Réttur - 01.11.1964, Side 48

240
R É T T U R
í lýsingum á verklýðshreyfingu og kommúnistaflokkum vesturlanda.
Enda þótt miðað hafi fram á við hér og þar í þessum hluta heims,
er afl okkar og styrkur þar enn í dag hvergi nærri nóg til að ráða
við þau v.iðfangsefni sem okkar bíða. Að undanskildum nokkrum
flokkum (í Frakklandi, á Ítalíu, Spáni o. s. frv.) hefur kommúnist-
um enn ekki tekizt að framkvæma neinar raunhæfar pólitískar að-
gerðir, sem tengi þá traustari böndum við hinn vinnandi fjölda,
starf þeirra er takmarkað við fræðslu og áróður og þeir hafa ekki
látið að ráði til sín taka í stjórnmálalífi landa sinna. Það verður
með öllu móti að binda enda á þetta skeið, svo að kommúnistar losni
úr einangruninni, taki virkan og samfelldan þátt í stjórnmálum og
félagslegri baráttu landa sinna, fái pólitískt frumkvæði í sínar hend-
ur og verði raunverulegar fjöldahreyfingar.
Það er einnig af þessar.i ástæðu að við höfum jafnan verið og
erum enn mjög vantrúaðir á gagnsemi alþjóðaráðstefnu, enda þótt
við höfum ævinlega talið sjónarmið Kínverja röng og hættuleg, ef
slík ráðstefna væri eingöngu eða aðallega haldin til að fordæma
þessi sjónarmið eða berjast gegn þeim, og það einmitt vegna þess
að við höfum óttazt og óttumst enn að á þennan hátt verði kommún-
istaflokkar auðvaldslandanna hraktir í öfuga átt við þá sem við
teljum nauðsynlega, svo að þeir lamist af innbyrðis deilum, sem eru
í eðli sínu einvörðungu hugmyndafræðilegar, fjarri öllum raun-
veruleika. Hættan yrði sérlega mikil ef afleiðingin yrði yfirlýstur
klofningur hreyfingarinnar með myndun alþjóðlegrar miðstöðvar
í Kína, sem myndi stofna sínar „deildir“ í öllum löndum. Allir flokk-
arnir og þó einkum þeir sem veikastir eru myndu verða að eyða
miklum hluta starfs síns í deilur og baráttu gegn þessum svonefndu
„deildum“ í nýju „Alþjóðasambandi“. Þetta myndi draga úr bar-
áttukjarki fjöldans og torvelda mjög alla framþróun hreyfingar
okkar. Það er rétt, að klofningstilrauna Kínverja gætir þegar mjög
í nærr.i öllum löndum, en nauðsynlegt er að koma í veg fyrir að
fjöldi þessara tilrauna hafi í för með sér eðlisbreytingu, að meg-
ind verði að eigind, þ. e. að klofningurinn verði alger.
Hinar hlutlægu aðstæður eru okkur mjög hagkvæmar, bæði innan
verklýðsstéttarinnar, meðal hins vinnandi fjölda og í þjóðfélagslíf-
■inu almennt. En það verður að gera sér grein fyrir þessum aðstæð-
um og kunna að notfæra sér þær. Til þess verða kommúnistar að
hafa pólitíska dirfsku, sigrast á hvers konar kreddutrú, takast á við
og leysa ný vandamál með nýjum hætti. Það verður að beita starfs-
aðferðum sem eru í samræmi við pólitískt og félagslegt umhverfi
þar sem eiga sér stað stöðugar og skjótar breytingar.