Réttur - 01.01.1973, Blaðsíða 57

Amilcar Cabral.
PAIGC („Hins afríkanska sjálfstæðisflokks
Guineu og Grænhöfðaeyja) og hefur „Réttur”
áður sagt frá baráttu hans. (1970, 4. hefti).
Sjálfstæðishreyfingin undir ágætri forustu
hans hafði mestalt landið á valdi sínu, nema
helztu bæina. Frelsisherinn er aðeins um 8
til 10 þúsund manns, en her nýlendukúgar-
anna, um 45000, hefur ekkert við honum,
því alþýðan stendur með frelsishernum. Hef-
ur þó her Portúgal beitt sömu níðingsaðferð-
unum og Bandaríkin í Víetnam: eitrun jarð-
ur, pindingar manna o. s. frv. — Og þetta
eru bandamenn Islands og Nato heldur ný-
lenduhernum uppi!! —
Cabral hafði þegar skipulagt hinn frelsaða
hluta Guineu: skólar, kaupfélög, alþýðu-
tryggingar, sjúkrahjálp — allt þetta var í
fullum gangi, en ekkert af því þekktist undir
stjórn Portúgals, undir verndarvæng Atlanz-
hafsbandalagsins.
Kosningar höfðu farið fram í frjálsu
Guineu og ætlunin var að lýsa yfir sjálfstæði
landsins í ár.
Amilcar Cabral var einhver mest metni
leiðtogi frelsishreyfinganna í Afríku, tryggur
frelsishugsjóninni og raunsær í senn, jafnfær
sem þjóðarleiðtogi til uppbyggingar frjálsu
landi sem baráttuforingi í frelsisstríði. Eg hef
eitt sinn hitt þennan mann og vart hitt mann,
sem meiri samúð vekur. Og nú er hann fall-
inn fyrir morðingjum Nato-ríkis. Enn halda
áfram að vera til menn á Islandi, sem álíta
að við, sem vorum kúguð nýlenduþjóð í sex
aldir, eigum heima í því bandalagi nýlendu-
kúgara og morðingja. E. O.
GUATEMALA
Frá því lýðræðisstjórn Arbenz var steypt
af stóli í Guatemala 1954 með innrás skipu-
lagðri af bandarísku leyniþjónustunni CIA,
hefur afturhaldsstjórnin þar látið drepa um
15000 manns og haldið völdum með slíkri
ógnarstjórn. Síðast tókst henni að fangelsa
og myrða nokkra af forustumönnum Verka-
mannaflokks Guatemala, sem er mjög rót-
tækur marxistaflokkur. Meðal Jxárra voru
B. A. Monzon, aðalritari flokksins, M. S.
Joroma, C. R. V. y Valle, H. B. Klee, C. A.
Jerez og M. A. Hernández, sem allir voru í
miðstjórn flokksins og Fantina Rodríguez,
sem og var í flokknum. Voru þau öll pínd
og síðan myrt.
Islenzka ríkisútvarpið og blöðin þegja
vendilega um alla slíka ógnarstjórn amerískra
leppa, nema Halldór Sigurðsson í „Þjóðvilj-
anum."
ÍTALIA
ítalska afturhaldið hefur nú orðið að
sleppa stjórnleysingjunum Valpreda og tveim
félögum hans úr „rannsóknarfangelsi" eftir
57