Fréttablaðið - 07.02.2009, Page 34

MENNING 2
til hans andríki og fögnuð. Hann
bar enda breyskleika sína fram og
gekkst fúslega við þeim. Þeir voru
partur af veröldinni því enginn
okkar var fullkominn, allir höfðu
sinn djöful að draga. Og breysk-
leikar hans sumir urðu honum að
aldurtila, allt allt of snemma.
Myndlist Flóka var af evrópsk-
um stofni þótt hann væri menntað-
ur hér í strangri yfirdrottnun hins
geómetríska forms. Íslenskt mynd-
listarlíf umbar hann sem elsta
soninn í hópnum, strák sem ekki
vildi fullorðnast og tók lífið ekki
alvarlega. Hann var enda drátthag-
ur með afbrigðum frá unga aldri
og tók stefnu sem var á skjön við
viðtekna, afsökunarlaust, því hann
vissi hvaða braut hann gekk. Við-
mið hans voru bæði forn og ný, en
öll utan við ríkjandi stefnu. Drátt-
högustu meistarar álfunnar sátu
með honum á hillu og hann vissi
í hvaða selskap hans var, vissan
um getuna blasti við, var augljós.
Þrátt fyrir styrka einstefnu sína
var hann víðsýnn og leit til allra
átta og mat menn kalt, viðurkenndi
styrk þeirra en færði hætti þeirra
í skríkjandi sögur sem rufu alla
múra velsæmis. Flóki var mikill
meistari anektótunnar.
Í kynningu á sýningu Listasafns
Reykjavíkur, sem mun vera auð-
ugast íslenskra safna af verkum
Flóka, sem er við hæfi, hann var
barn Reykjavíkur og dáði sína
borg og hennar dásamlegu kvöld
og nætur, hefur Sjón lýst henni
sem yfirlitssýningu. Það yfir-
lit nær skammt því enn er ekki
unnin fullnaðarskrá um verk hans
þótt þrjár bækur hafi komið út um
myndheim hans: minningar Nínu
Bjarkar frá 1992, Ævintýrabók-
in, inngangur Aðalsteins Ingólfs-
sonar um hann með myndum frá
1983 og loks Teikningar hans sem
komu á bók 1963. En utan þeirra er
aragrúi mynda og ætti Listasafnið
að hvetja menn til að koma þeim
til skrár í tengslum við sýninguna
nú.
Það verður góð aðsókn: Flóki
naut þess alla tíð að hann var
góður auglýsingamaður og kunni
að leika sér með íslensku press-
una, lék hlutverkið út í æsar með
bros á vör og strákslegt blik í auga.
Fólk af öllu standi leit á sýning-
arnar hans af forvitni: strúttandi
naktar gyðjur og ljótir krumpaðir
karlar, auðnir og undurfögur blóm,
gapandi sköp og reistir sköndlar:
blek, blý og krít, rauð og svört.
Komdu hingað inn í heimminn
minn elskan mín, faðmlagið var
stórt og opið og allir máttu koma,
öllum var fagnað. Svo er enn: sýn-
ingin stendur uppi í Grófinni fram
í maí.
Flóki á sýningu sinni 1963. Á vegg til hægri er ein sjálfsmynda hans.
MYND 365/LJÓSMYNDARI ÓKUNNUR.
Hann heilsaði manni jafnan fagn-
andi: „Elsku drengurinn minn“ og
þá var framundan veisla, rétt eins og
hann býður nú til, persónulegur og
eggjandi furðuveröld lýkst upp.
M
yrkir músíkdagar
hófust í gær, hátíð
Tónskáldafélags
Íslands, sem helguð
er nútímatónlist.
Myrka músíkdaga hafa tónskáld-
in haldið frá 1980 og valið til þessa
hátíðarhalds fyrstu skímudaga
ársins. Hátíðin ber að þessu sinni
merki um þá víðu breidd sem
komin er í íslenska tónlistarsköp-
un. Þar sitja við sama borð Gunn-
ar og Hilmar Þórðarsynir, Egill
Ólafsson og Atli Heimir, Ragn-
heiður Gísladóttir og Mist Þor-
kelsdóttir, Árni Egilsson og Kar-
ólína Eiríksdóttir. Meira að segja
djassinn skýst inn í hátíðarhaldið
í verki Árna í flutningi Sigurðar
Flosasonar. Dagskráin er þéttrið-
in og hundruð tónlistarmanna
koma fram í flutningi marg-
breytilegra verka. Forráðamenn
hátíðarinnar hafa gripið til þess
ráðs að beina tónleikahaldinu frá
kostnaðarsömu húsnæði yfir í
húsnæði sem ekki er byggt fyrir
tónlistarflutning, eins og kirkjur
og listagallerí. Tilgangurinn er sá
að styrktaraðilar sjái fjárstuðn-
ing sinn renna í flutning og lif-
andi fólk en ekki hálfopinberar
steinsteypur. Tónleikastaðirnir
eru Salurinn í Kópavogi, Hafnar-
borg, Listasafn Íslands, Norræna
húsið, Sölvhóll – salur Listahá-
skólans við Sölvhólsgötu, Háskóla-
bíó, Laugaborg í Eyjafirði. Þá
verða tónleikar í Langholtskirkju,
Neskirkju og Guðríðarkirkju. Hér
koma fram allir helstu burðarás-
ar í íslensku tónlistarlífi: Sinfón-
ían, Kammersveit Reykjavíkur,
Caput, Camerata Jóns Leifs, auk
smærri hópa tónlistarmanna.
Sannkölluð veisla: á átta dögum
verða sextán tónleikar.
„Við viljum rísa gegn fordóma-
múrum sem hólfa tónlistina og
flytjendur hennar niður. Það er
ekkert æðra eða lægra. Eina ósk
okkar er að verkin hafi nútímalegt
músíkalskt innihald, óháð stílum
og stærð,“ segir Kjartan Ólafs-
son, formaður Tónskáldafélagsins.
Tæpur þriðjungur verkanna er
frumfluttur. Í félagi við íslenska
tónsmiði eru höfundar á borð við
John Tavener, Steve Reich, Pavel
Zemek og Peter Graham. Hátíð-
in styrkir tengsl við tónlistarlíf
landsbyggðarinnar: Kammerkór
Suðurlands kemur fram og Laug-
arborg í Eyjafjarðarsveit er þátt-
takandi í hátíðinni. Stefnt er að
því að byggja fleiri brýr vestur
á landi og austur á fjörðum og á
Héraði: „Það verður að auka sam-
starf hátíða hér á landi, það er
bæði gjöfult og praktískt,“ segir
Kjartan. Umfang og staðsetning
hátíðarinnar minnir á þörfina
fyrir nýtt tónlistarhús. Spurning-
in er bara hvenær verður óhætt
að bóka húsið fyrir Myrka músík-
daga? 2011 eða 2012?
Skemmtilegt
Kjartan Ólafsson tónskáld er í forsvari fyrir Myrka músíkdaga sem hófust í gær.
FRÉTTABLAÐIÐ/VALLI
ER MYRKRIÐ
Breiddin í íslensku tónlistarlífi er mikil og sjaldgæf tækifærin þar sem stillt er
saman allri breiddinni. Það eru menn að reyna á Myrkum músíkdögum sem
hófust í gær en sextán tónleikar eru á dagskránni næstu daga.
TÓNLIST PÁLL BALDVIN BALDVINSSON
ENDURFUNDIR
31. janúar – 30. nóvember
Spennandi leikir og
verkefni fyrir fjölskyldur
og skólahópa!
SÝNING FYRIR ALLA FJÖLSKYLDUNA
Suðurgata 41 101 Reykjavík sími 530 2200 www.thjodminjasafn.is/endurfundir Opið alla daga vikunnar nema mánudaga kl. 11–17· · · ·
Á sýningunni má sjá gripi sem fundust
við fornleifarannsóknir á mörgum helstu
sögustöðum þjóðarinnar sem styrktar
voru af Kristnihátíðarsjóði 2001–2005.