Fréttablaðið - 20.12.2008, Page 112

84 20. desember 2008 LAUGARDAGUR
HANDBOLTI Framarar segja hart í
ári hjá þeim eins og mörgum
öðrum handknattleiksfélögum
þessa dagana. Þeir óttast ekki að
þurfa að segja upp samningum en
hafa farið þá leið að endursemja
við leikmenn.
Ekki hefur enn verið gengið frá
sölu á Rúnari Kárasyni til Fuchse
Berlin þó svo að Rúnar hafi samið
við félagið fyrir nokkru síðan.
„Þeir sendu okkur tilboð sem
við svöruðum með gagntilboði.
Við bíðum svars við því núna.
Þetta tekur smá tíma og sérstak-
lega á milli landa. Svona viðræður
eiga það til að taka tíma. Ég myndi
segja að þetta væri á áætlun. Það
liggur ekkert mikið á líka enda fer
Rúnar ekki fyrr en næsta sumar,“
sagði Jón Eggert Hallsson, for-
maður handknattleiksdeildar
Fram, en hann vildi ekki gefa upp
hvað Fram vildi fá fyrir Rúnar.
Jón Eggert segir að reksturinn
hjá Fram sé á floti og hann er
bjartsýnn á að Fram klári þetta
rekstrarár með sóma.
„Það er samt ekkert launungar-
mál að þetta er erfitt en við reyn-
um að láta þetta malla. Við höfum
farið yfir stöðuna með leikmönn-
um og höfum endursamið við
flesta leikmenn. Ég sé ekki fram á
að við missum neina leikmenn
vegna vanefnda á samningi. Við
höfum skorið mikið niður hjá
okkur í bæði karla- og kvennalið-
inu. Ég held að staðan hjá okkur sé
ekkert verri eða betri en hjá
öðrum,“ sagði Jón Eggert sem
segir Framara stefna ótrauða á að
landa Íslandsmeistaratitlinum
næsta vor.
Samkvæmt heimildum Frétta-
blaðsins hefur Fram ekki gengið
vel að efna launasamninga við
leikmenn félagsins.
„Við höfum verið að semja við
menn aftur og þá upp á eitthvað
sem við teljum okkur geta efnt.
Við tilkynntum mönnum í haust að
það yrði erfitt að efna launa-
greiðslur fram að áramótum og
leikmenn höfðu skilning á því. Nú
er verið að fara yfir þessi mál og
það eru einhverjar útistandandi
skuldir. Við erum að semja um
þær skuldir við leikmenn og loka
þeim málum þannig að það séu
ekki einhverjir draugar að elta
okkur.“
Jón Eggert segir ekki mikið
fjárstreymi vera inn í rekstur
handknattleiksdeildarinnar og því
ljóst að salan á Rúnari muni hjálpa
mikið til við reksturinn.
„Það er mjög fínt að fá þessa
peninga inn og skapar rekstrar-
grundvöll fyrir deildina. Okkar
markmið er að vera með sem
flesta uppalda leikmenn í bland
við aðkeypta. Við erum að borga
einhverjum mönnum fyrir að spila
og það er gott að geta selt menn út.
Það er staðfesting á því að við
séum með gott starf og hjálpar
einnig til við reksturinn. Engu að
síður er alveg ljóst að við verðum
ekkert ríkir á því að selja Rúnar
út,“ sagði Jón Eggert.
Horfurnar eftir áramót eru
ágætar að mati Jóns Eggerts en
Framarar ætla að gera ýmislegt
til þess að fá pening. Til að mynda
verður farið í uppskipun á rækju
skömmu eftir áramót.
„Við vonumst líka til að komast í
úrslitakeppnina og fá einhvern
pening þar. Við teljum okkur í það
minnsta vera komnir með grund-
völl fyrir því að reka þetta svona
út tímabilið.“.
henry@frettabladid.is
Framarar verða ekki ríkir
á að selja Rúnar Kárason
Jón Eggert Hallsson, formaður handknattleiksdeildar Fram, er bjartsýnn á að
samkomulag náist á milli Fram og Fuchse Berlin um söluna á Rúnari Kárasyni.
Hann segir reksturinn erfiðan og að endursamið hafi verið við leikmenn.
GULLKÁLFUR Peningarnir sem væntanlega fást við söluna á Rúnari Kárasyni til Berl-
ínar munu hjálpa handknattleiksdeild Fram. FRÉTTABLAÐIÐ/ANTON
FÓTBOLTI Framherjinn snjalli
Emmanuel Adebayor hjá Arsenal
hefur trú á því að Lundúnafélagið
hafi burði til þess að vinna
Meistaradeild Evrópu.
„Af hverju ekki? Við vorum
óheppnir í fyrra gegn Liverpool
og það vantar nú aðeins tvo frá
Arsenal-liðinu sem lagði AC
Milan þá. Liðið hefur breyst til
hins betra núna og við sýndum
það til að mynda með því að
skella Fenerbahçe í Tyrklandi,“
segir Adebayor. - óþ
Emmanuel Adebayor:
Af hverju ekki?
ADEBAYOR Telur Arsenal líklegt í Meist-
aradeildinni. NORDIC PHOTOS/AFP
FÓTBOLTI Dregið var í 32-liða
úrslitum UEFA-
bikarsins í gær og þar
voru ensku félögin
Aston Villa, Tottenham
og Man. City í pottin-
um. Villa mætir CSKA
Moskva, Tottenham
mætir Shakhtar Donetsk
og City leikur gegn FC
Kaupmannahöfn.
Stórleikur umferðar-
innar er þó viðureign
AC Milan og Werder
Bremen. - óþ
Dregið í UEFA-bikarnum:
Bremen og AC
Milan mætast
UEFA-BIKARINN
32-liða úrslit
PSG-Wolfsburg
FC Kaupmannahöfn-Man. City
NEC-Hamburg
Sampdoria-Metalist
Braga-Standard Liege
Aston Villa-CSKA Moskva
Lech-Udinese
Olympiakos-St. Etienne
Fiorentina-Ajax
AaB-Deportivo la Coruna
Werder Bremen-AC Milan
Bordeaux-Galatasaray
Dynamo Kiev-Valencia
Zenit St. Pétursborg-Stuttgart
Marseille-Twente
Shakhtar Donetsk-Tottenham
FÓTBOLTI Markvörðurinn Petr
Cech segir leikmenn Chelsea
hungraða sem aldrei fyrr að
vinna ensku úrvalsdeildina aftur
eftir tveggja ára bið og enn
fremur Meistaradeildina í fyrsta
skipti í sögu félagsins.
„Enska úrvalsdeildin og
Meistaradeildin eru erfiðar
keppnir en auðvitað setjum við
stefnuna á að vinna á báðum
vígsstöðum. Það er erfitt að segja
til um hvernig þetta fer en við
höfum unnið ensku úrvalsdeildina
áður og höfum náð í úrslitaleik
Meistaradeildarinnar þannig að
ég tel að við búum yfir reynslunni
sem þarf til þess að vinna báðar
keppnirnar,“ segir Cech í viðtali
við Sky Sports. - óþ
Petr Cech, Chelsea:
Metnaður til að
vinna tvöfalt
CECH Telur Chelsea hafa burði til þess
að vinna tvöfalt. NORDIC PHOTOS/AFP
FÓTBOLTI Augu Íslendinga verða örugg-
lega á sænsku kvennadeildinni í fót-
bolta í sumar þar sem átta íslenskar
stelpur mun vera í sviðsljósinu. Sví-
arnir eru búnir að setja saman leikja-
dagskrána á tímabilinu sem hefst 1.
apríl og lýkur heilum sjö mánuðum
síðar. Deildin fer reyndar í tveggja
mánaða frí frá 26. júlí til 26.
september vegna Evrópu-
mótsins í Finnlandi.
Öll Íslendingaliðin eru á
útivelli í 1. umferðinni og
ekkert þeirra mætast.
Fyrsti Íslendinga-
slagurinn af 20 í
sænsku úrvalsdeild-
inni í kvennafótbolta
fer fram 13. apríl þegar
Kristianstad tekur á
móti Djurgården. Leik-
urinn er í þriðju
umferð en aðeins
einn Íslendinga-
slagur er á dag-
skrá í fyrstu
fjórum umferðunum.
Elísabet Gunnarsdóttir
mun mæta þremur fyrr-
um læridætrum sínum í
fyrstu sex umferðunum.
Hún mætir Guðbjörgu
Gunnarsdóttur og félög-
um í Djurgården í 3.
umferð, Dóru Stefánsdótt-
ur og félögum í LdB FC Malmö í 5. umferð og svo
Margréti Láru Viðarsdóttur og félögum í Lin-
köping í 6. umferð.
Mest verður um að vera í 6. og
7. umferð sem fram fara 10. og
17. maí en tveir Íslendingaslag-
ir verða í hvorri umferð.
Edda Garðarsdóttir og Ólína
Guðbjörg Viðarsdóttir verða
síðastar af Íslendingun-
um til þess að mæta
löndum sínum en
fyrsti Íslendinga-
slagurinn hjá Öre-
bro er ekki fyrr en
í 7. umferð þegar
liðið sækir Kristi-
anstad heim 17.
maí. Sá leikur
verður hins vegar
fjórði Íslendinga-
slagurinn sem Elísa-
bet Gunnarsdóttir og
hennar stelpur spila
á tímabilinu, þar af
sá þriðji á heimavelli.
- óój
Sænska kvennadeildin í fótbolta hefst 1. apríl og lýkur sjö mánuðum seinna:
Fyrsti Íslendingaslagurinn er
ekki fyrr en í þriðju umferð
MÆTAST FYRST Elísabet
Gunnarsdóttir mætir
Guðbjörgu Gunnarsdóttur
í fyrsta Íslendingaslagn-
um. FRÉTTABLAÐIÐ/STEFÁN
HANDBOLTI Hafnfirska undrabarn-
ið Aron Pálmarsson mun skrifa
undir samning við Þýskalands-
meistara Kiel í dag samkvæmt
heimildum Fréttablaðsins.
Aron hefur dvalið í Kiel síðustu
daga ásamt fjölskyldu
sinni, sá Kiel pakka
Göppingen saman í
bikarnum og mun
svo fylgjast með
stórleik Kiel og
Flensburg í
dag.
Aron mun
skrifa undir
fjögurra ára
samning við
þýska
stórliðið.
- hbg
Aron Pálmarsson:
Skrifar undir
hjá Kiel í dag
Útsölustaðir:
Fjarðarkaup, Hafnarfirði
og Hagkaups verslanir