Réttur - 01.10.1930, Blaðsíða 16

328 STRAUMHVÖRF [Rjettuv
á sínu eigin bragði og kenna til fullnustu á afleiðing-
unum af kreppu skipulags síns. Einmitt þegar krepp-
an dynur yfir, þarf að magna baráttuna, svo að hún
helst ríði auðvaldinu að fullu.
Úrslitahríðin er því fyrir dyrum áður en varir. Þeg-
ar heimsauðvaldið heyir lokastríð sitt við kommúnism-
ann, þá verður það jafnt háð hjer í þessari arðrændu
nýleníiu auðvaldsins sem annarstaðar. Og sje meiri-
hluti verkalýðsins þá enn þá á bandi sosialdemokrata,
verða örlög hreyfingarinnar hin sömu og við þekkjum
áður í Þýskalandi og víðar.
Þessvegna er nú myndun kommúnistaflokks í sam-
bandi við Alþjóðasamband Kommúnista hin brýnasta
nauðsyn tii að varðveita sosialismann á íslandi frá
eyðiieggingu, til að skapa verkalýðnum hæft forustulið,
er til orustunnar kemur, og til að leiða frelsisbaráttu
íslenskrar alþýðu til sigurs í samvinnu við verkalýðs-
stjettir heimsins í baráttu þeirra gegn heimsauðvald-
inu.
Það eru því straumhvörf að gerast, jafnt í alþjóða-
hreyfingu verkalýðsins, sem í hinni litlu deild þess
hjer. Þegar það brestur og brakar í allri auðvaldsbygg-
ingunni, þegar breska drottinvaldið hriktir og skelfur
á grunni, þá er tíminn kominn fyrir brautryðjendui'
íslenska verkalýðsins, kommúnistana, að hefja opin-
berlega uppreisnarfánann gegn kúgun heimsauðvalds-
ins og þjóna þess á íslandi.
Þegar alþýða ráðstjórnarríkjanna með glæsilegri
uppbyggingu sosialismans í Rússlandi, hefur flutt öll-
um heimi sönnunina fyrir nauðsyn hans og möguleika,
— þegar geysivöxtur framleiðslunnar í ráðstjórnar-
ríkjunum gerir skelfingu og vitfirringu auðvaldskrepp-
unnar margfalt hörmulegri, — þá er tíminn kominn
fyrir íslenska verkalýðinn, sem er að komast inn undir
hin ógurlegu áhrif auðvaldskreppunnar, að hefjast
handa, tii að fella auðvaldið á sjálfs þess syndum og