Fréttablaðið - 20.12.2008, Síða 85

LAUGARDAGUR 20. desember 2008 57
1. Ljúft við vöggu lága
lofum við þig nú.
Undrið ofursmáa
eflir von og trú.
2. Undir sig tók hann
alveg feiknamikið stökk,
og á kolasóp
inn í krakkahóp
karlinn allt í einu hrökk.
3. Ég mæni út um gráan glugga
og jólasveinninn glottir bak við ský
út í bæði.
4. Uppi á lofti, inni í skáp
eru jólapakkar,
titra öll af tilhlökkun
tindilfættir krakkar.
5. Ég bið þig, ó Drottinn, að dvelja
mér hjá,
að dýrðina þína ég fái að sjá,
6. Og stjarna skín gegn um skýjahjúp
með skærum lýsandi bjarma
7. Þær sig hneigja, þær sig hneigja
-og svo snúa þær sér í hring.
8. Lausnaranum lýstu þeir,
lofgjörð drottni sungu
9. Og engan þarf að hryggja
því allir verða með
er börnin far’ að byggja sér
bæ og þorp við jólatréð.
10. Eftirvænting´ í augum má sjá
allt er eitthvað svo spennandi í dag
jafnvel kisa hún tiplar á tá
þorir tæplega að mala sitt lag
ÞEKKIRÐU LAGIÐ?
Ertu vel að þér í jólalögunum? Úr hvaða vísum eru eftirtalin brot? Svörin eru neðst á síðunni.
Svör: 1. Litla jólabarn. 2. Snæfinnur snjókarl. 3. Jólahjól. 4. Skín í rauðar skotthúfur. 5. Þá nýfæddur Jesú. 6. Hin fyrstu jól. 7. Nú skal segja. 8. Bjart er yfir Betlehem. 9. Jólasveinninn
kemur í kvöld. 10. Yfir fannhvíta jörð.
Ekki eru allir jafn klárir í jólaundir-
búningnum og sumir vakna jafnvel
við vondan draum á Þorláksmessu,
í óskreyttri íbúð og matarlausir.
Engin ástæða er þó til að örvænta.
Jólahaldið þarf ekki að vera flókið.
Hér eru ráð fyrir þá sem vilja halda
jól, en hafa ekki hug á að tapa sér
í flókinni matseld og alltof flóknum
skreytingum.
MATURINN
Hangikjöt Galdurinn við að sjóða
hangikjöt felst í því að sjóða það á
hægum hita. Hangikjöt sem er soðið
of lengi verður þurrt. Besta leiðin til
þess að sjóða hangikjöt er að setja
það í pott með köldu vatni, láta suð-
una koma upp ofurhægt og slökkva
undir pottinum um leið og vatnið fer
að sjóða. Lykilatriðið er að láta kjötið
kólna í soðinu.
Uppstúf Smjör brætt í potti og
hveiti hrært saman við. Um það bil
matskeið af smjöri á móti matskeið
af hveiti. Mjólk hellt rólega út í, hrært
og smakkað til með salti og pipar og
örlitlu múskati ef vill. Soðnar kartöflur
eru skornar í bita og bætt út í
Ora grænar Það er
ekkert annað en að
opna dósina og hella
innihaldinu í skál.
Einfaldara verður það
ekki!
Rauðkál Sumir
sjóða rauðkál sjálfir en
auðvelda leiðin er að taka niðursoðið
rauðkál, skella á pönnu með smjör-
klípu og hita það aðeins, fullkomið!
Jólaísinn Kauptu tilbúinn marengs,
góðan vanilluís, gott súkkulaði, og
rjóma. Láttu ísinn standa aðeins
til að linast og brjóttu marengsinn
niður í litla bita, þeyttu rjómann og
blandaðu öllu saman. Skreyttu með
rauðum berjum til að ná jólafíling í
réttinn.
JÓLASKRAUT
Epli og mandarínur
Epli í skál og mandarínur
eru fyrirtaks jólaskraut
sem líka má borða yfir
jólin, ágætis tilbreyting frá
öllum sætindunum sem eru á boð-
stólum um jólin. Í mandarínurnar má
svo alltaf stinga nokkrum negulnögl-
um og fá þannig klassískt og ilmandi
skraut.
Jólaseríur Ef redda þarf jólaskrauti
einn tveir og þrír þá er einfaldast að
kaupa jólaseríur og setja í glugga.
Þær gefa jólalega birtu og ekki
er verra að hafa þær rauðar eða
marglitar.
JÓLADRYKKIR
Súkkulaði Hvað
er jólalegra en heitt
súkkulaði? Að búa
það til er mjög einfalt.
Bara bræða súkkulaði í
potti og bæta mjólk út í
þangað til bragðið er að
þínu skapi. Ef fullorðnir
eru mættir í súkkulaði-
drykkju er ekki verra að
skvetta smá koníaki út í. Borið fram
með vænni slettu af rjóma.
Epladrykkur Eplasafi er hitaður í
potti og kryddaður með negulnögl-
um og rúsínum. Gefur góða lykt í
húsið.
JÓLUNUM REDDAÐ