Réttur - 01.01.1973, Blaðsíða 35

ANGELA DAVIS
í HEIMSÓKN
í LANDI
MARX OG ENGELS
Eftir að Angela Davis hafði unnið sigur
í baráttu sinni sem fangi við spillt réttarfar
Bandaríkjanna, einhver fræknasta sigur fyrir
dómstóli afturhalds síðan Dimitroff sigraði
í viðureigninni við „réttarfar" nazista, —
hefur hún háð látlausa baráttu gegn ameríska
auðvaldinu og „réttarfari" þess, ekki sízt til
að frelsa þá pólitísku fanga, sem enn sitja
þar í dyflissum saklausir.
Aðeins eitt hlé var gert á þessari baráttu
síðasta haust: Angela Davis var boðin til
Sovétríkjanna og Þýzka alþýðulýðveldisins
(DDR), Kúbu og Chile — og hvarvetna
fagnað með kostum og kynjum sem nærri
má geta.
Hér skal sagt örstutt frá heimsókn hennar
til Þýzka alþýðulýðveldisins, en þangað kom
hún í sérstöku boði aðalritara Sosíalístíska
Einingarflokksins, Erich Honecker.
Angela Davis er hálærður marxisti, nam
neimspeki og franskar bókmenntir við há-
skóla í Bandaríkjunum, Frakklandi og Vest-
ur-Þýzkalandi, þar sem hún valdi sér efni
úr heimspeki Kants og gildi þess fyrir frelsis-
baráttu negra. Hún var prófessor við Kali-
forníuháskóla í Los Angeles 1969, aðeins 25
ára að aldri (fædd 26. janúar 1944), þegar
ofsóknirnar hófust gegn henni. (Sjá „Rétt"
2. hefti 1971).
Angela Davis lét því mikinn fögnuð í ljós
yfir að fá að koma til hins sósíalistíska Þýzka-
lands, DDR. Tugþúsundir streymdu til flug-
vallarins til að fagna henni. Allstaðar á fund-
um komust færri að en vildu til að hylla
þessa hetju í baráttunni gegn heimsvalda-
stefnunni.
A fjöldafundi í Friedrichsstadt-Pakist í
Berlín sagði Angela Davis í ræðu sinni m.a.:
35