Fréttablaðið - 20.12.2008, Page 93

LAUGARDAGUR 20. desember 2008 65
Það er ekki bara Tom Cruise sem
kann þá list að skandalísera í sjón-
varpi. Jim Carrey hefur hugsan-
lega fylgst með framgöngu hinnar
smávöxnu stórstjörnu í sjónvarpi
undanfarin ár og ákveðið að leika
sama leik. Carrey er hins vegar
mun meiri húmoristi en Cruise litli
og gerði því áhorfendur spjallþátta-
stjórnandans Ellen deGeneres
kjaftstopp þegar hann bað unnustu
sinnar, Jenny McCarthy, í beinni
útsendingu.
Carrey var gestur Ellenar en
hann er að kynna kvikmyndina
sína, Yes Man. Carrey kom öllum á
óvart þegar hann kallaði Jenny á
svið til sín, skellti sér á skeljarnar
og bað hana að giftast sér. Áhorf-
endur supu gjörsamlega hveljur
við uppátækið enda Carrey ekki
þekktur fyrir að bera tilfinningar
sína á torg, ólíkt Cruise. En um leið
og Carrey hafði tjáð Jenny hversu
mikið hann elskaði hana og virtist á
góðri leið með að bera upp bónorðið
þá skellti Ellen inn auglýsingum.
Uppátækið hefur vakið mikla
lukku þar vestra enda augljóst að
Carrey var þarna að skjóta illilega
á Tom Cruise sem hefur haft það
fyrir sið að líta út eins og asni í
sjónvarpi. Carrey hafði enda lýst
því yfir að hann hygðist aldrei
ganga inn kirkjugólfið með unn-
ustu sinni.
Jim Carrey kann enn að djóka
ALLT Í PLATI Bónorð Jim Carrey til Jenny
McCarthy í sjónvarpsþættinum Ellen
var bara grín enda ætla þau aldrei að
gifta sig.
Hinir árlegu jólatónleikar X-ins
977, X-Mas, verða haldnir á Dillon
sportbar í Hafnarfirði á mánu-
dagskvöld. Á síðasta ári voru
tónleikarnir haldnir á Nasa og
því ljóst að X-ið hefur minnk-
að aðeins við sig.
„Það var alveg ljóst að það
yrðu svolítil kreppu X-
mas,“ segir Þorkell Máni
Pétursson hjá X-inu. „Við
ákváðum að leita til IMF
um að finna hentugan
tónleikastað. Það eru
allir að leita til þeirra og
af hverju ekki við?,“ segir
hann og er ánægður með
útkomuna. „Þetta er rosa-
lega flottur staður orðinn og
þarna eru vinalegir menn
við stjórnvölinn.“
Fjöldi öflugra hljómsveita
kemur fram á tónleikunum, eða
Dr. Spock, Sign, Dikta, The Viking
Giant Show, Our Lives, Ultra
Mega Technobandið Stefán,
Vicky og Hooker Swing, auk
þess sem Ragnar Sólberg stíg-
ur á svið. Einnig mun óvænt-
ur gestur mæta á svæðið.
„Þetta eru þau bönd sem
hafa verið hvað vinsæl-
ust á árinu hjá X-inu,“
segir Þorkell Máni.
Allur ágóði rennur til
samtakanna HIV-Ísland.
- fb
X-mas í Hafnarfirði
ÞORKELL MÁNI PÉTURSSON
Þorkell Máni lofar skemmtilegum
jólatónleikum á mánudaginn.
„Platan er sérstök að því leyti að
hver stafakarl í sögunni fær sitt
eigið lag, þannig að allt stafrófið
er kynnt til sögunnar,“ segir
Bergljót Arnalds, en hún gaf
nýverið út 35 laga plötu um
Stafakarlana. „Stafakarlinn sem
syngur í hvert skipti fjallar um
allt sem hefst á þeim staf.“
Bergljót segir plötuna ekki
aðeins vera kynningu á stafróf-
inu, heldur einnig á ýmiss konar
tónlist. „Stafakarlinn S er að
dansa salsa, og Ó er að syngja
óperu. Við erum með rokk og
popp og djass líka. Ég þekki
karlana svo vel orðið að ég vissi
alveg hvernig þeir vildu hljóma,
svo þetta kom rosalega hratt til
mín. Það var samt mikil vinna að
koma þessu saman.“
Öll lögin á plötunni eru eftir
Bergljótu sjálfa, auk þess sem
hún syngur nokkur laganna.
Þorvaldur Bjarni Þorvaldsson
syngur eitt lag, auk þess sem
hann útsetti plötuna með Vigni
Snæ Vigfússyni. Það er þó
Björgvin Franz Gíslason sem
syngur flest lögin, eða þrjátíu
talsins. - þeb
Stafakarlar
á söngleikja-
plötu
GEFUR ÚT PLÖTU Bergljót gefur nú út
sína fyrstu plötu, en hún hefur áður
skrifað nokkrar barnabækur.
FRÉTTABLAÐIÐ/STEFÁN
Breska ólíkindatólið Robbie
Williams er á leiðinni í upptöku-
ver til að taka upp nýja plötu.
Þetta þykir sæta nokkuð tíðindum
því breskir fjölmiðlar hafa verið
uppfullir af fréttum um að hann
vildi ganga til liðs við Take That-
flokkinn á nýjan leik. Nú hefur
þeirri endurkomu verið ýtt út af
borðinu og Robbie hyggst gera
plötuna í byrjun janúar. „Ég
myndi byrja fyrr ef ég gæti en
upptökuverið er upptekið og ég
verð því bara að bíða þótt ég sé
ekkert sérstaklega þolinmóður
maður að eðlisfari,“ segir Robbie.
Síðasta plata söngvarans,
Rudebox, fékk ákaflega misjafn-
ar viðtökur en hún kom út árið
2006. Margir spáðu því að ferli
hans væri hreinlega lokið.
Robbie
Williams
gerir plötu