Réttur - 01.10.1930, Síða 38
350
SKIPULAGSMÁL VERKALÝÐSINS [Rjettur
í hvert skifti, sem þarf að taka afstöðu til mikils-
varðandi mála, verða sellurnar að halda sameiginlega
fundi. Verði því ekki við komið, geta sellurnar gefið
. fulltrúum umboð til að fara með mál sín á sameigin-
legum ráðstefnum.
Auk þess er nauðsynlegt, að flokksmál hvers lands-
hluta sjeu rædd á sjerstökum ráðstefnum, sem flokks-
deildir landshlutans senda fulltrúa á. Á þessum ráð-
stefnum er kosin stjórn fyrir landshlutann, sem hefir
á hendi handleiðslu starfsins í umdæmi sínu.
í öllum verklýðsfjelögum og öðrum stjettarfjelögum,
þar sem kommúnistar eru fjelagar, mynda þeir með
sjer skipulagt flokksbrot eða lið (Fraktion) og jafnt
hvort þeir eru í meirihluta eða minnihluta.
Liðin kjósa sjer stjórn eða einn eða fleiri starfs-
menn, er skipuleggja starfið og eru ábyrgir gagnvart
flokknum. Liðin ræða gaumgæfilega áhugamál þeirrar
alþýðu, sem þeir starfa í fjelagi með og þær aðferðir,
sem nota ber til að beina henni inn á rjettar brautir
stjettabaráttunnar og tengja hana flokknum. Samþykt-
ir liðsins takmarkast auðvitað af ályktunum flokksins
og almennri stefnu hans í hverju máli. En allir liðsfje-
lagar verða skilyrðislaust að fylgja gerðum samþykt-
um. Allir kommúnistar verða að koma fram sem einn
maður. Sje um kosningar, framboð fjelaga til ein-
hverra kosninga eða samþyktir í mjög mikilsvarðandi
rnálum að ræða, er viðurkenning þeirra flokksstjórna,
sem hlut eiga að máli, nauðsynleg.
Kommúnistaliðin verða jafnan að ganga fyrir skjöldu
í hagsmunamálum verkalýðsins og starfa ötullega að
því að safna verkamönnum inn í verkalýðsfjelögin,
jafnframt þvi, sem þau berjast baráttu flokks síns