Réttur - 01.10.1930, Blaðsíða 47

Rjettur] HREYPING ÍSL. ÖREIGAÆSKU 359
ingin oft af í baráttunni fyrir brauðinu, og öreiginn
sér glytta í hart og blágrátt stálið og vaknar við.
Barátta öreigaæskunnar og tæki hennar.
Æskan er hið nýja afl, sem sífelt rennur inn í stétta-
baráttuna. Hún er kynslóðin, sem næst á aðalleikinn.
Hún er erfingi feðra sinna að afstöðu þeirra í þjóðfé-
laginu, að þrautum þeirra og þjáningum, þrám og von-
um. I stuttu máli, hún er erfingi þeirra að stéttabar-
áttunni. Sigur stéttarinnar og um leið þeirrar hugsjón-
ar, er kjör hennar og þjóðfélagsaðstaðan hafa alið, er
undir því komin, að æskukynslóðin sé enn betur vopn-
um búin en feðurnir, berjist snarpar, af meiri snilli og
viti. í fám orðum, hún þarf að skilja lögmál stéttar-
baráttunnar enn betur, gagnrýna þjóðfélagið enn
skarpar og verða við þessu á virkan hátt.
öreigaæska allra landa hefir erft hlekkina af feðr-
um sínum. En málsbótin er, að hlekkjunum hefir fylgt
þráin til að brjóta þá, hatrið til kúgarans.
Félög ungra jafnaðarmanna eiga að vera brjóstvirki
æskunnar í stéttabaráttunni. Þau eiga að hefja og
stjórna sókn öreiganna.
Véttvangurinn er tvískiftur. Baráttan er háð bæði á
atvinnusviðinu og á andlega sviðinu. Hagsmunabarátt-
an liggur næst. Hún er grundvöllur lífsins, sögunnar.
Sameiginlegir hagsmunir tengja öreiga allra landa.
Hvítir, dökkir, gulir, rauðir öreigar tengjast, gleðjast
og gráta saman, sigra eða falla, berjast hlið við hlið
gegn hinu fjandsamlega, kúgandi auðvaldi. F. U. J.
þurfa að taka upp hagsmuna-kröfur æskunnar, berjast
fyrir þeim. Þá safnast vinnandi öreiga æska að merki
þeirra. Þau eiga að semja kauptaxta fyrir unglingana,
sjá um að honum sje hlýtt. Þau eiga að standa í nánu
sambandi við eldri félagana og vinna með þeim. Þau
þurfa jafnvel að skipuleggja verkföll til að knýja kröf-