Réttur - 01.08.1970, Page 1

Síðasta hefti Réttar var að mestu helgað stéttabaráttunni, sem háð var
síðasta vor bæði í kosningum og kaupdeilum og ályktunum þeim og lærdóm-
um, sem draga ber af þeirri reynslu er þá fékkst. Ýmsar greinar þessa heftis
fjalla og um íslenzk stjórnmál, einkum grein Svavars Gestssonar, en þar er
þeirri spurningu kastað fram til íslenzkrar alþýðu, hvort enn skuli hjakkað
i sama farinu og undanfarna þrjá áratugi frá 1942 eða hvort loks skuli gerð
gerbreyting á pólitískum krafta-hlutföllum með stórsigri Alþýðubandalagsins,
llokks íslenzkra sósíalista, í næstu þingkosningum.
En aðallega er þetta hefti þó helgað heimsviðburðunum, þróun þeirri, sem
nú er að gerast í átökum milli auðvalds og alþýðu um allan heim. Og þar eru
að gerast mikil umskipti. Verða þau sérstaklega áberandi, þegar borið er
saman við það ástand, sem ríkti meðan kalda stríðið var í algleymingi í Evr-
ópu 1948—55 eða við þá drjúgu sókn, sem auðvald Bandaríkjanna hóf gegn
nýfrjálsum þjóðum Afríku um miðjan þennan áratug, þegar hverri róttækri
stjórn á fætur annarri var steypt að undirlagi CIA og fyrir tilverknað innlendra
afturhaldsafla.
Nú eru allar aðstæður i þessum efnum gerbreyttar. Bandaríkin og önnur
auðvaldsríki eru búin að gefa upp alla von um að geta ráðið niðurlögum sósí-
alistísku ríkjanna með allsherjarstríði gegn þeim, hugmyndir Dulles frá tím-
um kalda stríðsins eru nú álitnar hugarórar einir af borgaralegum stjórnmála-
mönnum og jafnvel hafðar að skopi í ensk-amerískum kvikmyndum. Sovézk-
vesturþýzki samningurinn er viðurkenning staðreyndanna. Árásarstrið