki
endilega bundinn af einhverri
listaelítu,“ segir hún.
Bloggvinkonur Katrínar heita
Elín Björk Guðbrandsdóttir,
Guðný Svava Strandberg, Katrín
Níelsdóttir og Zordís og stendur
sýning þeirra yfir til 14. sept-
ember. Áhugasamir geta kynnt
sér bloggheim Katrínar á síðunni
katrinsnaeholm.blog.is.
freyr@frettabladid.is
Bloggvinkonur með sýningu
KATRÍN SNÆHÓLM Katrín og bloggvinkonur hennar ætla að efna til samsýningar í Ráðhúsi Reykjavíkur sem verður opnuð 30. ágúst.
FRÉTTABLAÐIÐ/GVA
Nokkrir hönnuðir og verslunareigendur sem vinna og starfa
á jaðri Laugavegs halda tískusýningu á horni Klapparstígs og
Laugavegs í dag í tilefni menningarnætur. Sýningin hefst
klukkan 16.00 og eru það Sonja Bent, Lykkjufall, Selma
Ragnarsdóttir, Auður Design, Moods of Norway og Mojo sem
standa að sýningunni. Stórsveitin Hjaltalín mun spila undir
sýningunni og munu Rottweilerhundarnir kjaftforu einnig
leggja sitt af mörkum við að skapa réttu stemninguna.
„Við vildum reyna að tvinna saman hönnun, tísku og
tónlist á skemmtilegan hátt og leggja okkar af mörkum
fyrir menningarnótt,“ segir Sigrún Baldursdóttir, eigandi
verslunarinnar Lykkjufalls. Hver hönnuður mun einnig
gefa flík á þöglu uppboði sem fer fram í allan dag og lýkur
klukkan 22.00 í Nýlenduvöruverslun Hemma og Valda, en
allur ágóði uppboðsins rennur til MND-félagsins á Íslandi.
„Ég hlakka mikið til sýningarinnar og hvet sem flesta til
að mæta og fylgjast með,“ segir Sigrún. „Ég held að þetta
eigi eftir að verða mjög skemmtilegt. Ef vel tekst til þá er
aldrei að vita nema við endurtökum leikinn aftur að ári
liðnu.“ - sm
Á jaðri Laugavegs
HLAKKAR TIL Sigrún Baldursdóttir er ein þeirra sem taka þátt í tískusýn-
ingunni í dag. FRÉTTABLAÐIÐ/GVA
www.hotelodinsve.is
Odins Bodega - BRAUÐBÆR tjaldar á Óðinstorgi !
Veitingatjald verður fyrir framan Hótel Óðinsvé á Menningarnótt,
með dönskum stíl. Þar verður að finna ekta danskt smurbrauð frá
Brauðbæ, Carlsberg bjór og úrval af dönskum snafs. Tónlist,
tískusýning, verslanir og ýmis skemmtun verður á torginu.
Opnum kl.12 á laugardaginn 23.ágúst og lokum seint.
Ó RESTAURANT
Danskt smurbrauð verður einnig á Ó restaurant frá kl.12-17, borið
fram á nýjan máta að hætti Ó. Um kvöldið er boðið uppá glæsilegan
danskan matseðil ásamt föstum matseðli.
Borðapantanir í síma 511 6677
BRAUÐBÆR